കശ്മീരില്‍ പോലീസ് ഉദ്യോഗസ്ഥരുടെ രാജി!! റിപ്പോര്‍ട്ട് തെറ്റെന്ന് ആഭ്യന്തര മന്ത്രാലയം! സത്യമല്ലെന്ന്

Updated: Friday, September 21, 2018, 17:11 [IST]

ശ്രീനഗര്‍: ജമ്മുകശ്മീര്‍ സ്പെഷ്യല്‍ പോലീസില്‍ കൂട്ട രാജി. സംസ്ഥാനത്ത് ഭീകരര്‍ പോലീസ് ഉദ്യോഗസ്ഥരെ തട്ടിക്കൊണ്ടു പോയി കൊലപ്പെടുത്തിയ സംഭവത്തോടെയാണ് ഏഴ് സ്പെഷ്യല്‍ പോലീസ് ഉദ്യോഗസ്ഥര്‍ രാജിവെച്ചതായുള്ള വാര്‍ത്ത പുറത്തുവന്നത്. എന്നാല്‍ ഇക്കാര്യം പിന്നീട് കേന്ദ്ര ആഭ്യന്തര മന്ത്രാലയം നിരസിച്ചിരുന്നു. കശ്മീരിലെ ഷോപ്പിയാനില്‍ ഭീകരര്‍ തട്ടിക്കൊണ്ടുപോയ പോലീസ് ഉദ്യോഗസ്ഥരില്‍ മൂന്ന് പേരെയാണ് വധിച്ചത്. തട്ടിക്കൊണ്ടുപോയവരിലെ നാലാമനെ പിന്നീട് ഭീകരര്‍ വിട്ടയച്ചിരുന്നു.

കൊല്ലപ്പെട്ട മൂന്ന് ഉദ്യോഗസ്ഥരില്‍ രണ്ട് പേര്‍ സ്പെഷ്യല്‍ പോലീസ് ഉദ്യോഗസ്ഥരാണ്. ഒരാള്‍ കോണ്‍സ്റ്റബിള്‍ റാങ്കിലുള്ള ഉദ്യോഗസ്ഥനുമാണ്. തട്ടിക്കൊണ്ടുപോയ ശേഷം വിട്ടയച്ചത് മറ്റൊരു പൊലീസ് ഉദ്യോഗസ്ഥന്റെ സഹോദരനാണ്. നേരത്തെ മൂന്ന് സെപ്ഷ്യല്‍ പോലീസ് ഉദ്യോഗസ്ഥരാണ് രാജി പ്രഖ്യാപനവുമായി വീഡിയോയില്‍ പ്രത്യക്ഷപ്പെട്ടതെന്നും പിന്നീട് നാല് മൂന്ന് പോലീസുകാര്‍ കൂടി രാജിവെക്കുകയായിരുന്നുവെന്നുമായിരുന്നു മാധ്യമങ്ങള്‍ റിപ്പോര്‍ട്ട് ചെയ്തത്.