• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കുറ്റവിമുക്ത.... ജയലളിതയുടെ ശിക്ഷ റദ്ദാക്കി

ബെംഗളൂരു: അനധികൃത സ്വത്ത് സമ്പാദനക്കേസില്‍ തമിഴ്‌നാട് മുന്‍ മുഖ്യമന്ത്രി ജയലളിതയുടെ ശിക്ഷ റദ്ദാക്കി. കര്‍ണാടക ഹൈക്കോടതി ജസ്റ്റിസ് സി കുമാരസ്വാമിയാണ് ജയലളിതയെ കുറ്റവിമുക്തയാക്കിയത്. ബെംഗളൂരുവിലെ വിചാരണക്കോടതി വിധിച്ച നാല് വര്‍ഷത്തെ തടവും 100 കോടിയുടെ പിഴയുമാണ് കര്‍ണാടക ഹൈക്കോടതി റദ്ദാക്കിയത്.

തിങ്കളാഴ്ച രാവിലെ 11 മണിക്കാണ് ഹൈക്കോടതി തമിഴ്‌നാട് രാഷ്ട്രീയത്തില്‍ നിര്‍ണായകമായ ഈ വിധി പ്രഖ്യാപനം നടത്തിയത്. വിചാരണക്കോടതിയുടെ വിധിക്കെതിരെ ജയലളിത നല്‍കിയ അപ്പീലിലാണ് ഈ വിധി. ജയലളിതയുടെ തോഴി ശശികല ഉള്‍പ്പെടെ നാല് പേരുടെയും ശിക്ഷ റദ്ദുചെയ്തിട്ടുണ്ട്. വിധിപ്രഖ്യാപനവുമായി ബന്ധപ്പെട്ട് കനത്ത സുരക്ഷയാണ് ബെംഗളൂരു നഗരത്തില്‍ ഒരുക്കിയത്. ഹൈക്കോടതി പരിസരത്ത് മാത്രം 1000 പോലീസുകാരെ വിന്യസിച്ചു.

വിധി കേള്‍ക്കാനായി ജയലളിത കര്‍ണാടക ഹൈക്കോടതിയില്‍ എത്തിയിരുന്നില്ല. കര്‍ണാടക ഹൈക്കോടതിയുടെ വിധി പുറത്തുവന്നതും ആഘോഷം തുടങ്ങി. എ ഐ എ ഡി എം കെ പ്രവര്‍ത്തകരും ജയയുടെ അണികളും പടക്കം പൊട്ടിച്ചും മധുരം വിതരണം ചെയ്തുമാണ് അമ്മയുടെ വിജയം ആഘോഷിക്കുന്നത്.

തമിഴ്‌നാട് മുഖ്യമന്ത്രി ഒ പന്നീര്‍ ശെല്‍വം ജയലളിതയുടെ വീട്ടിലെത്തി അഭിനന്ദനം അറിയിച്ചു. ജയലളിതയുടെ വസതിക്ക് മുന്നിലും പാര്‍ട്ടി പ്രവര്‍ത്തകര്‍ തടിച്ചുകൂടിയിട്ടുണ്ട്. കര്‍ണാടക ഹൈക്കോടതി വിധിപറയുന്നതിന് മുന്നോടിയായി ജയലളിതയ്ക്ക് വേണ്ടി എ ഐ എ ഡി എം കെ പ്രവര്‍ത്തകര്‍ വിവിധ ക്ഷേത്രങ്ങളില്‍ പ്രത്യേക പൂജകളും വഴിപാടുകളും നടത്തി.

English summary
Karnataka HC acquits Jayalalithaa in DA case
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more