Click it and Unblock the Notifications
Just In
Don't Miss
-
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
'ഇതാര് ഹാപ്പി ഹസ്ബെന്റ്സിലെ സലീം കുമാറോ അതോ താരദാസോ, ലക്ഷ്മിയെ മിഥുൻ പ്രണയിച്ചതിൽ അത്ഭുതപ്പെടാനില്ല' -
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ജയിലില്‍ രണ്ടാഴ്ച തികഞ്ഞു; തരിമ്പും തളരാതെ ജയലളിത
ബാംഗ്ലൂര്‍: രണ്ടാഴ്ച ജയിലില്‍ കഴിഞ്ഞാല്‍ ആരാണെങ്കിലും കുറച്ച് തളര്‍ന്നുപോകും, പോട്ടെ ചെറിയൊരു ക്ഷീണമെങ്കിലും കാണും. അതും മുഖ്യമന്ത്രി കസേരയില്‍ നിന്നും നേരിട്ട് ജയിലിലേക്ക് എത്തിപ്പെട്ടാല്‍. എന്നാല്‍ ജയലളിതയെക്കുറിച്ച് ആരെങ്കിലും ഇങ്ങനെ കരുതിയെങ്കില്‍ തെറ്റി. പരപ്പന അഗ്രഹാര ജയിലില്‍ രണ്ടാഴ്ച കഴിഞ്ഞിട്ടും പൂര്‍ണ ആരോഗ്യവതിയായി കഴിയുകയാണ് ജയലളിത.
തളര്‍ന്നുപോയ ഒരു സ്ത്രീയുടെ മട്ടും ഭാവവുമല്ല ജയലളിതയ്ക്ക് ഉള്ളതെന്ന് ബാംഗ്ലൂരിലെ ജയില്‍ ഡി ഐ ജി പി എം ജയസിംഹ പറഞ്ഞു. മുഖ്യമന്ത്രിയായിരിക്കേ ഞാന്‍ ജയലളിതയെ നേരിട്ടു കണ്ടിട്ടില്ല. ജയിലിലെ റൗണ്ട്‌സിനിടയില്‍ മാത്രമാണ് ഞാന്‍ അവരെ അടുത്തുകണ്ടിട്ടുള്ളത്. തകര്‍ച്ചയുടെ ഒരു ലക്ഷണം പോലും അവരില്‍ കാണാനില്ല. ആരോഗ്യപരമായും അവര്‍ തികച്ചും ഫിറ്റാണ്.
മുന്‍ മുഖ്യമന്ത്രിയായിരുന്നു എന്ന ഭാവമൊന്നുമില്ലാതെ ജയില്‍ ഉദ്യോഗസ്ഥരോട് പൂര്‍ണമായും സഹകരിക്കുന്ന ജയലളിതയെ ആണ് ബാംഗ്ലൂരില്‍ കാണുന്നത്. തന്നെ ജയിലില്‍ വന്ന് സന്ദര്‍ശിച്ച എ ഐ എ ഡി എം കെ നേതാക്കളെയോ എം എല്‍ എമാരെയോ എം പിമാരെയോ ജയലളിത ഫോണില്‍ വിളിക്കുകയോ ബന്ധപ്പെടാന്‍ ശ്രമിക്കുകയോ ചെയ്തില്ല എന്നും ജയില്‍ അധികൃതര്‍ പറഞ്ഞു.
അനധികൃത സ്വത്ത് സമ്പാദനക്കേസില്‍ ജയിലില്‍ കഴിയുന്ന ജയലളിതയുടെ ജാമ്യാപേക്ഷ സുപ്രീം കോടതി ഇന്ന് (2014 ഒക്ടോബര്‍ 13 തിങ്കളാഴ്ച) പരിഗണിക്കും. നേരത്തെ കര്‍ണാടക ഹൈക്കോടതി ജയയുടെ ജാമ്യാപേക്ഷ നിരസിച്ചിരുന്നു. അനധികൃതമായി സ്വത്ത് സമ്പാദിച്ച കേസില്‍ കുറ്റക്കാരിയെന്ന് കണ്ടെത്തിയ ജയലളിതയെ ബാംഗ്ലൂര്‍ കോടതി നാല് വര്‍ഷത്തെ തടവിനും 100 കോടി രൂപ പിഴയടക്കാനുമാണ് ശിക്ഷിച്ചത്.
