കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

18 ദിവസം പ്രായമായ സഹോദരന്റെ കുഞ്ഞിനെ യുവതി കെട്ടിടത്തിന് മുകളില്‍ നിന്നും താഴേക്ക് എറിഞ്ഞു

  • By ഭദ്ര
Google Oneindia Malayalam News

കാണ്‍പൂര്‍: 18 ദിവസം പ്രായമായ സഹോദരന്റെ കുഞ്ഞിനെ യുവതി ആശുപത്രി കെട്ടിടത്തില്‍ നിന്നും താഴേക്ക് എറിഞ്ഞു. മൂന്ന് പെണ്‍മക്കളുടെ അമ്മയായ യുവതിയ്ക്ക് സഹോദരന് ആണ്‍കുഞ്ഞ് ജനിച്ചതിലുള്ള അസൂയകാരണമാണ് താഴേക്ക് എറിഞ്ഞ് കൊലപ്പെടുത്തിയത് എന്ന് പോലീസിനോട് കുറ്റസമ്മതം നടത്തി.

കാണ്‍പൂരിലെ കല്യാണ്‍പൂരില്‍ തിങ്കളാഴ്ച രാവിലെയാണ് സംഭവം നടന്നത്. അണുബാധയെ തുടര്‍ന്ന് കുട്ടിയെ ദിവസങ്ങള്‍ മുന്‍പാണ് ഇന്ദിര നഗറിലെ ആശുപത്രിയില്‍ പ്രവേശിപ്പിച്ചത്. കുട്ടിയുടെ അടുത്ത് മാതാപിതാക്കള്‍ ഇല്ലാത്ത സമയത്താണ് യുവതി കുട്ടിയെ എടുത്ത് ടെറസിലേക്ക് പോയത്. രാവിലെ 5 മണിയോടെ കുട്ടിയെ കാണാന്‍ ഇല്ലെന്ന് ഇവര്‍ തന്നെ അറിയിക്കുകയായിരുന്നു.

mother-baby

തുടര്‍ന്ന് നടത്തിയ അന്വേഷണത്തില്‍ കുട്ടിയെ എടുത്ത് ഇവര്‍ കെട്ടിടത്തിന് മുകളിലേക്ക് പോകുന്നതും താഴേക്ക് എറിയുന്നതുമായ ദൃശ്യങ്ങള്‍ സിസിടിവി ക്യാമറയില്‍ പതിഞ്ഞിരുന്നു. കുട്ടിയെ ഗുരുതര പരിക്കുകളോടെ കണ്ടെത്തുകയും ചെയ്തു. പോലീസിന്റെ ചോദ്യം ചെയ്യല്ലില്‍ അസൂയ കാരണമാണ് താന്‍ കുട്ടിയെ കൊന്നതെന്ന് യുവതി സമ്മതിച്ചിട്ടുണ്ട്.

സംഭവത്തില്‍ സരിത ദേവിയെ പോലീസ് അറസ്റ്റ് ചെയ്തു. ആശുപത്രിയില്‍ നിന്നും കുട്ടി മോഷണം പോയി എന്ന് കെട്ടുകഥയുണ്ടാക്കി രക്ഷപ്പെടാനായിരുന്നു ലക്ഷ്യം. എന്നാല്‍ സിസിടിവി ദൃശ്യങ്ങള്‍ യുവതിക്കെതിരെ ശക്തമായ തെളിവുകളായി.

English summary
An 18-day-old baby boy was thrown off the roof of a hospital building in Kalyanpur area of the city allegedly by his jealous' aunt early Monday morning.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X