നടന് ജീവ മൊറോക്കോയില് അറസ്റ്റില്
റബാത്ത്:തമിഴ് സിനിമ താരം ജീവ മൊറോക്കോയില് അറസ്റ്റിലായെന്ന് വാര്ത്ത. ജീവയും സംവിധായകനായ രവി കെ ചന്ദ്രനും ആണ് മൊറോക്കോ പോലീസിന്റെ പിടിയിലായത്.
യാന് എന്ന ചിത്രത്തിന്റെ ഷൂട്ടിങ്ങിനിടെയാണ് അറസ്റ്റ് എന്നാണ് വിവരം. മൊറോക്കോയുടെ പ്രതിച്ഛായക്ക് ദോഷം വരുത്തുന്ന രംഗങ്ങളാണ് ചിത്രീകരിച്ചത് എന്ന് പറഞ്ഞായിരുന്നു അറസ്റ്റ്. പിന്നീട് അവിടെയുള്ള ഇന്ത്യക്കാര് ഇടപെട്ടാണ് ജീവയേയും രവി കെ ചന്ദ്രനേയും പുറത്തിറക്കിയത്.
നായകനെ തീവ്രവാദികള് പിടിച്ചുകൊണ്ടുപോകുന്ന രംഗമായിരുന്നത്രെ മൊറോക്കോയില് വച്ച് ചിത്രീകരിച്ചുകൊണ്ടിരുന്നത്. ഇതാണ് മൊറോക്കന് പോലീസിന് ഇഷ്ടപ്പെടാതിരുന്നത്. നടനേയും സംവിധായകനേയും അറസ്റ്റ് ചെയ്ത പോലീസ് ഷൂട്ടിങ് നിര്ത്തിവപ്പിക്കുകയും ചെയ്തു. മംഗളം പത്രമാണ് ഈ വാര്ത്ത പ്രസിദ്ധീകരിച്ചിരിക്കുന്നത്.
എന്നാല് ഇതുകൊണ്ടൊന്നും രവി ചന്ദ്രന് തളര്ന്നില്ല. മൊറോക്കോയില് ഷൂട്ടിങ് സമ്മതിച്ചില്ലെങ്കില് മൊറോക്കൊ വേറെയുണ്ടാക്കും എന്നതായിരുന്നു നിലപാട്. കലാസംവിധാനകനായി മലയാളിയായ സാബു സിറിള് കൂടെയുണ്ടെങ്കില് ഇതൊന്നും ഒരു പ്രശ്നമേ അല്ലെന്ന് രവി കെ ചന്ദ്രന് നന്നായി അറിയാമായിരുന്നു. മറ്റൊരിടത്ത് സെറ്റിട്ട് ഷൂട്ടിങ് പൂര്ത്തിയാക്കി.
മലയാളിയായ തുളസി നായരാണ് ചിത്രത്തിലെ നായിക. ഹാരിസ് ജയരാജിന്റെ കിടിലന് പാട്ടുകളാണ് ചിത്രത്തിലുള്ളതെന്നാണ് വിവരം.