അവിഹിത ബന്ധം: 25 കാരിയെയും 50 കാരനെയും മര്‍ദ്ദിച്ചു കൊന്നു

ജാര്‍ഖണ്ഡ്: അവിഹിത ബന്ധം ആരോപിച്ച 50 കാരനെയും 25 കാരിയെയും മര്‍ദ്ദിച്ചു കൊലപ്പെടുത്തി. ജാര്‍ഖണ്ഡിലെ ഗോഢ ജില്ലയില്‍ ശനിയാഴ്ച രാവിലെയാണ് സംഭവം. അവിഹിത ബന്ധം കണ്ടെത്തിയ ഇവരുടെ കുടുംബാംഗങ്ങളും നാട്ടുകാരും ചേര്‍ന്നാണ്് മര്‍ദ്ദിച്ചു കൊലപ്പെടുത്തിയത്.

സംഭവവുമായി പോലിസ് പറയുന്നതിങ്ങനെ യുവതിയും മഹേന്ദ്ര സവോയെ എന്നമധ്യവയസ്‌കനുമായി അവിഹിത ബന്ധം പുലര്‍ത്തിയിരുന്നു. ഇതറിഞ്ഞ കുടുംബാംഗങ്ങള്‍ ഇവരെ കൈയോടെ പിടികൂടി പഞ്ചായത്തില്‍ വിവരമറിയിക്കുകയായിരുന്നു. തുടര്‍ന്ന് പഞ്ചായത്ത് ഇവരെ മര്‍ദ്ദിച്ചുകൊല്ലാന്‍ വിധിച്ചു.

ഇതേതുടര്‍ന്ന് യുവതിയുടെ കുടുംബാംഗങ്ങള്‍ ഇരുവരെയും മര്‍ദ്ദിച്ചുകൊലപ്പെടുത്തുകയായിരുന്നുവെന്ന് പോലിസ് പറഞ്ഞു. ഇവരുടെ അവിഹിത ബന്ധത്തെ കുറിച്ച് നാട്ടുകാര്‍ക്കും ബന്ധുക്കള്‍ക്കും നേരത്തെ അറിയാമായിരുന്നു. എന്നാല്‍ ഇവരെ കൈയോടെ പിടികൂടാന്‍ കാത്തുനില്‍ക്കുകയായിരുന്നു നാട്ടുകാര്‍.

സംഭവവുമായി ബന്ധപ്പെട്ട് ഇതുവരെ ആരെയും അറസ്റ്റ് ചെയ്തിട്ടില്ല. ഇരുവരുടെ മൃതദേഹങ്ങള്‍ പോസ്റ്റുമോര്‍ട്ടത്തിന് അയച്ചു. യുവതിയുടെ വീട്ടുകാര്‍ക്ക് ഇതുമായി ബന്ധപ്പെട്ട് പരാതിയൊന്നുമില്ലെന്ന് പോലിസ് പറഞ്ഞു.

English summary

Jharkhand man, woman lynched over illicit relationship