കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഒടുവില്‍ അതും സംഭവിച്ചു: റിലയന്‍സ് ജിയോ ഫോണ്‍ പൊട്ടിത്തെറിച്ചു, മനപ്പൂര്‍വ്വമെന്ന് കമ്പനി!

പൊട്ടിത്തെറിച്ച ഫോണിന്‍റെ ചിത്രങ്ങളും പുറത്തുവിട്ടിട്ടുണ്ട്.

Google Oneindia Malayalam News

ശ്രീനഗര്‍: ചാര്‍ജ് ചെയ്യുന്നതിനിടെ റിലയന്‍സ് ജിയോ ഫീച്ചര്‍ ഫോണ്‍ പൊട്ടിത്തെറിച്ചു. ജമ്മു കശ്മീരിലാണ് സംഭവം. നേരത്തെ സാംസങ്ങിനും ഷവോമിയ്ക്കും ആപ്പിളിനും ഫോണ്‍ പൊട്ടിത്തെറിയ്ക്കുന്ന സംഭവങ്ങള്‍ തലവേദനയായിരുന്നു. ഇതിന് പിന്നാലെയാണ് ജിയോയുടെ ഏറെ കൊട്ടിഘോഷിച്ച ഫോണ്‍ ചാര്‍ജ് ചെയ്യുന്നതിനിടെ പൊട്ടിത്തെറിച്ചത്. ജമ്മുകശ്മീരിലായിരുന്നു സംഭവം.

ഫോണ്‍ റഡാര്‍ എന്ന വെബ്സൈറ്റാണ് ജിയോ ഫോണ്‍ പൊട്ടിത്തെറിച്ചതായും ഫോണിന്‍റെ ഒരു ഭാഗം പൂര്‍ണ്ണമായി ഉരുകിയതായും റിപ്പോര്‍ട്ട് ചെയ്തത്. പൊട്ടിത്തെറിച്ച ഫോണിന്‍റെ ചിത്രങ്ങളും പുറത്തുവിട്ടിട്ടുണ്ട്. ഫോണിന്‍റെ പിന്‍ഭാഗം പൂര്‍ണ്ണമായും കത്തിനശിച്ച നിലയിലാണുള്ളത്. എന്നാല്‍ മുന്‍വശത്തിന് തകരാര്‍ സംഭവിട്ടില്ല. എന്നാല്‍ ജിയോ ഫോണിന്‍റെ ഉപഭോക്താവിന്‍റെ പേര് റിപ്പോര്‍ട്ടില്‍ പരാമര്‍ശിക്കുന്നില്ല. ഫോണിന്‍റെ ബാറ്ററിയ്ക്ക് പ്രശ്നമുണ്ടായിരുന്നില്ലെന്നും ചാര്‍ജ് ചെയ്യാന്‍ ഉപയോഗിച്ച കേബിളിന്‍റെ അഗ്രഭാഗത്താണ് പൊട്ടിത്തെറിയുണ്ടായതെന്നുമാണ് വെബ്സൈറ്റ് റിപ്പോര്‍ട്ട് ചെയ്യുന്നത്.

reliancejiophone

ആഗോള നിലവാരമനുസരിച്ചാണ് റിലയന്‍സ് ജിയോ ഫോണുകള്‍ നിര്‍മിച്ചിട്ടുള്ളതെന്നും ഓരോ ഫോണും കഠിനമായ ഗുണമേന്മാ പരിശോധനയിലൂടെയാണ് കടന്നുപോകുന്നതെന്നും സംഭവത്തോടെ റിലയന്‍സ് വക്താവ് പ്രതികരിച്ചു. സംഭവം തങ്ങള്‍ക്ക് റിപ്പോര്‍ട്ട് ചെയ്യപ്പെട്ടിട്ടുണ്ടെന്നും ഇത് റിലയന്‍സ് ജിയോയെ അട്ടിമറിക്കുന്നതിന് വേണ്ടി മനഃപൂര്‍വം കെട്ടിച്ചമച്ചിട്ടുള്ളതാണെന്നും ബ്രാന്‍ഡിനെ അപകീര്‍ത്തിപ്പെടുത്താനുള്ള സ്ഥാപിത താല്‍പ്പര്യങ്ങളുടെ ഭാഗമാണെന്നും വക്താവ് ആരോപിക്കുന്നു. ഇത് സംബന്ധിച്ച് കമ്പനി പുറത്തിറക്കിയ പ്രസ്താവനയിലാണ് ഇക്കാര്യങ്ങള്‍ വ്യക്തമാക്കുന്നത്. അന്വേഷണത്തിന് സംഭവത്തില്‍ ഉചിതമായ നടപടി സ്വീകരിക്കുമെന്നും കമ്പനി പ്രസ്താവനയില്‍ വ്യക്തമാക്കിയിട്ടുണ്ട്.

English summary
According to a report by technology blog Phone Radar, the Jio Phone explosion happened in Kashmir. The now-deleted image on Twitter shows the back panel of the phone has been melted but the battery underneath the casing seems to be intact.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X