പീഡനക്കേസില്‍ പുറത്തിറങ്ങിയ കുട്ടികുറ്റവാളി എട്ടുവയസ്സുകാരിയെ പീഡിപ്പിച്ചു

ചെെന്ന; പീഡനക്കേസില്‍ രണ്ടുവര്‍ഷം ജുവനൈല്‍ ഹോമിലായിരുന്ന പ്രതി പുറത്തിറങ്ങിയ ശേഷം എട്ടുവയസ്സുകാരിയെ പീഡിപ്പിച്ചു. ഇയാളെ പോലീസ് അറസ്റ്റു ചെയ്തു. കൃഷ്ണഗിരി ജില്ലയിലെ ചൂളഗിരിയിലാണ് സംഭവം. നാലുകൊല്ലം മുന്‍പ് 24 കാരിയെ പീഡിപ്പിച്ച കേസിലാണ് ഇയാളെ പോലീസ് അറസ്റ്റ് ചെയ്തത്.

കഴിഞ്ഞ ഏതാനും ദിവസങ്ങള്‍ക്ക് മുന്‍പ് ജുവനൈല്‍ ഹോമില്‍ നിന്ന് പുറത്തിറങ്ങിയ പ്രതി വീടിന് മുന്നില്‍ കളിച്ചുക്കൊണ്ടിരിക്കുന്ന എട്ടുവയസ്സുകാരിയെ ആളൊഴിഞ്ഞ സ്ഥലത്തു കൊണ്ടുപോയി പീഡിപ്പിക്കുകയായിരുന്നു.

ബഹളം വച്ചാല്‍ കൊന്നുകളയുമെന്ന് പെണ്‍കുട്ടിയെ ഭീഷണിപ്പെടുത്തുകയും ചെയ്തു. തുടര്‍ന്ന് കുട്ടിയുടെ കരച്ചില്‍ കേട്ട് നാട്ടുകാര്‍ എത്തിയപ്പോഴേക്കും ഇയാള്‍ ഓടി രക്ഷപ്പെടുകയായിരുന്നു.

തുടര്‍ന്ന് പെണ്‍കുട്ടിയുടെ പിതാവ് നല്‍കിയ പരാതിയില്‍ അന്വേഷണം നടത്തിയ പോലീസ് പ്രതിയെ പിടികൂടുകയായിരുന്നു. ചൊവ്വാഴ്ചയാണ് ഇയാളെ പോലീസ് പിടികൂടിയത്. ഹൊസൂരിലെ കോടതിയില്‍ ഹാജരാക്കിയ ഇയാളെ ജുവനൈല്‍ ഹോമിലേക്ക് മാറ്റി.

English summary

juvenile accuse kidnapped girl in chennai