Click it and Unblock the Notifications
Just In
Don't Miss
-
ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
നിങ്ങളുടെ അമ്മ ഇങ്ങനെയാണോ, രാശിപ്രകാരം അമ്മമാരറിയേണ്ട കാര്യങ്ങള്‍ -
IPL 2024: ആര്സിബിക്കു ഡു ഓര് ഡൈ, തോറ്റാല് പുറത്ത്; ടോസ് ഏഴു മണിക്ക് -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
അഭിനന്ദന്‍ തടവിലായപ്പോള്‍ ബിജെപി പ്രവര്‍ത്തകരുമായി ചര്‍ച്ച, മോദിക്ക് ഗൗരവമില്ലെന്ന് സിന്ധ്യ!!
Recommended Video
ദില്ലി: പ്രധാനമന്ത്രി നരേന്ദ്ര മോദിക്ക് ദേശസുരക്ഷാ വിഷയങ്ങളില്‍ ഗൗരവമില്ലെന്ന് കോണ്‍ഗ്രസ് നേതാവ് ജോതിരാദിത്യ സിന്ധ്യ. വ്യോമസേന പൈലറ്റ് അഭിനന്ദന്‍ വര്‍ധമന്‍ പാകിസ്താന്റെ പിടിയിലായപ്പോഴുള്ള മോദിയുടെ നടപടികള്‍ എന്നെ ഞെട്ടിപ്പിച്ചു. രാജ്യം ബാലക്കോട്ടിലെ ഭീകരക്യാമ്പുകളില്‍ വിജയകരമായി വ്യോമാക്രമണം നടത്തി. കോണ്‍ഗ്രസ് ജവാന്‍മാരെയും പൈലറ്റുമാരെയും അഭിനന്ദിച്ചിരുന്നു. നമ്മുടെ ധീരനായ പൈലറ്റ് പാകിസ്താന്‍ യുദ്ധവിമാനം തകര്‍ത്തു. പക്ഷേ അദ്ദേഹം പാകിസ്താനിലാണ് ലാന്‍ഡ് ചെയ്തത്.
അഭിനന്ദന്‍ പാകിസ്താന്റെ പിടിയിലായപ്പോള്‍ നമ്മുടെ പ്രധാനമന്ത്രി ബൂത്ത് പ്രവര്‍ത്തകരുമായി തിരഞ്ഞെടുപ്പ് കാര്യങ്ങള്‍ സംസാരിക്കുകയായിരുന്നു. ബിജെപിയുടെ ബൂത്ത് പ്രവര്‍ത്തനം ശക്തമാണെന്ന് പ്രധാനമന്ത്രി പറയുന്നു. എന്നാല്‍ നിങ്ങളോട് പറയാനുള്ളത്, ഈ രാജ്യം ശക്തമായാല്‍, നമ്മുടെ ഓരോ ബൂത്തുകളും ശക്തമാകുമെന്നാണെന്ന് സിന്ധ്യ പറഞ്ഞു. രാജ്യത്ത് ദേശീയ സുരക്ഷാ പ്രതിസന്ധി ഉണ്ടാവുമ്പോള്‍ കോണ്‍ഗ്രസ് വര്‍ക്കിംഗ് കമ്മിറ്റി മാറ്റിവെച്ചു. എന്നാല്‍ പ്രധാന മന്ത്രിക്കും അദ്ദേഹത്തിന്റെ പാര്‍ട്ടിക്കും ഇത് സാധാരണ കാര്യം മാത്രമാണെന്നും സിന്ധ്യ ആരോപിച്ചു.
പ്രധാനമന്ത്രിയുടെ ജോലി ഈ രാജ്യത്തിന്റെ പരമാധികാരം സംരക്ഷിക്കുകയാണെന്നും സിന്ധ്യ പറഞ്ഞു. അതേസമയം മോദി രാജ്യത്തെ അഭിസംബോധന ചെയ്യേണ്ട സമയാമായിരുന്നു അതെന്നും രാജസ്ഥാന്‍ ഉപമുഖ്യമന്ത്രി സച്ചിന്‍ പൈലറ്റ് പറഞ്ഞു. രാജ്യത്തെ മുന്നില്‍ നിന്ന് നയിക്കേണ്ടത് അദ്ദേഹമാണ്. സര്‍വകക്ഷി യോഗം അദ്ദേഹം വിളിക്കേണ്ടിയിരുന്നു. ഈ രാജ്യത്തെ എല്ലാ പാര്‍ട്ടികളും ആ നേതാവിന് കീഴില്‍ അണിനിരക്കുമായിരുന്നു. എന്നാല്‍ അതുണ്ടായില്ലെന്നും സച്ചിന്‍ പൈലറ്റ് പറഞ്ഞു.
അതേസമയം കോണ്‍ഗ്രസ് ഈ വിഷയത്തില്‍ രാഷ്ട്രീയം കളിക്കുകയാണെന്ന് ബിജെപി ആരോപിച്ചു. എന്നാല്‍ ബിജെപിയാണ് രാഷ്ട്രീയം കളിക്കുന്നതെന്നും, യെദ്യൂരപ്പയും അമിത് ഷായും കോണ്‍ഗ്രസിനെ ഉന്നം വെച്ച് നടത്തി രാഷ്ട്രീയ പരാമര്‍ശങ്ങള്‍ ബിജെപിയുടെ തരംതാണ രാഷ്ട്രീയമാണെന്നും കോണ്‍ഗ്രസ് കുറ്റപ്പെടുത്തുന്നു. കോണ്‍ഗ്രസിന്റെ പരാമര്‍ശങ്ങള്‍ പാകിസ്താനെ സഹായിക്കാനാണെന്ന് ബിജെപി നേതാക്കളും കുറ്റപ്പെടുത്തി.
