അഞ്ചില് ആദ്യം തെലങ്കാന; കെ ചന്ദ്രശേഖര റാവു മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റു
Recommended Video
ഹൈദരാബാദ്: തെലങ്കാനയില് കെ ചന്ദ്രശേഖര റാവു മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റു. ഉച്ചക്ക് 1.30 ന് രാജ്ഭവനില് നടന്ന ചടങ്ങില് ഗവര്ണ്ണര് ഇഎസ്എല് നരസിംഹ ചന്ദ്രശേഖര റാവുവിന് സത്യവാചകം ചൊല്ലിക്കൊടുത്തു. മുതിര്ന്ന പാര്ട്ടി നേതാക്കളും എംഎല്എമാരും ചടങ്ങിന് സാക്ഷ്യം വഹിച്ചു.
തിരഞ്ഞെടുപ്പ് കമ്മീഷന്റെ ഗസറ്റ് വിജ്ഞാപനം വന്നിട്ടില്ലാത്തതിനാല് മന്ത്രിമാരുടെ സത്യപ്രതിജ്ഞ പിന്നീടാണ് നടക്കുക. കാലാവധി തീരാന് എട്ടുമാസങ്ങള് ശേഷിക്കെ നിയമസഭ പിരിച്ചുവിട്ട ചന്ദ്രശേഖര റാവുവിനെ കെയര് ടേക്കര് മുഖ്യമന്ത്രിയായി നേരത്തെ ഗവര്ണ്ണര് നിയമിച്ചിരുന്നു. ഈ പദവി ബുധനാഴ്ച്ചയാണ് അദ്ദേഹം രാജിവെച്ചത്.
തെലങ്കാന ഭവനില് ചേര്ന്ന ടിആര്എസ് എംഎല്മാരുടെ യോഗത്തില് കെസിആറിനെ ഒറ്റക്കെട്ടായി മുഖ്യമന്ത്രിയായി തിരഞ്ഞെടുക്കുകയായിരുന്നു. സര്ക്കാര് അധികാരത്തില് എത്തുന്നതോടെ ടിആര്എസ് പ്രകടനപത്രികയില് നല്കിയ വാഗ്ദാനങ്ങളെല്ലാം നടപ്പാക്കുമെന്ന് കെസിആര് വ്യക്തമാക്കി.