കൈയടി നേടി കമല്ഹാസന്; ജോലി പോയ വനിതാ ബസ് ഡ്രൈവര്ക്ക് അമൂല്യ സമ്മാനം
കോയമ്പത്തൂര്: കഴിഞ്ഞ ദിവസം മാധ്യമങ്ങളില് നിറഞ്ഞ പേരായിരുന്നു ശര്മിളയുടേത്. തമിഴ്നാട്ടിലെ ആദ്യ വനിതാ ബസ് ഡ്രൈവറാണ് ശര്മിള. 24കാരിയായ ഇവരുടെ ബസില് ഡിഎംകെ എംപി കനിമൊഴി യാത്ര ചെയ്തതുമായി ബന്ധപ്പെട്ട വിവാദമാണ് വാര്ത്തയായത്. തുടര്ന്ന് ജോലി നഷ്ടമായ ശര്മിളയ്ക്ക് സഹായ ഹസ്തവുമായി എത്തിയിരിക്കുകയാണ് കമല് ഹാസന്.
പുതിയ പാര്ട്ടി രൂപീകരിച്ച് രാഷ്ട്രീയ രംഗത്ത് സജീവമായ കമല്ഹാസന് തമിഴകത്ത് വേണ്ടത്ര തിളങ്ങാനായിട്ടില്ല. അടുത്തിടെ അദ്ദേഹം വേറിട്ട സഖ്യനീക്കം നടത്തുകയാണ്. കോയമ്പത്തൂര് കേന്ദ്രമായി പ്രവര്ത്തനം സജീവമാക്കാന് കമല്ഹാസന് തീരുമാനിച്ചിട്ടുണ്ട്. ഇതിനിടെയാണ് സോഷ്യല് മീഡിയയില് ഏറെ ചര്ച്ചയായ ശര്മിളയുടെ വിവാദമുണ്ടായത്.
കോയമ്പത്തൂരിലെ മലയാളി കുടുംബാംഗമാണ് ശര്മിള. പിതാവിന്റെ വഴിയേ ശര്മിളയും ഡ്രൈവിങ് ലൈസന്സ് എടുത്ത് ബസ് ഓടിക്കുകയായിരുന്നു. ശര്മിള ബസ് ഓടിക്കുന്നത് ദേശീയതലത്തില് വാര്ത്തയായിരുന്നു. ശര്മിളയെ കാണണം എന്ന് കനിമൊഴി എംപി താല്പ്പര്യം പ്രകടിപ്പിച്ചു. ഫോണില് ബന്ധപ്പെടുകയും കോയമ്പത്തൂരില് വരുമ്പോള് വിളിക്കാമെന്ന് പറയുകയും ചെയ്തു.
കഴിഞ്ഞാഴ്ച കനിമൊഴി എംപി കോയമ്പത്തൂരിലെത്തിയ വേളയില് ശര്മിളയെ നേരില് കണ്ടു. ഗാന്ധിനഗര്-പീലമേട് റൂട്ടിലോടുന്ന ശര്മിളയുടെ ബസില് യാത്ര ചെയ്തു. ഇതിനിടെയാണ് വിവാദത്തിന് ഇടയാക്കിയ സംഭവം. ശര്മിളയുടെ ബസിലെ കണ്ടക്ടര് പുതിയ വനിതാ ജീവനക്കാരിയായിരുന്നു. ഇവര് കനിമൊഴിയോട് ടിക്കറ്റ് ചോദിച്ചു.
ഇക്കാര്യത്തില് പരാതിയുമായി ശര്മിള പിന്നീട് ബസ് മുതലാളിയെ കണ്ടു. അദ്ദേഹം കണ്ടക്ടറുടെ ഭാഗം ന്യായീകരിച്ചു. മാത്രമല്ല, പ്രമുഖര് വരുന്ന കാര്യം തന്നെ അറിയിച്ചില്ല എന്ന കുറ്റപ്പെടുത്തലും മുതലാളിയുടെ ഭാഗത്ത് നിന്നുണ്ടായി എന്ന് ശര്മിള പറയുന്നു. തുടര്ന്ന് ശര്മിളയെ ജോലിയില് നിന്ന് പിരിച്ചുവിടുകയും ചെയ്തു. ഇത് സോഷ്യല് മീഡിയയില് വലിയ ചര്ച്ചയായി. പരിഹാരം കാണാന് ശ്രമിക്കുമെന്ന് കനിമൊഴി പിന്നീട് പ്രതികരിച്ചിരുന്നു.
അതിനിടെയാണ് കമല്ഹാസന്റെ മാസ് എന്ട്രി. അദ്ദേഹം ശര്മിളയെയും കുടുംബത്തെയും വിളിപ്പിച്ചു. ശര്മിളയ്ക്ക് കാര് സമ്മാനമായി നല്കി. ലക്ഷങ്ങള് വിലയുള്ള കാറാണ് നല്കിയത്. ഇതിന്റെ വീഡിയോ സോഷ്യല് മീഡിയയില് വൈറലാണ്. കമല് കള്ച്ചറല് സെന്ററിന്റെ പേരിലാണ് കാര് സമ്മാനിച്ചത്. ഈ കാര് വരുമാന മാര്ഗമാക്കാന് ശര്മിളയ്ക്ക് സാധിക്കും. ശര്മിളയെ പോലുള്ളവര് വളര്ന്നു വരേണ്ടതുണ്ടെന്നും കമല്ഹാസന് പറഞ്ഞു.
മക്കള് നീതി മയ്യം എന്ന പാര്ട്ടി രൂപീകരിച്ച് തമിഴ് രാഷ്ട്രീയ രംഗത്ത് സജീവമാണ് കമല്ഹാസന്. തിരഞ്ഞെടുപ്പ് കളരിയില് പക്ഷേ, കമല്ഹാസന് പരാജയപ്പെട്ടു. അടുത്ത കാലത്തായി അദ്ദേഹം കോണ്ഗ്രസിനോടും ഡിഎംകെയോടും ചേര്ന്ന് മുന്നോട്ട് പോകുകയാണ്. വരുന്ന ലോക്സഭാ തിരഞ്ഞെടുപ്പില് കോയമ്പത്തൂരില് ഡിഎംകെ പിന്തുണയില് കമല്ഹാസന് മല്സരിക്കുമെന്ന് റിപ്പോര്ട്ടുകളുണ്ട്.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google