Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കാംധുനി കൂട്ടബലാത്സംഗം; 3 പ്രതികള്‍ക്ക് വധശിക്ഷ
കൊല്‍ക്കത്ത: പശ്ചിമ ബംഗാളിലെ കാംധുനിയില്‍ ഇരുപത്തിയൊന്നു വയസുകാരിയായ പെണ്‍കുട്ടിയെ ക്രൂര ബലാത്സംഗത്തിനിരയാക്കി കൊലപ്പെടുത്തിയ കേസില്‍ 3 പ്രതികള്‍ക്ക് വധശിക്ഷ. 3 പ്രതികള്‍ക്ക് ജീവപര്യന്തം തടവുശിക്ഷയും ലഭിച്ചു. അന്‍സാര്‍ അലി, സയിഫുള്‍ അലി, അമീന്‍ അലി എന്നീ പ്രതികളെയാണ് കോടതി വധശിക്ഷയ്ക്കു വിധിച്ചത്.
അമിനൂര്‍ ഇസ്ലാം, ഇമ്മാനുവേല്‍ ഇസ്ലാം, ഭോല നാസ്‌കര്‍, എന്നീ പ്രതികള്‍ക്ക് ജീവപര്യന്തം തടവും ലഭിച്ചു. അഡീഷണല്‍ സിറ്റി സെഷന്‍സ് കോടതി ജഡ്ജ് സഞ്ചിത കര്‍ ആണ് ശിക്ഷ വിധിച്ചത്. പ്രതികള്‍ക്കെതിരെ കൂട്ടബലാത്സംഗം, കൊലപാതകം, ഗൂഢാലോചന എന്നിങ്ങനെയായിരുന്നു കുറ്റം ചുമത്തിയിരുന്നത്.
2013 ജൂണിലാണ് കൊല്‍ക്കത്തയ്ക്കു സമീപം കാംധുനിയില്‍ കേസിനാസ്പദമായ സംഭവം നടക്കുന്നത്. കോളേജ് വിട്ടുവരികയായിരുന്ന പെണ്‍കുട്ടിയെ പ്രതികള്‍ ചേര്‍ന്ന് തട്ടിക്കൊണ്ടുപോയശേഷം ഒരു ഫാം ഹൗസില്‍ എത്തിക്കുകയും അവിടെവെച്ച് ബലാത്സംഗത്തിനിരയാക്കുകയുമായിരുന്നു. കാണാതായ പെണ്‍കുട്ടിക്കുവേണ്ടിയുള്ള തിരച്ചിലിനിടെ ഒരു കനാലില്‍ നിന്നുമാണ് മൃതദേഹം കണ്ടെടുത്തത്.
കേസിലെ ഒരു പ്രതിയായ ഗോപാല്‍ നാസ്‌കര്‍ കേസിന്റെ വിചാരണ വേളയില്‍ കഴിഞ്ഞ ഓഗസ്തില്‍ മരിച്ചിരുന്നു. പ്രതികള്‍ക്കെതിരായ തെളിവുകള്‍ എല്ലാം ശക്തമായിരുന്നെന്ന് കോടതി കണ്ടെത്തി. കൊല്‍ക്കത്തിയില്‍ വലിയ കോളിളക്കമുണ്ടാക്കിയ കേസാണ് കാംധുനി. പ്രതികള്‍ക്കെതിരെ തെരുവുകളില്‍ ശക്തമായ പ്രതിഷേധം ഉയര്‍ന്നുവന്നിരുന്നു.
