സ്ത്രീകളുടെ അഭിമാനത്തെ കുറിച്ച് പറയുന്ന കനയ്യ അപമര്യാദയായി പെരുമാറി; മുന്‍ വിദ്യാര്‍ത്ഥിനി

ദില്ലി: ജെ എന്‍യു വിദ്യാര്‍ഥി യൂണിയന്‍ ചെയര്‍മാന്‍ കനയ്യ കുമാര്‍ വീണ്ടും വിവാദത്തില്‍. ജെ എന്‍യുവിലെ മുന്‍ വിദ്യാര്‍ത്ഥിനിയാണ് കനയ്യക്കെതിരെ രംഗത്ത് എത്തിയത്. ക്യാംപസിനകത്തും മറ്റ് പൊതുസ്ഥലത്തും മൂത്രമൊഴിച്ചത് ചോദ്യം ചെയ്ത പെണ്‍കുട്ടിയോട് അപമര്യാദയായി പെരുമാറിയെന്നും ഭീഷണിപ്പെത്തിയതായും റിപ്പോര്‍ട്ട്.

ഇതിന്റെ പേരില്‍ കഴിഞ്ഞ വര്‍ഷം ഒക്ടോബറില്‍ സര്‍വകലാശാല 3000 രൂപ പിഴ ചുമത്തിയതായി ആരോപണത്തിനിരയായ കംലേഷ് പരമേശ്വരി നര്‍വാന പറഞ്ഞു. സാമൂഹിക മാധ്യമത്തിലൂടെയാണ് ഇവര്‍ ഇത് വെളിപ്പെടുത്തിയത്.

വെളിപ്പെടുത്തല്‍

ജെഎന്‍യു മുന്‍ വിദ്യാര്‍ത്ഥിനിയാണ് കനയ്യയ്‌ക്കെതിരെ വെളിപ്പെടുത്തലുമായി രംഗത്തെത്തിയിരിക്കുന്നത്. സമൂഹ മാധ്യമത്തിലൂടെയാണ് പെണ്‍കുട്ടി വെളിപ്പെടുത്തിയത്.

കാര്യങ്ങള്‍ ഇങ്ങനെയാണ്

കനയ്യ ക്യാംപസിലും പൊതുപ്രദേശങ്ങളിലും മൂത്രമൊഴിച്ചത് ചോദ്യം ചെയ്ത പെണ്‍കുട്ടിയെ കനയ്യ അപമര്യാദയായി പെരുമാറുകയും ഭീഷണിപ്പെടുത്തുകയും ചെയ്തു. പെണ്‍കുട്ടിയെ മനോരോഗിയെന്നു വിളിക്കുകയായിരുന്നു.

സംഭവം നടന്നത്

കഴിഞ്ഞ വര്‍ഷം ഒക്ടോബര്‍ 16 ആയിരുന്നു സംഭവം. കനയ്യയുമായുള്ള വാക്കേറ്റെ തുടര്‍ന്ന് ഇവര്‍ പരാതി നല്‍കുകായിരുന്നതായി എ ഐ എസ് എഫ് നേതാവ് റാഹില പര്‍വീണ്‍ പറഞ്ഞു.

പിഴ ചുമത്തി

പെണ്‍കുട്ടി ആരോപിച്ച സംഭവം സര്‍വകലാശാല സ്ഥിരീകരിച്ചു. ഈ സംഭവത്തില്‍ 3000 രൂപ കനയ്യയില്‍ നിന്ന് ഈടാക്കുകയും ചെയ്തു. പിഴ ഈടാക്കിയ ഉത്തരവും കത്തുമാണ് പെണ്‍കുട്ടി സമൂഹ മാധ്യമത്തില്‍ പോസ്റ്റു ചെയ്തത്.

അന്ന് പ്രസിഡണ്ട് അല്ല

അന്ന് കനയ്യ യൂണിയന്‍ പ്രസിഡണ്ട് ആയിരുന്നില്ല. അന്വേഷണത്തില്‍ കനയ്യ കുറ്റക്കാരനാണെന്ന് കണ്ടെത്തിയാണ് പിഴ ചുമത്തിയത്. എന്നാല്‍ കനയ്യയുടെ ഭാവി കണക്കിലെടുത്ത് വിസി നടപടി 3000 രൂപ പിഴയില്‍ ഒതുക്കുകയായിരുന്നു.

കപട വിപ്ലവകാരി

കപട വിപ്ലവകാരിയായ കനയ്യ സ്ത്രീകളുടെ അഭിമാനത്തെ കുറിച്ച് പറയുന്നതില്‍ അത്ഭുതം തോന്നുന്നുവെന്ന് ഇവര്‍ കത്തില്‍ പറയുന്നുണ്ട്. സ്ത്രീകളുടെ അഭിമാനത്തെ കുറിച്ച് കനയ്യയ്ക്ക് അറിയുമോയെന്ന് കത്തില്‍ ചോദിക്കുന്നുണ്ട്.

English summary

Kanhaiya faced University action for ‘misbehaving’ with woman