• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

നജീബിനെ തേടി അമ്മ എവിടെ പോകണം? ചോദിക്കുന്നത് കനയ്യ!! ഇതൊരു മുന്നറിയിപ്പോ?

  • By Gowthamy

ദില്ലി: ജെഎന്‍യു കോളേജില്‍ നിന്ന് കാണാതായ വിദ്യാര്‍ഥി നജീബിനെ തേടി അവന്റെ അമ്മ എങ്ങോട്ടേക്കാണ് പോകേണ്ടതെന്ന് വിദ്യാര്‍ഥി നേതാവ് കനയ്യ കുമാര്‍. പ്രമുഖ മാധ്യമത്തിനു നല്‍കിയ അഭിമുഖത്തിലാണ് കനയ്യ ഇക്കാര്യം ചോദിക്കുന്നത്.

തങ്ങള്‍ അറസ്റ്റിലായതിനെക്കാള്‍ പ്രധാനപ്പെട്ടതാണ് നാലുമാസം പിന്നിട്ടിട്ടും നജീബിനെ കുറിച്ച് വിവരം ഒന്നും ലഭിക്കാതിരിക്കുന്നതെന്നും കനയ്യ പറയുന്നു.

ഇന്ന് കാണുന്ന തരത്തില്‍ തന്നെ ഒരു സെലിബ്രിറ്റി ആ ക്കിയത് കേന്ദ്ര സര്‍ക്കാരാണെന്നും കനയ്യ പറയുന്നു. മധ്യവര്‍ഗക്കാരായ ജനങ്ങള്‍ക്ക് മോദിയോട് ദേഷ്യമാണെന്നും കനയ്യ.

 ആദ്യം ക്രിമിനലാക്കി

ആദ്യം ക്രിമിനലാക്കി

തന്നെ ഇന്നു കാണുന്ന തരത്തില്‍ സെലിബ്രിറ്റിയാക്കിയത് കേന്ദ്രസര്‍ക്കാരാണെന്ന് കനയ്യ പറയുന്നു. ആദ്യം അവര്‍ തന്നെ ക്രിമിനലാക്കിയെന്നും എന്നിട്ട് സെലിബ്രിറ്റിയാക്കിയെന്നും കനയ്യ വ്യക്തമാക്കുന്നു. എവിടെ പോകുന്നതിനും തനിക്ക് പോലീസ് എസ്‌കോര്‍ട്ട് ഉണ്ടെന്ന് കനയ്യ പറയുന്നു. ഇതിലൂടെ തനിക്ക് തന്റെ വ്യക്തിപരമായ ചില സുഖങ്ങള്‍ നഷ്ടപ്പെട്ടുവെന്നും കനയ്യ.

എല്ലാംഗൂഢാലോചന

എല്ലാംഗൂഢാലോചന

തനിക്കെതിരായ കേസ് ഗൂഢാലോചനയുടെ ഭാഗമാണെന്നാണ് കനയ്യ പറയുന്നത്. ഇപ്പോള്‍ ആ കേസിനെപ്പറ്റി എല്ലാവരും മറന്നു പോയിരിക്കുകയാണെന്നും കനയ്യ പറയുന്നു. കേസുമായി ബന്ധപ്പെട്ട ചാര്‍ജ് ഷീറ്റ് ഇതുവരെ സമര്‍പ്പിച്ചിട്ടില്ലെന്നും കനയ്യ.

പ്രശ്‌നങ്ങള്‍ പറയുന്നു

പ്രശ്‌നങ്ങള്‍ പറയുന്നു

ആധുനിക തൊഴില്‍ പ്രസ്ഥാനങ്ങളാണ് വിദ്യാര്‍ഥി പ്രസ്ഥാനങ്ങളെന്ന് കനയ്യ പറയുന്നു. സമീപ കാലത്തു തന്നെ തൊഴില്‍ രഹിതരാകുമെന്ന കാര്യം വിദ്യാര്‍ഥികള്‍ക്കറിയാമെന്നും കനയ്യ പറയുന്നു. വിദ്യാര്‍ഥികളുടെ ശക്തി വലിയ അംഗ സംഖ്യയാണെന്നും കനയ്യ. പ്രശ്‌നങ്ങള്‍ വിദ്യാര്‍ഥികള്‍ ഉന്നയിക്കുന്നുണ്ടെന്നും അതിനാലാണ് സര്‍ക്കാര്‍ വിദ്യാര്‍ഥികളെയും യൂണിവേഴ്‌സിറ്റികളെയും ലക്ഷ്യം വയ്ക്കുന്നതെന്നും അദ്ദേഹം പറയുന്നു.

അമ്മ എവിടെ പോകണം

അമ്മ എവിടെ പോകണം

ജെഎന്‍യു വിദ്യാര്‍ഥി നജീബിനെ കാണാതായ സംഭവം ഗൗരവമുള്ളതാണെന്ന് കനയ്യ പറയുന്നു. തങ്ങളെ അറസ്റ്റ് ചെയ്തതിനെക്കാള്‍ ഗൗരവമാണിതെന്നും അദ്ദേഹം പറയുന്നു. ഒക്ടോബറിലാണ് നജീബിനെ കാണാതായത്. നജീബിനെ തേടി അവന്റെ അമ്മ എവിടേക്കാണ് പോകേണ്ടതെന്നും കനയ്യ ചോദിക്കുന്നു. തങ്ങളെ അറസ്റ്റ് ചെയ്തപ്പോള്‍ ജയിലിലാണെന്ന കാര്യം എല്ലാവര്‍ക്കും അറിയാമായിരുന്നുവെന്നും കനയ്യ. നിങ്ങളെ കാണാതായാല്‍ പോലും പോലീസ് കണ്ടെത്തില്ലെന്നും കനയ്യ വ്യക്തമാക്കുന്നു.

 ഇടതിന് പ്രിയമേറുന്നു

ഇടതിന് പ്രിയമേറുന്നു

മധ്യവര്‍ഗക്കാരായ ജനങ്ങള്‍ക്ക് മോദിയോട് ദേഷ്യമാണെന്ന് കനയ്യ പറയുന്നു. മോദിയുടെ നയങ്ങള്‍ കാരണമാണിതെന്നും കനയ്യ പറയുന്നു. ഇത്തരക്കാരെ ഒറ്റക്കെട്ടാക്കുന്നത് ഇടതുപക്ഷമാണെന്നും കനയ്യ. ഇങ്ങനെയാണ് ഇടത് പാര്‍ട്ടികള്‍ക്ക് ഇക്കാലത്ത് പ്രാധാന്യമുണ്ടാകുന്നതെന്നും കനയ്യ വ്യക്തമാക്കുന്നു.

English summary
‘Where will Najeeb’s mother go to find him?’asks kanhaiya kumar.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more