കാലയില് കലിപ്പ് തീരാതെ കന്നഡിഗര്: പ്രസ്താവന തിരുത്താതെ സിനിമ പ്രദര്ശിപ്പിക്കാമെന്ന ചിന്ത വേണ്ട!
lബെംഗളൂരു: രജനികാന്ത് തന്റെ പരാമര്ശം തിരുത്തുകയോ പിന്വലിക്കുകയോ ചെയ്യാതെ കാല കര്ണ്ണാടകയില് സജീവമായി പ്രദര്ശിപ്പിക്കാമെന്ന പ്രതീക്ഷ വേണ്ടെന്ന് തിയേറ്റര് ഉടമകള്ക്ക് വിവിധ കന്നഡ സംഘടനകളുടെ മുന്നറിയിപ്പ്. ചിത്രത്തില്റെ ആഗോളതലത്തിലുള്ള റിലീസ് വ്യാഴാഴ്ചയായിരുന്നു. എന്നാല് ബംഗളൂരുവിലെ റിലീസിങ് കേന്ദ്രങ്ങളിലെല്ലാം ഇന്നലെ രാവിലെ തന്നെ വിവിധ കന്നഡ സംഘടനകള് മാര്ച്ച് സംഘടിപ്പിച്ചിരുന്നു.
വിവേക് നഗറിലെ ബാലാജി ടാക്കീസില് 'കാല 'പ്രദര്ശനം നടക്കുമെന്ന സൂചനയെ തുടര്ന്ന് കന്നഡ സംഘടനയായ 'കരുനാട സേവ കാരു ' എന്ന സംഘടനയുടെ നേതൃത്വത്തില് തിയേറ്ററിലേക്ക് പ്രവര്ത്തകര് ഇരച്ചു കയറി , ചിത്രത്തിന്റെ ബാനറുകളും, കട്ടൌട്ടുകളും നശിപ്പിച്ചു. അതേസമയം കന്നഡ തമിഴ് സംഘര്ഷസാധ്യത കണക്കിലെടുത്ത് പോലീസ് നഗരത്തില് നിലയുറപ്പിച്ചിരുന്നു പ്രമുഖ സിനിമ ബുക്കിംഗ് സൈറ്റുകളില് ഇന്നലെ 'കാല 'യുടെ റിലീസ് വിവരങ്ങള് പ്രദര്ശിപ്പിച്ചിരുന്നുമില്ല.എന്നാല് രജനിയോട് തങ്ങള്ക്ക് വിരോധം ഇല്ല എന്നും എന്നാല് കാവേരി ഈ നാടിന്റെ പ്രശ്നമാണെനും അതിനെ ചൊല്ലിയുള്ള തര്ക്കവിഷയങ്ങള്ക്കും പരാമര്ശങ്ങള്ക്കും എല്ലായ്പ്പോഴും പ്രാധാന്യം നല്കണമെന്നും സംഘടന തലവന് രൂപേഷ് രാജന്ന വ്യക്തമാക്കി.
എന്നാല് തിയേറ്റര് ഉടമകളുടെ സംഘടനകള് 'കാല ' യുടെ പ്രദര്ശനവുമായി ബന്ധപ്പെട്ടു മുഖ്യമന്ത്രി കുമാര സ്വാമിക്ക് നേരത്തെ നിവേദനം നല്കിയിരുന്നു. പക്ഷെ ഈ സാഹചര്യത്തില് ചിത്രം റിലീസ് ചെയ്താല് അത് കളക്ഷനെ പോലും സാരമായി ബാധിക്കുമെന്നും. പ്രശ്ന പരിഹാരത്തിനു ശേഷം മാത്രം ചിത്രം വ്യാപകമായി റിലീസ് ചെയ്യുന്നതാണ് നല്ലതെന്നും അദ്ദേഹം വ്യക്തമാക്കി. ചിത്രത്തിന് പൊതുവേ സമ്മിശ്ര പ്രതികരണമാണ് ലഭിക്കുന്നത്. ഒരു രജനി ചിത്രത്തിന് ലഭിക്കേണ്ട സ്വീകാര്യതയൊന്നും എങ്ങു നിന്നും ലഭിക്കുന്നില്ല. കട്ടൌട്ടുകളുടെ എണ്ണത്തില് പോലും വന് കുറവാണു ചെന്നയില് പലയിടത്തും അനുഭവപ്പെടുന്നത് റിലീസ് ചെയ്തതിനു പിന്നാലെ ചിത്രത്തിന്റെ വ്യാജ പതിപ്പ് ഇന്റര്നെറ്റില് പ്രത്യക്ഷപ്പെട്ടതും കാലയ്ക്ക് തിരിച്ചടിയായി.