കശ്മീരും എൻആർസിയും ജിഎസ്ടിയും പോലെ ഈ ദുരന്തം നിങ്ങളുണ്ടാക്കിയതല്ല! മോദിയെ ട്രോളി കണ്ണന് ഗോപിനാഥൻ!
ദില്ലി: പ്രധാനമന്ത്രി നരേന്ദ്ര മോദിയെ പരിഹസിച്ച് മുന് ഐഎഎസ് ഉദ്യോഗസ്ഥന് കണ്ണന് ഗോപിനാഥന്. കൊവിഡ് പ്രതിരോധ പ്രവര്ത്തനങ്ങളുമായി ബന്ധപ്പട്ടാണ് കണ്ണന് ഗോപിനാഥന്റെ പ്രതികരണം. നോട്ട് നിരോധനവും കശ്മീരും അടക്കമുളള വിഷയങ്ങളാണ് കണ്ണന് ഗോപിനാഥന് ഉയര്ത്തിക്കാട്ടിയിരിക്കുന്നത്. കണ്ണന് ഗോപിനാഥന്റെ ട്വീറ്റ് ഇങ്ങനെയാണ്:
''പ്രിയപ്പെട്ട പ്രധാനമന്ത്രി നരേന്ദ്ര മോദീ, രാഷ്ട്രീയ പാര്ട്ടി നേതാക്കളേയും നിങ്ങള്ക്ക് താല്പര്യമുളള മറ്റ് പ്രമുഖരേയും ഉള്പ്പെടുത്തി ഒരു നാഷണല് റെസ്പോണ്സ് ടീം രൂപീകരിക്കൂ. അവരുമായി നിരന്തരം കൂടിക്കാഴ്ചകള് നടത്തൂ. അവരില് നിന്നും ആശയങ്ങള് സ്വീകരിക്കൂ. അവര്ക്ക് അകമഴിഞ്ഞ നന്ദി രേഖപ്പെടുത്തൂ. നോട്ട് നിരോധനവും ജിഎസ്ടിയും ആര്ട്ടിക്കിള് 370ഉം എന്ആര്സിയും പോലെ ഈ ദുരന്തം താങ്കളുണ്ടാക്കിയതല്ല. ഒരു രാജ്യമെന്ന നിലയ്ക്ക് നമ്മളിതിനെ ഒറ്റക്കെട്ടായി നേരിടും''.
കശ്മീരിന്റെ പ്രത്യേക പദവി പിന്വലിച്ചതില് പ്രതിഷേധിച്ചാണ് കഴിഞ്ഞ വര്ഷം കണ്ണന് ഗോപിനാഥന്റെ ഐഎഎസ് പദവി ഉപേക്ഷിച്ചത്. കൊവിഡിന്റെ പശ്ചാത്തലത്തില് സര്വ്വീസിലേക്ക് തിരികെ കയറാന് കേന്ദ്രം കണ്ണന് ഗോപിനാഥനോട് ആവശ്യപ്പെട്ടിരുന്നു. എന്നാല് തിരിച്ച് കയറില്ലെന്നാണ് അദ്ദേഹം മറുപടി പറഞ്ഞത്. 2019 ഓഗസ്റ്റ് 27ന് അയച്ച കത്തില് കണ്ണന് ഗോപിനാഥനോട് ജോലിയില് തിരികെ പ്രവേശിക്കാന് നിര്ദേശിച്ചിരുന്നു. ഇത് പാലിക്കാത്തതിനെ തുടർന്ന് കേന്ദ്ര ആഭ്യന്തര മന്ത്രാലയം വീണ്ടും കത്തയച്ചു. എന്നാൽ തിരികെ വരുന്ന പ്രശ്നമില്ലെന്ന നിലപാടിലാണ് കണ്ണൻ ഗോപിനാഥൻ.
തുടർന്ന് കണ്ണൻ ഗോപിനാഥന് എതിരെ പോലീസ് കേസെടുത്തിരിക്കുകയാണ്. ആദ്യം ഗുജറാത്ത് പോലീസും ഇക്കുറി ദാമന് ദിയു പോലീസും ആണ് കണ്ണന് ഗോപിനാഥന് എതിരെ കേസെടുത്തിരിക്കുന്നത്. സര്ക്കാര് ഉത്തരവ് ദുര്വ്യാഖ്യാനം ചെയ്തു എന്നാരോപിച്ചാണ് നേരത്തെ ഗുജറാത്ത് പോലീസ് കണ്ണന് ഗോപിനാഥന് എതിരെ എഫ്ഐആര് രജിസ്റ്റര് ചെയ്തിരുന്നത്. ജോലിയില് തിരിച്ച് പ്രവേശിക്കാനുളള ഉത്തരവ് പാലിക്കാത്തതിന്റെ പേരിലാണ് കണ്ണന് ഗോപിനാഥന് എതിരെ ദാമന് ദിയു-ദാദ്ര നാഗര് ഹവേലി പോലീസ് കേസ് രജിസ്റ്റര് ചെയ്തത്. എപിഡെമിക് ഡിസീസസ് ആക്ട്, ഐപിസി 188, ഡിസാസ്റ്റര് മാനേജ്മെന്റ് ആക്ട് എന്നിവ പ്രകാരമാണ് കേസെടുത്തിരിക്കുന്നത്.
Dear PM @narendramodi, make a national response team with leaders of political parties & other citizens of your choice. Meet them often. Take ideas. Thank them explicitly. Unlike demo, GST, 370 or NRC, this disaster is not your doing. We will deal with it together as a nation.
— Kannan Gopinathan (@naukarshah) May 4, 2020
-
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
'കോട്ടാത്തലേ, ചാണകപ്പുഴു..പേപ്പട്ടികള് കെട്ടിയിട്ടിടത്തു നിന്ന് കുരയ്ക്കും';അഖിൽ മാരാർക്കെതിരെ ഷിയാസ് കരീം -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
"ഞാൻ ബീഫ് കഴിക്കും, അതിലിപ്പോ എന്താ?" തുറന്ന് പറഞ്ഞ് ബിജെപി നേതാവും നടനുമായ കൃഷ്ണകുമാർ -
ഇറാനിൽ കനത്ത വ്യോമാക്രമണം; ഏറ്റവും വലിയ വിമാനവാഹിനിക്കപ്പൽ വിന്യസിച്ച് അമേരിക്ക -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
വിജയ് 'പുറത്താകുമോ'; താരത്തെ വെട്ടിലാക്കി സംഗീതയുടെ അടുത്ത ഹര്ജി, 'താന് എവിടെ താമസിക്കും' -
ഇടിത്തീ! ഗാർഹിക സിലിണ്ടർ വില കുത്തനെ കൂട്ടി; സാധാരണക്കാർക്ക് വൻ പ്രഹരം -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ശമ്പളം കൂടുന്നു; 2024 ജൂലായ് ഒന്നുമുതൽ മുൻകാല പ്രബല്യത്തോടെ കിട്ടും..പെൻഷനും വർധിക്കും -
സൗദി അറേബ്യ, ഖത്തര് 'ഫോഴ്സ് മഷര്' എടുത്തേക്കും; 3 രാജ്യങ്ങളില് ചര്ച്ച, അമേരിക്ക കുടുങ്ങും
Click it and Unblock the Notifications
Sign in with Google