കര്‍ണാടക അസംബ്ലി തിരഞ്ഞെടുപ്പ് 2018: വോട്ടെടുപ്പ് അവസനിച്ചു

ബെംഗളൂരു: കർണാടകയിൽ വോട്ടെടുപ്പ് തുടങ്ങി. രാവിലെ ഏഴ് മണി മുതലാണ് വോട്ടെടുപ്പ് ആരംഭിച്ചത്. മംഗളൂരു, ദക്ഷിണ കന്നഡ ഉൾപ്പെടെയുള്ള മേഖലകളിൽ രാവിലെ മുതൽ തന്നെ നീണ്ട ക്യൂ രൂപപ്പെട്ടു. അതേസമയം, മൈസൂരു, ബെംഗളൂരു, മടിക്കേരി, തുടങ്ങിയ മേഖലകളിൽ മന്ദഗതിയിലാണ് പോളിങ്. രാവിലെ 10 മണി കഴിയുന്നതോടെ കൂടുതൽപേർ പോളിങ് ബൂത്തിൽ എത്തുമെന്നാണ് രാഷ്ട്രീയ പാർട്ടികളുടെ പ്രതീക്ഷ. വൈകീട്ട് ആറ് മണി വരെയാണ് പോളിങ്.

224 നിയോജക മണ്ഡലങ്ങളിൽ 222 ഇടങ്ങളിലാണ് ഇന്ന് വോട്ടെടുപ്പ് നടക്കുന്നത്. . രണ്ടിടത്തെ തിരഞ്ഞെടുപ്പ് മാറ്റിവെച്ചിട്ടുണ്ട്. . സ്ത്രീകൾക്ക് മാത്രമായി പിങ്ക് ബൂത്തുകളും സജ്ജമാക്കിയിട്ടുണ്ട് എന്നതാണ് ഇത്തവണത്തെ തിരഞ്ഞെടുപ്പിൻറ പ്രത്യേകത. 450 പിങ്ക് ബൂത്തുകളാണ് സംസ്ഥാനത്ത് ഒരുക്കിയിട്ടുള്ളത്.

മുഖ്യമന്ത്രി സിദ്ധരാമയ്യ നയിക്കുന്ന കോൺഗ്രസും മുൻ മുഖ്യമന്ത്രി നയിക്കുന്ന ബി ജെ പിയും തമ്മിലാണ് പ്രധാന മത്സരം. എച്ച് ഡി ദേവെഗൗഡയുടെ ജനതാദൾ എസും ആം ആദ്മി പാർട്ടിയും എം ഇ പിയും മത്സരരംഗത്തുണ്ട്. പഞ്ചാബിനൊപ്പം മറ്റൊരു വലിയ സംസ്ഥാനം കൂടി നിലനിർത്താനുള്ള സുവര്‍ണാവസരമാണ് കോൺഗ്രസിന്. ദക്ഷിണേന്ത്യയിൽ ആദ്യമായി താമര വിരിഞ്ഞ സംസ്ഥാനമാണ് കർണാടക. പ്രധാനമന്ത്രി നരേന്ദ്രമോദി, പാർട്ടി പ്രസിഡണ്ട് അമിത് ഷാ തുടങ്ങിയ പ്രമുഖരെ ബി ജെ പി പ്രചാരണത്തിന് ഇറക്കിയപ്പോൾ കോൺഗ്രസിന് വേണ്ടി രാഹുൽ ഗാന്ധിയും സോണിയാ ഗാന്ധിയും വോട്ട് ചോദിച്ചെത്തി.

56696 ബൂത്തുകളിലായി 5.12 കോടി വോട്ടർമാരാണ് ഇന്ന് സമ്മതിദാനാവകാശം വിനിയോഗിക്കുക. 2.44 കോടി സ്ത്രീകൾ ഉൾപ്പെടെയാണിത്. 12000 ബൂത്തുകൾ പ്രശ്നബാധിതമായി കണ്ടെത്തിയിട്ടുണ്ട്. കനത്ത സുരക്ഷയിലാണ് വോട്ടെടുപ്പ് നടക്കുക. വാശിയേറിയ പോരാട്ടം നടക്കുന്ന കർണാടകയിൽ ആര് ജയിക്കുമെന്ന് വ്യക്തമായി പ്രവചിക്കാന്‍ അഭിപ്രായ സർവ്വേകൾക്കും കഴിഞ്ഞിട്ടില്ല. 15 തിങ്കളാഴ്ചയാണ് വോട്ടെണ്ണൽ.

കര്‍ണാടക വോട്ടടുപ്പിന്റെ ലൈവ് അപ്ഡേറ്റ്സ് തുടർന്ന് വായിക്കാം:

English summary

Karnataka assembly Election 2018 polling today. Live updates.