മലയാളി വോട്ടുകളിൽ കണ്ണുംനട്ട് കുടക്.. ഭരണം നിലനിർത്താൻ ബിജെപി, കുടകിൽ അഭിമാന പോരാട്ടം

ബെംഗളൂരു: കർണ്ണാടക തിരഞ്ഞെടുപ്പ് ചൂടിലാണ്.തിരഞ്ഞെടുപ്പിന് ദിവസങ്ങൾ മാത്രം അവശേഷിക്കവെ സ്വന്തം നില മെച്ചപ്പെടുത്താനുള്ള നെട്ടോട്ടത്തിലാണ് പാർട്ടികൾ. പരസ്പരം വിമർശിച്ചും ആരോപണങ്ങൾ ഉന്നയിച്ചും പ്രചാരണങ്ങൾ കൊഴുക്കുകയാണ്. എന്നാൽ ഇതിൽ നിന്നും വളരെ വിത്യസ്ഥമായ കാഴ്ചയാണ് കുടകിലുള്ളത്.കുടകിൽ തിരഞ്ഞെടുപ്പ് ആവേശമില്ലെന്ന് മാത്രമല്ല പ്രചാരണം തണുപ്പൻ മട്ടിലാണ് താനും.

നിലവിലുള്ള രണ്ടു സീറ്റും നിലനിർത്താനാണ് ബി ജെ പി ശ്രമിക്കുന്നത് എങ്കിൽ പഴയ തട്ടകത്തെ വീണ്ടെടുക്കാൻ കോൺ​ഗ്ര​സും ശ്ര​മി​ക്കു​ന്നു.ക​ണ്ണൂ​ർ-​കാ​സ​ർ​കോ​ട്​-​വ​യ​നാ​ട്​ ജി​ല്ല​ക​ളു​ടെ അ​തി​ർ​ത്തി പ​ങ്കി​ടുന്ന മണ്ഡലമാണ് വിരാജ് പേട്ട. വയനാട് അതിർത്തിയിലെ കുട്ട,കണ്ണൂ​ർ അ​തി​ർ​ത്തി​യി​ലെ മാ​ക്കൂ​ട്ടം, കാ​സ​ർ​കോ​ട്​ അ​തി​ർ​ത്തി​യി​ലെ ക​രി​കെ-​പാ​ണ​ത്തൂ​ർ എ​ന്നി​വയുമായി അതിർത്തി പങ്കിടുന്നതാണ് മണ്ഡലം.മ​ല​യാ​ളി​ക​ളു​ടെ കോ​ട്ട എ​ന്ന​റി​യ​പ്പെ​ടു​ന്ന മ​ണ്ഡ​ല​ത്തി​ലെ മൊ​ത്തം 2,15,000 വോ​ട്ട​ർ​മാ​രി​ൽ മു​പ്പ​തി​നാ​യി​ര​േ​ത്താ​ളം വ​രും മ​ല​യാ​ളി വോ​ട്ട​ർ​മാ​ർ. അ​തു​കൊ​ണ്ടു​ത​ന്നെ മ​ല​യാ​ളി വോ​ട്ടു​ക​ൾ വി​ധി നി​ർ​ണാ​യ​ക​മാ​ക്കും.

യെ​ദി​യൂ​ര​പ്പ​യു​ടെ ഭ​ര​ണ​കാ​ല​ത്ത്​ സ്​​പീ​ക്ക​റാ​യി​രു​ന്ന പ​രി​ച​യ​സ​മ്പ​ത്തു​മാ​യാ​ണ്​ ബി.​ജെ.​പി​യി​ലെ കെ.​ജി. ബോ​പ്പ​യ്യ രം​ഗ​ത്തി​റ​ങ്ങി​യി​രി​ക്കു​ന്ന​ത്. യൂ​ത്ത്​ കോ​ൺ​ഗ്ര​സി​ലൂ​ടെരാ​ഷ്​​ട്രീ​യ​ത്തി​ൽ പ്ര​വേ​ശി​ച്ച്​ ജി​ല്ല പ​ഞ്ചാ​യ​ത്തം​ഗം, 2005-2008 കാ​ല​യ​ള​വി​ൽ എം.​എ​ൽ.​സി എ​ന്നീ​നി​ല​ക​ളി​ൽ ക​രു​ത്ത്​ തെ​ളി​യി​ച്ച​യാ​ളാ​ണ്​ കോ​ൺ​ഗ്ര​സി​ലെ സി.​എ​സ്. അ​രു​ൺ മാ​ച്ച​യ്യ. ജ​ന​താ​ദ​ളി​​​ന്റെ ജി​ല്ല അ​മ​ര​ക്കാ​ര​നാ​യ എം. ​സ​ങ്കേത് പൂ​വ​യ്യ രാ​ഷ്​​ട്രീ​യ പോ​രാ​ട്ട​ങ്ങ​ളുടെ അനുഭവസമ്പത്തുമായാണ് ഇറങ്ങുന്നത്.

ര​ണ്ടു​ത​വ​ണ വീ​രാ​ജ്​​പേ​ട്ട​യെ ബിജെപി​യി​ൽ​നി​ന്ന്​ പ്ര​തി​നി​ധാ​നം​ചെ​യ്​​ത അ​നു​ഭ​വ​മാണ് എ​ച്ച്.ഡി.ബ​സ​വ​രാ​ജ്​ എം.​ഇ.​പി പാ​ർ​ട്ടി​യി​ൽ​നി​ന്ന്​ മ​ത്സ​രി​ക്കു​ന്ന​ത്.1994ലെ ​തെ​ര​ഞ്ഞെ​ടു​പ്പി​ൽ വി​ജ​യി​ക്കു​ക​വ​ഴി മ​ണ്ഡ​ല​ത്തി​ൽ 'താ​മ​ര​ക്ക്​’ മേ​ൽ​വി​ലാ​സംഉ​ണ്ടാ​ക്കി​ക്കൊ​ടു​ത്ത എ​ച്ച്.​ഡി. ബ​സ​വ​രാ​ജ്​ പു​തു​താ​യി രൂ​പ​വ​ത്​​കൃ​ത​മാ​യ മ​ഹി​ളാ എം​പ​വ​ർ​​മ​​െൻറ്​ പാ​ർ​ട്ടി​യു​ടെ സ്ഥാ​നാ​ർ​ഥി​യാ​ണ്. ഇ​വ​രെ കൂ​ടാ​തെ ര​ണ്ടു​ സ്വ​ത​ന്ത്ര​ർ​മാ​രും രം​ഗ​ത്തു​ണ്ട്.തെ​ര​ഞ്ഞെ​ടു​പ്പ്​ ദി​വ​സം അ​ടു​ക്കു​ന്തോ​റും സ്ഥാ​നാ​ർ​ഥി​ക​ളി​ൽ വീ​റും വാ​ശി​യുംകൂ​ടു​ന്ന​തോ​ടൊ​പ്പം അ​നു​യാ​യി​ക​ളു​ടെ നെ​ഞ്ചി​ടി​പ്പും കൂ​ടു​ന്നു. സം​സ്ഥാ​ന​രാ​ഷ്​​ട്രീ​യ​ത്തി​ൽ കു​ട​ക്​​ രാ​ഷ്​​ട്രീ​യ​ത്തി​ന്​ കാ​ര്യ​മാ​യ സ്വാ​ധീ​ന​മു​ണ്ടാ​ക്കാ​നാ​വി​ല്ലെ​ങ്കി​ലും സ്ഥാനാർത്ഥികൾക്കും പാർട്ടികൾക്കും അഭിമാനപ്രശ്നമാണ്

English summary

Karnataka election kodagu constituency malayalee votes will be crucial for political parties