Click it and Unblock the Notifications
Just In
-
-
-
Don't Miss
-
'ബിഗ് ബോസിലെ കൊടും വിഷം സിബിൻ; ജാസ്മിനെ ലക്ഷ്യമിടുന്നതിന് പിന്നിലെ തന്ത്രം'; സിബിനെതിരെ വിമർശനം -
IPL 2024: 18, 12; വീണ്ടും വിക്കറ്റ് വലിച്ചെറിഞ്ഞ് സഞ്ജു! ഇങ്ങനെ പോയാല് ലോകകപ്പ് നോക്കേണ്ട -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
കോണ്‍ഗ്രസില്‍ ശുദ്ധികലശം.... കോണ്‍ഗ്രസിന്‍റെ 30 സിറ്റിങ്ങ് എംഎല്‍എമാര്‍ തോല്‍ക്കും!!
ബെംഗളൂരു: കര്‍ണാടക തെരഞ്ഞെടുപ്പ് പടിവാതിലില്‍ എത്തി നില്‍ക്കുകയാണ്. അധികാരം ഉറപ്പിക്കാനുളള നെട്ടോട്ടത്തില്‍ കോണ്‍ഗ്രസും ദക്ഷിണേന്ത്യയില്‍ ആദ്യം താമര വിരിഞ്ഞ സംസ്ഥാനം തിരിച്ചുപിടിക്കാനുള്ള ശ്രമം ബിജെപിയും തകൃതിയായി നടത്തുന്നുണ്ട്. എന്നാല്‍ വരാനിരിക്കുന്ന നിയമസഭാ തെരഞ്ഞെടുപ്പില്‍ 30 കോണ്‍ഗ്രസ് എംഎല്‍എമാര്‍ തോല്‍ക്കും എന്ന റിപ്പോര്‍ട്ടാണ് ഇപ്പോള്‍ പുറത്തുവന്നിരിക്കുന്നത്. തിരഞ്ഞെടുപ്പിന് മുമ്പ് എംഎല്‍എമാരുടെ പ്രവര്‍ത്തനം വിലയിരുത്താന്‍ കോണ്‍ഗ്രസ് തന്നെ നടത്തിയ സര്‍വ്വേയിലാണ് വരാനിരിക്കുന്ന തിരഞ്ഞെടുപ്പില്‍ 30 എംഎല്‍എമാര്‍ തോല്‍ക്കാന്‍ സാധ്യത ഉണ്ടെന്ന റിപ്പോര്‍ട്ട് വന്നത്. അതുകൊണ്ട് തന്നെ ഇനി ആര്‍ക്കൊക്കെ സീറ്റ് നല്‍കണം എന്നത് സംബന്ധിച്ചുള്ള ചൂടന്‍ ചര്‍ച്ചകള്‍ക്ക് കോണ്‍ഗ്രസ് നേതൃത്വം തുടക്കമിട്ട് കഴിഞ്ഞു.
സര്‍വ്വേ ഫലങ്ങള്‍ പരിശോധിച്ച് ഉടന്‍ തന്നെ ഹൈക്കമാന്‍റ് ഒരു തിരുമാനം കൈക്കൊള്ളും. നിലവിലെ ഈ മുപ്പത് എംഎല്‍എമാര്‍ക്കും സീറ്റ് നല്‍കേണ്ടെന്നാണ് ഹൈക്കമാന്‍റിന്‍റെ പൊതുവേയുള്ള നിരീക്ഷണം. പുതുമുഖങ്ങളെ ഇറക്കി ജനവിധി തേടണമെന്നാണ് ഹൈക്കമാന്‍റ് മുന്നോട്ട് വെയ്ക്കുന്ന നിര്‍ദ്ദേശം. എന്നാല്‍ ഹൈക്കമാന്‍റിന്‍റെ ഈ നിര്‍ദ്ദേശത്തോട് സംസ്ഥാന നേതൃത്വം നീരസം പ്രകടിപ്പിച്ചു കഴിഞ്ഞു. പരീക്ഷണങ്ങള്‍ക്ക് മുതിരാതെ രാഷ്ട്രീയത്തില്‍ തഴക്കം ഉള്ള മുതിര്‍ന്ന നേതാക്കളെ ഇറക്കിയാല്‍ മാത്രമേ ബിജെപിയോട് നിലവിലെ സ്ഥിതിയില്‍ ഏറ്റുമുട്ടാനാകൂവെന്ന കാര്യമാണ് ഇതിന് ന്യായീകരണമായി സംസ്ഥാന നേതൃത്വം മുന്നോട്ട് വെയ്ക്കുന്നത്.
പുതുമുഖങ്ങളെ പ്രോത്സാഹിപ്പിക്കണം എന്ന നിലപാടാണ് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും മുന്നോട്ട് വെയ്ക്കുന്നത്. അതേസമയം എന്തു വന്നാലും വിജയിച്ചേ മതിയാകൂ എന്ന് മുഖ്യമന്ത്രി സിദ്ധരാമയ്യ വ്യക്തമാക്കി. എന്നാല്‍ പുതുമുഖങ്ങളെ വെച്ച് പരീക്ഷണം നടത്തുന്നതിനോട് അദ്ദേഹം വിയോജിപ്പ് പ്രകടിപ്പിച്ചിട്ടുണ്ട്. എന്തായാലും മാര്‍ച്ച് 28,29 തീയതികളില്‍ നടക്കുന്ന കോണ്‍ഗ്രസ് യോഗത്തില്‍ ആര്‍ക്കൊക്കെ സീറ്റ് നല്‍കണമെന്നത് സംബന്ധിച്ചുള്ള അന്തിമ തിരുമാനം കൈക്കൊള്ളും.
