ട്രാഫിക് നിമയലംഘനങ്ങുടെ പിഴ കുത്തനെ ഉയര്ത്തി കര്ണാടക സര്ക്കാര് ; രജിസ്ട്രേഷന് ഇല്ലെങ്കില് 5000
ബെംഗളൂര്: ട്രാഫിക് നിയമലംഘനങ്ങള്ക്കുള്ള പിഴ കുത്തനെ ഉയര്ത്തി കര്ണാടക സര്ക്കാര്. പത്തിരട്ടി വരെ വര്ധവാണ് വിവിധ നിയമലംഘനങ്ങള്ക്ക് വര്ധിപ്പിച്ചിരിക്കുന്നത്. വാഹനം ഒടിച്ചു കൊണ്ടിരിക്കെ മൊബൈല് ഫോണ് ഉപയോഗിച്ചാല് ഇതുവരെ നൂറ് രൂപയാണ് പിഴ ഈടാക്കിയിരുന്നതെങ്കില് ഇനിമുതല് 1000 രൂപ പിഴ നല്കേണ്ടിവരുമെന്നാണ് വെള്ളിയാഴ്ച്ച പുറത്തിറക്കിയ ഉത്തരവില് വ്യക്തമാക്കുന്നത്.
ഗതാഗതവകുപ്പ് അണ്ടര് സെക്രട്ടറി എം സത്യാവതിയാണ് പുതിയ ഉത്തരവ് പുറത്തിറങ്ങിയിരിക്കുന്നത്. 1988 ലെ മോട്ടോര് വെഹിക്കിള് ആക്ട് പ്രകാരമാണ് പിഴ വര്ധിപ്പിച്ചതെന്നും ഉത്തരവില് വ്യക്തമാക്കുന്നു. നിരോധിത മേഖലയിലെ പാര്ക്കിങ്, അമിത വേഗത, ലൈസന്സില്ലാത്ത ഡ്രൈവിങ്, ഹെല്മറ്റില്ലാത്ത യാത്ര, മദ്യപിച്ചു ഡ്രൈവിങ്, തുടങ്ങിയ ട്രാഫിക് നിയമലംഘനങ്ങളുടെയെല്ലാം പിഴ പത്തിരിട്ടിയോളം വര്ധിപ്പിച്ചിട്ടുണ്ട്.
രജിസ്ട്രേഷന് ഇല്ലാത്ത വാഹനങ്ങള് ഓടിച്ചാല് ആദ്യ അവസരത്തില് 5000 രൂപയും നിയമലംഘനം തുടര്ന്നാല് 10000 രൂപയും പിഴ ചുമത്തും. ഫിറ്റ്നസ് സര്ട്ടിഫിക്കറ്റ് ഇല്ലാത്ത വാഹനങ്ങള്ക്ക് ആദ്യ അവസരത്തില് 2000 രൂപയും നിയമലംഘനം തുടര്ന്നാല് 5000 രൂപയും പിഴ ഈടാക്കും. അനധികൃത പാര്ക്കിങ്ങിനുള്ള പിഴ 100 രൂപയില് നിന്ന് 1000 രൂപയായും വര്ധിപ്പിച്ചിട്ടുണ്ട്. ഇതിനു പുറമെ വാഹനം ക്രെയിന് ഉപയോഗിച്ച് മാറ്റുന്നതിന് ചിലവായ തുകയും ഈടാക്കും.
1650 രൂപയായിരിക്കും അനധികൃതപാര്ക്കിങ്ങിനും വാഹനം മാറ്റുന്നതിനും ടൂ വീലര് ഉടമകള് പിഴയൊടുക്കേണ്ടി വരിക. ഫോര്വീലര് ഉടമകള്ക്കിത് 2000 രൂപയായിരിക്കും. പുതിയ ഉത്തരവിനോട് അനുകൂലവും പ്രതികൂലവുമായ പ്രതികരണങ്ങള് ഉയര്ന്നു വരുന്നുണ്ട്. ആവശ്യമായ പാര്ക്കിങ് സൗകര്യങ്ങള് ഒരുക്കാതെ ജനങ്ങളില് നിന്ന് പണം ഈടാക്കാനാണ് സര്ക്കാര് ശ്രമിക്കുന്നതെന്നാണ് ചിലര് ആരോപിക്കുന്നു.
അതേസമയം ബെംഗളൂരു നഗരത്തിലെ ട്രാഫിക് പോലീസുകാര് ഉള്പ്പടേയുള്ളവര് സര്ക്കാര് നിര്ദ്ദേശത്തെ സ്വാഗതം ചെയ്യുകയാണ്. ധാരാളം ആളുകള് ട്രാഫിക് നിയമലംഘനങ്ങള് നടത്തുന്നുണ്ട്. പിഴ ഇരട്ടിയായി ഉയര്ത്തുന്നതോടെ ഇതില് അനുകൂലമായ മാറ്റങ്ങള് ഉണ്ടാവുമെന്നാണ് പ്രതീക്ഷിക്കുന്നതെന്ന് നഗരത്തിലെ ഒരു ട്രാഫിക് പൊലീസിനെ ഉദ്ധരിച്ച് മാധ്യമങ്ങള് റിപ്പോര്ട്ട് ചെയ്യുന്നു. പുതിയ പരിഷ്കാരത്തെക്കുറിച്ച് ജനങ്ങളില് ബോധവത്കരണം നടത്തുമെന്നും കര്ണാടക പോലീസ് അറിയിച്ചു.
-
ബെംഗളൂരു മെട്രോ യാത്രക്കാര് അറിഞ്ഞോ? നിങ്ങളെ വീട്ടിലെത്തിക്കാന് പുതിയ ഫീഡര് ബസുകള് -
എല്ലാവരും ശ്രദ്ധിക്കുക; പെട്രോളിയം ഉത്പന്നങ്ങളുടെ വില വർധന ഉടൻ! -
ബെംഗളൂരു വന്ദേഭാരത് സമയത്തില് നേരിയ മാറ്റം; ടിക്കറ്റ് നിരക്ക് 1260 രൂപ, 5 സ്റ്റോപ്പ്, ആറര മണിക്കൂര് യാത്ര -
'ദിലീപ് മാത്രമല്ല, മഞ്ജു വാര്യരും കണ്ടു..ദിലീപിൻ്റ ആദ്യ പ്രതികരണം ഇതായിരുന്നു..അതോടെ ധന്യ നവ്യ നായരായി' -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു
Click it and Unblock the Notifications
Sign in with Google