Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പുതിയ ചട്ടം പ്രാബല്യത്തിൽ: അതിർത്തികളിൽ പരിശോധന കർശനമാക്കി കർണാടക; രണ്ട് ഡോസ് വാക്സിനെടുത്തവർക്കും ഇളവില്ല
ബെംഗളൂരൂ: കേരളത്തിൽ നിന്നുള്ള യാത്രക്കാർക്ക് നിയന്ത്രണം ഏർപ്പെടുത്തിയതിനൊപ്പം അതിർത്തികളിൽ പരിശോധന കടുപ്പിച്ച് കർണ്ണാടക. 72 മണിക്കൂറിനുള്ളിൽ നടത്തിയ ആർടിപിസിആർ സർട്ടിഫിക്കറ്റ് കൈവശമുള്ളവരെ മാത്രമാണ് സംസ്ഥാനത്തേക്ക് പ്രവേശിപ്പിക്കുക. അതേ സമയം കർണ്ണാടകയിൽ പരീക്ഷയെഴുതാനെത്തുന്ന വിദ്യാർത്ഥികൾക്ക് സർക്കാർ ഇളവ് അനുവദിച്ചിട്ടുണ്ട്. ജൂലൈ 30ന് പുറത്തിറക്കിയ ഉത്തരവിലാണ് കേരളത്തിൽ നിന്നും മഹാരാഷ്ട്രയിൽ നിന്നും കർണ്ണാടകത്തിൽ വരുന്നവർക്ക് ആർടിപിസിആർ സർട്ടിഫിക്കറ്റ് നിർബന്ധമാക്കിയത്. ആഗസ്റ്റ് ഒന്ന് മുതൽ സംസ്ഥാനത്ത് ഉത്തരവ് പ്രാബല്യത്തിൽ വരുമെന്ന് സർക്കാർ വ്യക്തമാക്കുകയും ചെയ്തിരുന്നു.
നേരത്തെ ഒരു ഡോസ് വാക്സിൻ എടുത്തവർക്ക് സംസ്ഥാനത്തേക്ക് പ്രവേശിക്കാമായിരുന്നു. എന്നാൽ ഇപ്പോൾ കൊവിഡ് വാക്സിന്റെ രണ്ട് ഡോസ് സ്വീകരിച്ചവരെപ്പോലും അതിർത്തി കടക്കാൻ അനുവദിക്കില്ല. കേരള- കർണ്ണാടക അതിർത്തിയിയായ തലപ്പാടിയിലെ കൊവിഡ് പരിശോധന കേന്ദ്രത്തിൽ ഇതോടെ നീണ്ട നിരയാണ് രൂപപ്പെട്ടിട്ടുള്ളത്.
ഇതിനിടെ കേരളത്തിൽ നിന്നുള്ള വാഹനങ്ങൾ കടത്തിവിടാത്തതിനെതിരെ തലപ്പാടിയിൽ പ്രതിഷേധം ആരംഭിച്ചിട്ടുണ്ട്. കർണ്ണാടകയിൽ നിന്ന് കേരളത്തിലേക്ക് വരുന്ന വാഹനങ്ങളാണ് പ്രതിഷേധക്കാർ തടയുന്നത്. നാട്ടുകാരുടെ കൂട്ടായ്മയാണ് പ്രതിഷേധത്തിന് പിന്നിൽ. കേരളത്തിൽ നിന്നുള്ള വാഹനങ്ങൾ കടത്തിവിട്ടില്ലെങ്കിൽ കർണ്ണാടകത്തിൽ നിന്നുള്ള വാഹനങ്ങൾ കേരളത്തിലേക്ക് കടത്തിവിടില്ലെന്ന നിലപാടാണ് പ്രതിഷേധക്കാർ സ്വീകരിച്ചത്. പിന്നീട് പോലീസ് പ്രതിഷേധക്കാരെ അറസ്റ്റ് ചെയ്ത് നീക്കുകയായിരുന്നു.
കേരളത്തിൽ കൊവിഡ് വ്യാപനം രൂക്ഷമായ സാഹചര്യത്തിലാണ് അയൽ സംസ്ഥാനങ്ങളായ തമിഴ്നാടും കർണാടകയും കേരളത്തിൽ നിന്നുള്ള യാത്രക്കാർക്ക് ഏർപ്പെടുത്തിയ നിയന്ത്രണങ്ങളേർപ്പെടുത്തുന്നത്. ഇതോടെ കേരള- തമിഴ്നാട് അതിർത്തിയായ വാളയാറിലും കർണാടക, തമിഴ്നാട് പൊലീസിന്റെ പരിശേധന ശക്തമാക്കിയിട്ടുണ്ട്. കേരളത്തിൽ നിന്നുള്ള കർണാടകത്തിലേക്കുള്ള കെഎസ്ആർടിസി സർവീസ് തലപ്പാടി അതിർത്തി വരെ മാത്രമേ ഉണ്ടാകൂ എന്ന് കഴിഞ്ഞ ദിവസം തന്നെ സർക്കാർ വ്യക്തമാക്കിയിരുന്നു. തലപ്പാടി അതിർത്തിയിൽ നിന്ന് നഗരത്തിലേക്ക് കർണാടക ആർടിസിയുടെ ബസുകൾ ഏർപ്പെടുത്തിയിട്ടുണ്ട്.
തമിഴ്നാട്ടിലേക്ക് പോകുന്നതിന് കേരളത്തിൽ നിന്നുള്ള യാത്രക്കാർ 72 മണിക്കൂറിനുള്ളിൽ നടത്തിയ ആർടിപിസിആർ സർട്ടിഫിക്കറ്റ് സമർപ്പിക്കേണ്ടതുണ്ട്. കർണ്ണാടകത്തിൽ കൊവിഡ് വ്യാപനം കുറഞ്ഞ് 65 ദിവസത്തിന് ശേഷം കേസുകളുടെ എണ്ണം വർധിച്ച സാഹചര്യത്തിലാണ് നിയന്ത്രണമേർപ്പെടുത്തിക്കൊണ്ട് ഉത്തരവിറക്കിയത്. ആഗസ്റ്റ് അഞ്ച് മുതലാണ് തമിഴ്നാട്ടിൽ ചട്ടം പ്രാബല്യത്തിൽ വരുന്നത്.
Recommended Video
