• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മോദിസ്തുതി: ചിദംബരത്തിന്റെ മകന്‍ കോണ്‍ഗ്രസിന് പുറത്തേക്ക്?

ചെന്നൈ: പ്രധാനമന്ത്രി നരേന്ദ്ര മോദിയെ പ്രകീര്‍ത്തിച്ച് കോണ്‍ഗ്രസ് വെറ്ററന്‍ ലീഡര്‍ പി ചിദംബരത്തിന്റെ മകന്‍ കാര്‍ത്തി ചിദംബരം. മോദിയെ പ്രശംസിക്കുക മാത്രമല്ല കോണ്‍ഗ്രസിനെതിരെ നിശിതമായ വിമര്‍ശനങ്ങളും കാര്‍ത്തി നടത്തുന്നുണ്ട്. മുന്‍ കേന്ദ്രമന്ത്രിയും കോണ്‍ഗ്രസിന്റെ ഉന്നത നേതാവുമാണ് ചിദംബരം എങ്കിലും കാര്‍ത്തിക്കെതിരെ നടപടി എടുത്തേ പറ്റൂ എന്ന നിലപാടിലാണ് പാര്‍ട്ടി.

മുതിര്‍ന്ന നേതാവായ ജനാര്‍ദ്ദനന്‍ ദ്വിവേദി മോദിയെ പുകഴ്ത്തി സംസാരിച്ചതിന്റെ ക്ഷീണം തീരുന്നതിന് മുമ്പേയാണ് കോണ്‍ഗ്രസിന് കാര്‍ത്തി ഈ പണി കൊടുത്തത്. ഈ പോക്ക് പോയാല്‍ തമിഴ്‌നാട് തിരഞ്ഞെടുപ്പില്‍ കോണ്‍ഗ്രസിന് 5000 വോട്ട് പോലും പിടിക്കാന്‍ പറ്റില്ല എന്നാണ് കാര്‍ത്തി പറഞ്ഞത്. അതേസമയം ലോക്‌സഭ തിരഞ്ഞെടുപ്പില്‍ മോദി നടത്തിയ മുന്നേറ്റത്തെ കാര്‍ത്തി പ്രശംസിക്കുകയും ചെയ്തു.

നരേന്ദ്ര മോദിയെ പ്രശംസിച്ച കാര്‍ത്തി ചിദംബരത്തിനെതിരെ അച്ചടക്ക നടപടികള്‍ ഉണ്ടാകും. കാര്‍ത്തിയെ പാര്‍ട്ടിയില്‍ നിന്നും പുറത്താക്കാന്‍ വരെ സാധ്യതയുണ്ട് എന്നാണ് അറിയുന്നത്. വിശദീകരണം ചോദിച്ച് കാര്‍ത്തിക്ക് പാര്‍ട്ടി നോട്ടീസ് അയച്ചിട്ടുണ്ട്. വ്യാഴാഴ്ച തന്റെ അനുയായികളോട് സംസാരിക്കവേയാണ് ഒരു യോഗത്തില്‍ കാര്‍ത്തി മോദിയുടെ സൂക്ഷ്മ ബുദ്ധിയെ പ്രശംസിച്ചത്.

ഇതാദ്യമായിട്ടല്ല കാര്‍ത്തി ചിദംബരം കോണ്‍ഗ്രസ് പാര്‍ട്ടിയെ വിമര്‍ശിക്കുന്നത്. തമിഴ്‌നാട്ടിലെ കാര്യം ഇവിടത്തെ നേതാക്കള്‍ നോക്കിക്കോളാം എന്നായിരുന്നു നേരത്തെ കാര്‍ത്തി പറഞ്ഞത്. എന്നാല്‍ ഇപ്പോള്‍ കാര്‍ത്തിക്ക് കാരണം കാണിക്കല്‍ നോട്ടീസ് അയച്ചിരിക്കുന്നത് തമിഴ്‌നാട് കോണ്‍ഗ്രസ് പ്രസിഡണ്ട് ഇ വി കെ എസ് ഇളങ്കോവനാണ്.

English summary
Karti Chidambaram again in firing line for criticising Congress, praising Modi, may face disciplinary action
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more