കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സ്റ്റാലിന്‍റെ സുരക്ഷ, കലൈഞ്ജര്‍ കത്തെഴുതി

  • By Meera Balan
Google Oneindia Malayalam News

ചെന്നൈ: തന്റെ ഇളയ മകന്‍ എം കെ സ്റ്റാലിന് അധിക സുരക്ഷ ഏര്‍പ്പെടുത്തണമെന്ന് ആവശ്യപ്പെട്ട് ഡിഎംകെ നേതാവ് എം കരുണാനിധി പ്രധാനമന്ത്രിയ്ക്ക് കത്തെഴുതി. സ്റ്റാലിന്‍ മൂന്ന് മാസത്തിനുള്ളില്‍ മരിയ്ക്കുമെന്ന് കരുണാനിധിയുടെ മറ്റൊരു മകനായ എംകെ അഴഗിരി പറഞ്ഞതിനെത്തുടര്‍ന്നാണ് സുരക്ഷ ആവശ്യപ്പെട്ടതെന്ന് പാര്‍ട്ടി വൃത്തങ്ങള്‍.

2006 ല്‍ മധുര റെയില്‍വേസ്റ്റേഷനില്‍ വച്ച് സ്റ്റാലിന് നേരെ ആക്രമണം ഉണ്ടായതിനെത്തുടര്‍ന്ന് അന്ന് സിആര്‍പിഎഫ് കമാന്‍ഡോകളെ സ്‌ററാലിന്റെ സുരക്ഷയ്ക്കായി നിയോഗിച്ചിരുന്നു. കലൈഞ്ജറുടെ പിന്‍ഗാമിയാകുന്നതിന് വേണ്ടി സ്റ്റാലിനും അഴഗിരിയും തമ്മില്‍ നടത്തുന്ന അധികാരം വടംവലി അതിന്റെ ഏറ്റവും രൂക്ഷമായ അവസ്ഥയിലാണ്.

Karunanidhi

പാര്‍ട്ടിയില്‍ നിന്ന് അഴഗിരിയെ പുറത്താക്കിയതോടെ ഡിഎകെയിലെ കുടംബം വഴക്ക് മാധ്യമങ്ങളില്‍ സജീവ ചര്‍ച്ചയായി. ലോക്‌സഭ തെരഞ്ഞെടുപ്പ് അടുത്തെത്തിയതോടെ ഡിഎംകെയിലെ കുടുംബ പോര് തമിഴ് രാഷ്ട്രീയത്തെ ചൂടുപിടിപ്പിയ്ക്കും

ഒരു അച്ഛനു സഹിയ്ക്കാന്‍ പറ്റാത്തതും ഒരിയ്ക്കലും ന്യായീകരിയ്ക്കാനാവാത്തതുമായ വാക്കുകളാണ് സ്റ്റാലിനെപ്പറ്റി തന്നോട് പറഞ്ഞതെന്ന് കരുണാനിധി ഒരു ടെലിവിഷന്‍ ചാനലിനോട് പറഞ്ഞിരുന്നു. തന്നോട് ക്ഷുഭിതനായി സംസാരിച്ച ശേഷം മൂന്ന് മാസങ്ങള്‍ക്കുള്ളില്‍ സ്‌ററാലിന്‍ മരിയ്ക്കുമെന്ന് ആക്രോശിച്ചതായും കരുണാനിധി പറഞ്ഞു. സ്റ്റാലിന്റെജീവന് ഭീഷണിയുണ്ടെന്ന ഭയമാണ് കലൈഞ്ജരെ പ്രധാനമന്ത്രിയ്ക്ക് കത്തെഴുതാന്‍ പ്രേരിപ്പിച്ചത്.

English summary
Karunanidhi writes to PM seeking security for Stalin
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X