• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കെജ്‌രിവാള്‍ തീവ്രവാദിയാണ്, തെളിവുണ്ടെന്ന് ജാവദേക്കര്‍, പര്‍വേശ് വര്‍മയെ പിന്തുണച്ച് കേന്ദ്ര മന്ത്രി

  • By Vidyasagar

ദില്ലി: അരവിന്ദ് കെജ്‌രിവാള്‍ തീവ്രവാദി തന്നെയാണെന്ന് ആവര്‍ത്തിച്ച് കേന്ദ്ര മന്ത്രി പ്രകാശ് ജാവദേക്കര്‍. നേരത്തെ ബിജെപി നേതാവ് പര്‍വേശ് വര്‍മയും ഇത്തരമൊരു പ്രസ്താവന നടത്തി വിവാദത്തിലായിരുന്നു. അതിനെയാണ് ജാവദേക്കര്‍ പിന്തുണച്ചത്. കെജ്‌രിവാള്‍ തീവ്രവാദിയാണെന്ന കാര്യത്തില്‍ തെളിവുണ്ട്. എന്നിട്ട് അദ്ദേഹം ഇപ്പോള്‍ വിഷമത്തോടെ ചോദിക്കുകയാണ്, താന്‍ തീവ്രവാദിയാണോയെന്ന്. നിങ്ങള്‍ തന്നെ മുമ്പ് പറഞ്ഞിട്ടുണ്ട് താനൊരു അരാജകവാദിയാണെന്ന്. തീവ്രവാദിയും അരാജകവാദിയും തമ്മില്‍ വലിയ വ്യത്യാസമില്ലെന്നും ജാവദേക്കര്‍ പറഞ്ഞു.

നേരത്തെ കെജ്‌രിവാളിനെതിരെയുള്ള പരാമര്‍ശത്തില്‍ തിരഞ്ഞെടുപ്പ് കമ്മീഷന്‍ പര്‍വേശ് വര്‍മയ്ക്ക് കാരണം കാണിക്കല്‍ നോട്ടീസയച്ചിരുന്നു. പഞ്ചാബ് നിയമസഭാ തിരഞ്ഞെടുപ്പിന്റെ സമയത്ത് കെജ്‌രിവാള്‍ ഖലിസ്ഥാന്‍ കമാന്‍ഡോ ഫോഴ്‌സ് ചീഫ് ഗുരീന്ദര്‍ സിംഗിന്റെ മോഗയിലെ വസതിയില്‍ ഒരു രാത്രി കഴിഞ്ഞിട്ടുണ്ട്. ഒരു തീവ്രവാദിയുടെ വീടാണെന്ന് കെജ്‌രിവാളിന് അറിയാമായിരുന്നു. എന്നിട്ടും അവിടെ താമസിച്ചു. തീവ്രവാദിയെന്ന ആരോപണത്തില്‍ ഇതില്‍ കൂടുതല്‍ എന്ത് തെളിവാണ് വേണ്ടതെന്നും ജാവദേക്കര്‍ ചോദിച്ചു.

ആംആദ്മി പാര്‍ട്ടി ഷഹീന്‍ബാഗിലെ പ്രതിഷേധത്തെ പിന്തുണയ്ക്കുന്നുണ്ട്. ഷഹീന്‍ ബാഗില്‍ ഉയര്‍ന്ന് കേട്ട മുദ്രാവാക്യങ്ങള്‍ തീവ്രവാദം തന്നെയാണ്. അതിനെ പിന്തുണച്ചതിലൂടെ കെജ്‌രിവാള്‍ തീവ്രവാദി തന്നെയാണ്. ജെഎന്‍യുവില്‍ ഇന്ത്യാ വിരുദ്ധ മുദ്രാവാക്യങ്ങള്‍ മുഴങ്ങിയപ്പോള്‍ കെജ്‌രിവാള്‍ അവര്‍ക്കൊപ്പമാണ് നിന്നത്. പ്രതികളെ കുറ്റവിചാരണ ചെയ്യാനുള്ള അനുമതി കെജ്‌രിവാള്‍ നല്‍കിയില്ലെന്നും ജാവദേക്കര്‍ ആരോപിച്ചു.

ജനുവരി 26ന് ജെഎന്‍യുവിലെ തീവ്രവാദികള്‍ക്കെതിരെയുള്ള കുറ്റവിചാരണ അവസാനിപ്പിക്കുമെന്ന് കെജ്‌രിവാള്‍ ഭീഷണി മുഴക്കിയിരുന്നു. ഇനിയും നിങ്ങള്‍ക്ക് തെളിവ് ആവശ്യമാണോ. നുണയന്‍മാരുടെ തലവനാണ് നിങ്ങളെന്ന് ദില്ലിയിലെ ജനങ്ങള്‍ക്ക് അറിയാം. നിങ്ങള്‍ അരാജകവാദിയാണ്. തീവ്രവാദികളോട് അനുകമ്പയുള്ളയാളാണ്. ഇന്ത്യാ വിരുദ്ധമായ എല്ലാ സമരങ്ങളെയും നിങ്ങള്‍ പിന്തുണയ്ക്കുന്നു. തീവ്രവാദി തന്നെയാണ് കെജ്‌രിവാള്‍. നിങ്ങളുടെ വ്യക്തിത്വം എന്തായാലും ഇത് മാറാന്‍ പോകുന്നില്ലെന്നും ജാവദേക്കര്‍ പറഞ്ഞു.

ദില്ലിയില്‍ ആര്‍ക്ക് വോട്ടുചെയ്യും, മുസ്ലീങ്ങള്‍ പറയുന്നത് ഇങ്ങനെ, കെജ്‌രിവാളിന്റെ മൗനത്തിലും മറുപടി

English summary
kejriwal is terrorist prakash javadekar reiterates controversial remark
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X