ജെഎന്യു വിദ്യാര്ത്ഥികള്ക്ക് പിന്തുണ പ്രഖ്യാപിച്ച് ഖുശ്ബു,വിദ്യാര്ത്ഥികള്ക്ക് മേല് കുതിര കേറണ്ട
ചെന്നൈ: ജെന്എന്യു വിദ്യാര്ത്ഥികള്ക്ക് പിന്തുണ പ്രഖാപിച്ച് നടിയും കോണ്ഗ്രസ് നേതാവുമായ ഖുശ്ബു രംഗത്ത്. വിദ്യാര്ത്ഥികള്ക്ക് പിന്തുണ പ്രഖ്യാപിക്കുക മാത്രമല്ല ബിജെപിയും വിമര്ശിക്കുകയും ചെയ്തു.
സ്വന്തം നയങ്ങളെ എതിര്ക്കുന്നവരെ രാജ്യദ്രോഹികളെന്ന് മുദ്രകുത്തുകയാണ് ബിജെപി ചെയ്യുന്നതെന്ന് ഖുശ്ബു പറഞ്ഞു.ഇനി തന്നെ രാജ്യദ്രോഹി എന്ന് വിളിച്ചാലും ജെഎന്യു വിദ്യാര്ത്ഥികള്ക്ക് പിന്തുണ നല്കാന് ഒരുക്കമാണെന്നും നിലപാട് മാറ്റാന് തയ്യാറല്ലെന്നും ഖുശ്ബു പറഞ്ഞു.
വിദ്യാര്ത്ഥികള്ക്കിടയില് ഒരു എതിര്വശം ഉണ്ടായാല് അത് ചര്ച്ച ചെയ്യുകയാണ് വേണ്ടത്, അല്ലാതെ അടിച്ചമര്ത്താന് അല്ല ശ്രമിക്കേണ്ടത്. മനുഷ്യത്വത്തെയും ജനാധിപത്യത്തെയും കൊലചെയ്തുകൊണ്ടാണ് ബിജെപി സര്ക്കാര് ഭരണം നടത്തുന്നത്. വിദ്യാര്ത്ഥി സമൂഹത്തെ രാജ്യദ്രോഹികള് എന്ന് വിളിച്ച് രാജ്യത്തിന്റെ ഭാവി തലമുറക്കിടയില് സ്വതന്ത്ര ചിന്ത വളരുന്നത് തടയുകായണ് ബിജെപി ചെയ്യുന്നത് എന്നായിരുന്നു ഖുശ്ബുവിന്റെ പ്രസ്ഥാവന.
വിദ്യാര്ത്ഥികള്ക്ക് മേല് കുതിര കേറുന്ന ബിജെപി സര്ക്കാരിന്റെ നീക്കങ്ങളെ ശക്തമായി എതിര്ക്കുമെന്നും വിദ്യാര്ത്ഥികള്ക്ക് പൂര്ണപിന്തുണ നല്കുമെന്നും പറഞ്ഞു. തമിഴ് നാട്ടിലെ പൂര്വ്വ ജെഎന്യും വിദ്യാര്ത്ഥികള് സംഘടിപ്പിച്ച സംഗമം ഉദ്ഘാടനം ചെയ്ത് സംസാരിക്കുകയായിരുന്നു ഖുശ്ബു.