Click it and Unblock the Notifications
Just In
Don't Miss
-
വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം -
ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ഖുശ്വന്ത് സിംഗ് മരണത്തിന് കീഴടങ്ങി; 99ആം വയസ്സില്‍
ദില്ലി: പത്രപ്രവര്‍ത്തകനും ഇംഗ്ലീഷ് - ഇന്ത്യന്‍ നോവലിസ്റ്റുമായ ഖുശ്വന്ത് സിംഗ് അന്തരിച്ചു. മൂര്‍ച്ചയേറിയ പരിഹാസ ശരങ്ങളിലൂടെ കുറിക്ക് കൊള്ളുന്ന എഴുത്തിന് പേരുകേട്ട ഖുശ്വന്ത് സിംഗ് തൊണ്ണൂറ്റിയെട്ടാമത്തെ വയസ്സിലാണ് മരണത്തിന് കീഴടങ്ങിയത്. വിത് മാലിസ് ടുവാര്‍ഡ്‌സ് വണ്‍ ആന്‍ഡ് ഓള്‍ എന്ന സിംഗിന്റെ പംക്തി ഇന്ത്യന്‍ ജേര്‍ണലിസത്തിലെ ഏറ്റവും പ്രശസ്തമായ കോളങ്ങളിലൊന്നായിരുന്നു.
അമ്പത് വര്‍ഷത്തിലധികം തന്റെ നോവലുകളിലൂടെയും കുറിപ്പുകളിലൂടെയും വായനക്കാരെ ആനന്ദിപ്പിച്ച സിംഗ് തന്റെ ഒടുവിലത്തെ പുസ്തം പുറത്തിറക്കിയത് 2013 ഒക്ടോബറിലാണ്. ദ ഗുഡ്, ദ ബാഡ് ആന്‍ഡ് ദി റിഡിക്കൂള്‍സ് എന്നായിരുന്നു തൊണ്ണൂറ്റിയെട്ടാം വയസ്സില്‍ അദ്ദേഹം പൂര്‍ത്തിയാക്കിയ പുസ്‌കത്തിന് പേര്. 16 സെലിബ്രിറ്റികളുടെ ജീവിതത്തിലേക്കുള്ള എത്തിനോട്ടമായിരുന്നു ഈ പുസ്തകം.
ഇന്നത്തെ പാകിസ്താന്റെ ഭാഗമായ പഞ്ചാബിലെ ഹഡാലിയില്‍ 1915 ഫെബ്രുവരി 2 ന് ആയിരുന്നു ഖുശ്വന്ത് സിംഗിന്റെ ജനനം. ലാഹോര്‍, ദില്ലി, ലണ്ടന്‍ തുടങ്ങിയ സ്ഥലങ്ങളില്‍ വിദ്യാഭ്യാസം. ഇല്ലസ്‌ട്രേറ്റഡ് വീക്കിലി ഓഫ് ഇന്ത്യയുടെ ഏറ്റവും പ്രശസ്തനായ പത്രാധിപരായിരുന്നു ഖുശ്വന്ത് സിംഗ്. ഹിന്ദുസ്ഥാന്‍ ടൈംസ്, നാഷണല്‍ ഹെറാള്‍ഡ് തുടങ്ങിയ പ്രമുഖ പത്രങ്ങളില്‍ പത്രാധിപരായിരുന്നു.
ട്രെയിന്‍ ടു പാകിസ്താന്‍, ദില്ലി, കംപനി ഓഫ് വുമണ്‍, ട്രൂത് ലവ് ആന്‍ഡ് ലിറ്റില്‍ മാലിസ്, സണ്‍സെറ്റ് ക്ലബ്, ദ പോര്‍ട്രെയ്റ്റ് ഓഫ് എ ലേഡി തുടങ്ങിയവയാണ് മറ്റ് പ്രധാനപ്പെട്ട പുസ്തകങ്ങള്‍. എഴുത്തുകാരിലെ വിവാദ നായകനായിരുന്നു ഖുശ്വന്ത് സിംഗ്.
അടിയന്തിരാവസ്ഥക്കാലത്ത് സര്‍ക്കാര്‍ അനുകൂല നിലപാട് സ്വീകരിച്ച സിംഗ് ഏറെ വിമര്‍ശിക്കപ്പെട്ടു. രാജ്യം പത്മഭൂഷണ്‍ നല്‍കി ബഹുമാനിച്ചു എങ്കിലും 1984 ലെ ഓപ്പറേഷന്‍ ബ്ലൂ സ്റ്റാറില്‍ പ്രതിഷേധിച്ച് തിരിച്ചുനല്‍കി. 2007 ല്‍ പത്മവിഭൂഷണ്‍ ലഭിച്ചു. 1980 മുതല്‍ 86 വരെ രാജ്യസഭാംഗമായിരുന്നു. സംസ്‌കാരം വൈകുന്നേരം ദില്ലിയില്‍ നടക്കും.
