ബഹളമുണ്ടാക്കിയ 30 ഓളം കുട്ടികളെ കൊന്നൊടുക്കി

By Sruthi K M

Updated: Tuesday, July 21, 2015, 15:04 [IST]

ദില്ലി: പതിനാറ് കുട്ടികളെ ബലാത്സംഗം ചെയ്ത് കൊന്നുവെന്ന ഞെട്ടിപ്പിക്കുന്ന വെളിപ്പെടുത്തലിനുശേഷം വീണ്ടും ഇരുപത്തിനാലുകാരന്റെ വെളിപ്പെടുത്തല്‍. ഇതുവരെ താന്‍ 30 ഓളം കുട്ടികളെ പീഡിപ്പിച്ച് കൊന്നിട്ടുണ്ട്.

കുട്ടികളുടെ അസഹ്യമായ ബഹളം തന്നെ പ്രകോപിപ്പിച്ചെന്നും അവരെ നിശബ്ദരാക്കാന്‍ വേണ്ടി കൊലപ്പെടുത്തിയെന്നുമാണ് ഇയാള്‍ ഇപ്പോള്‍ പറയുന്നത്. ആറു വയസുകാരിയെ കാണാതായ കേസുമായി ബന്ധപ്പെട്ട് കഴിഞ്ഞ 15 നാണ് ഇയാളെ പോലീസ് അറസ്റ്റ് ചെയ്യുന്നത്. ഇതുവരെ 30 ഓളം കുട്ടികളെ പീഡിപ്പിച്ച് കൊന്നിട്ടുണ്ടെന്നാണ് രവീന്ദ കുമാറിന്റെ വെളിപ്പെടുത്തല്‍.

സംഭവം നടന്നത്

വടക്കുപടിഞ്ഞാറന്‍ ദില്ലിയിലെ ബീംഗംപൂരില്‍ ആറു വയസുകാരിയെ കാണാതായ കേസുമായി ബന്ധപ്പെട്ടാണ് രവീന്ദര്‍ കുമാറിനെ അറസ്റ്റ് ചെയ്യുന്നത്. ജൂലൈ പതിനഞ്ചിന് അറസ്റ്റിലായ യുവാവ് ഞെട്ടിപ്പിക്കുന്ന വെളിപ്പെടുത്തലാണ് നടത്തിയത്.

ആദ്യ വെളിപ്പെടുത്തല്‍

2009 മുതല്‍ ഇതുവരെ പതിനാറ് പിഞ്ചുകുട്ടികളെ മിഠായിയും പണം നല്‍കിയും താന്‍ ബലാത്സംഗം ചെയ്തിട്ടുണ്ടെന്നായിരുന്നു ഇയാളുടെ ആദ്യ വെളിപ്പെടുത്തല്‍.

ക്രൂര പീഡനം

കുട്ടികള്‍ക്ക് മിഠായിയും പണവും നല്‍കി പാട്ടിലാക്കിയശേഷം ആളൊഴിഞ്ഞ ഇടങ്ങളിലേക്ക് കൊണ്ടുപോയി പീഡിപ്പിക്കും. പിന്നീട് ഇവരെ കൊന്നശേഷം വയലിലോ തോടുകളിലോ അഴുക്ക് ചാലിലോ കൊണ്ടിടുകയോ കുഴിച്ചിടുകയോ ചെയ്യും.

പുതിയ വെളിപ്പെടുത്തല്‍

ഇതുവരെ 30 ഓളം കുട്ടികളെ പീഡിപ്പിച്ച് കൊന്നതായാണ് ഇയാള്‍ ഇപ്പോള്‍ പറയുന്നത്. കുട്ടികള്‍ അസഹ്യമായ ബഹളം ഉണ്ടാക്കുന്നുവെന്നും അവരെ നിശബ്ദരാക്കാന്‍ വേണ്ടിയാണ് കൊലപ്പെടുത്തിയതെന്നുമാണ് പറയുന്നത്.