Click it and Unblock the Notifications
Just In
Don't Miss
-
രണ്ടാമത്തെ കുട്ടിയ്ക്ക് വേണ്ടി ചികിത്സ ചെയ്തോ എന്ന് ചോദിച്ചു, കുഞ്ഞിനെ എടുത്ത് നടക്കാനാകില്ല: അജയകുമാര് -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
കിരണ്‍ ബേദിയുള്ള വാട്‌സ്ആപ്പ് ഗ്രൂപ്പില്‍ അശ്ലീല വീഡിയോ..ഉദ്യോഗസ്ഥനെയെടുത്ത് പുറത്തേക്കെറിഞ്ഞ് ബേദി
ഔദ്യോഗിക ഗ്രൂപ്പില്‍ അശ്ലീല വീഡിയോ പോസ്റ്റ് ചെയ്ത ഉദ്യോഗസ്ഥനെ കിരണ്‍ ബേദി പുറത്താക്കി.
പുതുച്ചേരി: ഔദ്യോഗിക വാട്‌സ് ആപ്പ് ഗ്രൂപ്പുകളില്‍ അറിഞ്ഞോ അറിയാതെയോ അശ്ലീല വീഡിയോകളും ഫോട്ടോകളും ഷെയര്‍ ചെയ്ത് പണി വാങ്ങിയിട്ടുള്ളവര്‍ കുറവല്ല. പോണ്ടിച്ചേരിയിലെ സിവില്‍ സര്‍വ്വീസ് ഉദ്യോഗസ്ഥനാണ് ഏറ്റവും പുതിയതായി പണികിട്ടിയിരിക്കുന്നത്.
പുതുച്ചേരി ലെഫ്റ്റനന്റ് ഗവര്‍ണര്‍ ആയ കിരണ്‍ ബേദി അടക്കമുള്ള മുതിര്‍ന്ന ഉന്നത ഉദ്യോഗസ്ഥര്‍ അടങ്ങിയ വാട്‌സ്ആപ്പ് ഗ്രൂപ്പിലാണ് അശ്ലീല വീഡിയോ പോസ്റ്റ് ചെയ്തത്. വീഡിയോ പോസ്റ്റ് ചെയ്ത പുതുച്ചേരിയിലെ സീനിയര്‍ സിവില്‍ സര്‍വീസ് ഉദ്യോഗസ്ഥനായ എഎസ് ശിവകുമാറിനെ സര്‍വീസില്‍ നിന്നും പുറത്താക്കി.
പ്രോസ്പരസ് റൂറല്‍ പോണ്ടിച്ചേരി എന്ന വാട്‌സ് ആപ്പ് ഗ്രൂപ്പിലാണ് ശിവകുമാര്‍ അശ്ലീല വീഡിയോ പോസ്റ്റ് ചെയ്തത്. കോ-ഓപ്പറേറ്റീവ് സൊസൈറ്റി രജിസ്ട്രാര്‍ ആണ് എഎസ് ശിവകുമാര്‍. വെള്ളിയാഴ്ച മുതല്‍ ഇയാള്‍ പൊലീസ് കസ്റ്റഡിയിലാണ്. എന്നാല്‍ ഇയാള്‍ക്കെതിരെ പൊലീസ് എഫ്‌ഐആര്‍ രജിസ്റ്റര്‍ ചെയ്തിട്ടില്ല
സ്‌പെഷ്യല്‍ ഡ്യൂട്ടി ഓഫീസറായ അമൃത ബെഹല്‍ ആണ് ഈ ഗ്രൂപ്പിന്റെ അഡ്മിന്‍. കിരണ്‍ ബേദിയുടെ നിര്‍ദേശ പ്രകാരം ഉന്നത ഉദ്യോഗസ്ഥരെ ഉള്‍പ്പെടുത്തി ഉണ്ടാക്കിയ ഗ്രൂപ്പാണ് ഇത്. ഉദ്യോഗസ്ഥര്‍ക്ക് നിര്‍ദേശങ്ങള്‍ നല്‍കാനും തുടര്‍ നടപടികള്‍ നിര്‍ദേശിക്കാനും ഉദ്യോഗസ്ഥരുടെ അഭിപ്രായങ്ങളറിയാനുമൊക്കെയായാണ് ഈ ഗ്രൂപ്പിനെ ഉപയോഗപ്പെടുത്തിയിരുന്നത്.
അശ്ലീല വീഡിയോ ശ്രദ്ധയില്‍പ്പെട്ട ബെഹല്‍ ഇക്കാര്യം കിരണ്‍ ബേദിയെ അറിയിക്കുകയായിരുന്നു. വീഡിയോ ശ്രദ്ധയില്‍പ്പെട്ട ഗവര്‍ണര്‍ കിരണ്‍ ബേദി ശിവകുമാറിനെതിരെ പരാതി എഴുതി വാങ്ങിച്ചു. തുടര്‍ന്ന് സര്‍വ്വീസില്‍ നിന്നും സസ്‌പെന്‍ഡ് ചെയ്തതായി അറിയിക്കുകയായിരുന്നു. ഇയാള്‍ മാപ്പ് പറഞ്ഞെങ്കിലും നടപടിയുമായി മുന്നോട്ട് പോകാന്‍ ഗവര്‍ണര്‍ നിര്‍ദേശിക്കുകയായിരുന്നു.
ലഫ്റ്റനന്റ് ഗവര്‍ണറുടെ പുറത്താക്കല്‍ നടപടി ഭരണകക്ഷിക്കകത്ത് പ്രതിഷേധത്തിന് ഇടയാക്കിയിരിക്കുകയാണ്. വിഷയത്തില്‍ സര്‍ക്കാര്‍ പ്രതിരോധത്തിലായി. ഇത് ഗവര്‍ണറും സര്‍ക്കാരും തമ്മിലുള്ള ഏറ്റുമുട്ടലിലേക്ക് നയിച്ചേക്കാം എന്ന അവസ്ഥയിലാണുള്ളത്. കിരണ്‍ ബേദിയെ കേന്ദ്രം തിരിച്ചുവിളിക്കണമെന്നാണ് ഭരണപക്ഷത്തിന്റെ ആവശ്യം.
