Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കിരണ്‍ ബേദിയും തോറ്റു, കെജ്രിവാളിന് ഭൂരിപക്ഷം 26000, കോണ്‍ഗ്രസ് 0!
ദില്ലി: മുഖ്യമന്ത്രി സ്ഥാനാര്‍ഥിയായി ബി ജെ പി ഉയര്‍ത്തിക്കൊണ്ടുവന്ന കിരണ്‍ ബേദി ദില്ലിയില്‍ തോറ്റു. ബി ജെ പിയെ ഭരണത്തിലേക്ക് നയിക്കുന്നതില്‍ പരാജയപ്പെട്ട ബേദിക്ക് സ്വന്തം മണ്ഡലം പോലും രക്ഷിച്ചെടുക്കാന്‍ കഴിഞ്ഞിട്ടില്ല. കൃഷ്ണ നഗറില്‍ കിരണ്‍ ബേദി 1150 വോട്ടുകള്‍ക്കാണ് തോറ്റത്. ദില്ലിയില്‍ ബി ജെ പിയുടെ കുത്തക സീറ്റാണ് കൃഷ്ണ നഗര്‍.
ആം ആദ്മി പാര്‍ട്ടി കണ്‍വീനറും 'നിയുക്ത മുഖ്യമന്ത്രി'യുമായ അരവിന്ദ് കെജ്രിവാള്‍ ന്യൂ ദില്ലി മണ്ഡലത്തില്‍ വന്‍ ഭൂരിപക്ഷത്തില്‍ ജയിച്ചു. 26000 വോട്ടുകള്‍ക്കാണ് കെജ്രിവാള്‍ ജയിച്ചത്. ബി ജെ പിയുടെ നുപൂര്‍ ശര്‍മ, കോണ്‍ഗ്രസിന്റെ കിരണ്‍ വാലിയ എന്നിവരാണ് ന്യൂ ദില്ലി മണ്ഡലത്തില്‍ കെജ്രിവാളിനോട് മത്സരിച്ചത്. ജയം ഉത്തരവാദിത്തം കൂട്ടുന്നതായി കെജ്രിവാള്‍ പ്രതികരിച്ചു. അഴിമതി രഹിതവും സുസ്ഥിരവുമായ ഭരണം നടത്തും.
കോണ്‍ഗ്രസ് മുഖ്യമന്ത്രി സ്ഥാനാര്‍ഥിയായ അജയ് മാക്കനാണ് തോറ്റ പ്രമുഖരില്‍ ഒരാള്‍. തോല്‍വിയെ തുടര്‍ന്ന് മാക്കന്‍ പാര്‍ട്ടിയിലെ സ്ഥാനങ്ങള്‍ രാജിവെച്ചു. അജയ് മാക്കന്‍ അടക്കം മത്സരിച്ച മുഴുവന്‍ കോണ്‍ഗ്രസ് സ്ഥാനാര്‍ഥികളും തോറ്റു. 15 വര്‍ഷം ദില്ലി ഭരിച്ച ശേഷമാണ് കോണ്‍ഗ്രസ് ഒരു സീറ്റുപോലും ഇല്ലാത്ത അവസ്ഥയിലേക്ക് കൂപ്പുകുത്തിയത്.
ദില്ലി തിരഞ്ഞെടുപ്പ് ചിത്രങ്ങള്‍
കൃഷ്ണ നഗര്‍ മണ്ഡലത്തില്‍ തോറ്റ ബി ജെ പി നേതാവ് കിരണ്‍ ബേദി കണ്ണുനീരോടെയാണ് മാധ്യമങ്ങളെ അഭിസംബോധന ചെയ്തത്. പ്രധാനമന്ത്രി നരേന്ദ്ര മോദി, പാര്‍ട്ടി പ്രസിഡണ്ട് അമിത് ഷാ എന്നിവരെയും പാര്‍ട്ടിയെയും കിരണ്‍ ബേദി നന്ദി അറിയിച്ചു. തോല്‍വി അംഗീകരിക്കുന്നതായും അവര്‍ പറഞ്ഞു.
