Click it and Unblock the Notifications
Just In
Don't Miss
-
സുന്ദരി കോത എന്നും കാവ്യ മാധവന് തന്നെ! ഒരുപാട് ശത്രുക്കളെ ഉണ്ടാക്കുന്ന ചോദ്യമായി പോയെന്ന് സലിം കുമാര് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
വൈഡ് ലെഗ് ജീന്സ് മുതല് ബഗെറ്റ് ബാഗ് വരെ; ജെന് Z ആഗ്രഹിക്കുന്ന ഫാഷന് എസന്ഷ്യലുകള് ഇവയാണ് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
അരുണ്‍ ജെയ്റ്റ്‌ലിയെ ശിഖണ്ഡിയെന്ന് വിളിച്ച് കീര്‍ത്തി ആസാദ് രംഗത്ത്
ദില്ലി: കേന്ദ്രമന്ത്രി അരുണ്‍ ജെയ്റ്റ്‌ലിയെ വിമര്‍ശിച്ച് വീണ്ടും വിവാദത്തിന് തിരികൊളുത്തിയിരിക്കുകയാണ് മുന്‍ ക്രിക്കറ്റ് താരവും ബിജെപി എംപിയുമായ കീര്‍ത്തി ആസാദ്. അരുണ്‍ ജെയ്റ്റ്‌ലിയെ ശിഖണ്ഡിയെന്ന് വിശേഷിപ്പിച്ചാണ് കീര്‍ത്തി ആസാദ് രംഗത്തെത്തിയത്. തന്നെ വെല്ലുവിളിക്കുന്ന ജെയ്റ്റ്‌ലിക്കെതിരെ പ്രതികരിക്കുകയായിരുന്നു അദ്ദേഹം.
പ്രിയപ്പെട്ട ജെയ്റ്റ്‌ലി ഞാന്‍ നപുംസകങ്ങളെ പേടിക്കാറില്ലെന്നാണ് കീര്‍ത്തി ആസാദ് പറയുന്നത്. ട്വിറ്ററിലൂടെയാണ് അദ്ദേഹം വിവാദ പരാമര്‍ശം നടത്തിയിരിക്കുന്നത്. പലരും തനിക്കെതിരെ ഭീഷണി ഉയര്‍ത്തി, മുന്‍കരുതലെടുക്കണമെന്നും പലരും മുന്നറിയിപ്പ് നല്‍കി. എന്നാല്‍, താനിതിലൊന്നും ഭയക്കുന്നില്ലെന്നാണ് കീര്‍ത്തി ആസാദ് വ്യക്തമാക്കിയത്.
അതേസമയം, അരുണ്‍ ജെയ്റ്റ്‌ലിക്കെതിരെ തുടര്‍ച്ചയായി ആരോപണങ്ങള്‍ ഉന്നയിക്കുന്ന കീര്‍ത്തി ആസാദിനെ സസ്‌പെന്‍ഡ് ചെയ്യാന്‍ ബിജെപി ആലോചിക്കുന്നുവെന്നും പറയുന്നുണ്ട്. കീര്‍ത്തി ആസാദിനെതിരെ കാരണം കാണിക്കല്‍ നോട്ടീസ് നല്‍കുമെന്നും പറയുന്നു. കീര്‍ത്തി ആസാദിന്റെ വെളിപ്പെടുത്തലുകള്‍ ബിജെപിക്ക് തിരിച്ചടിയായിരിക്കുകയാണ്.
ബിജെപി അധ്യക്ഷന്‍ അമിത് ഷായുടെ വിലക്ക് മറികടന്ന് കീര്‍ത്തി ആസാദ് ജെയ്റ്റ്‌ലിക്കെതിരെ വെളിപ്പെടുത്തലുമായി രംഗത്തു വന്നത് ഗൂഢാലോചനയുടെ ഭാഗമാണെന്നും ചിലര്‍ ആരോപിക്കുന്നു. നേതാക്കളുടെ പിന്തുണയോടെയാണ് കീര്‍ത്തി ആസാദ് ആരോപണങ്ങള്‍ ഉന്നയിക്കുന്നതെന്നും ചിലര്‍ പറയുന്നു.
