ചുംബിച്ചും കെട്ടിപ്പിടിച്ചും ചികിത്സ, വ്യാജ സന്യാസി അറസ്റ്റില്‍

കഡപ്പ: രോഗം മാറാനും ദോഷം മാറാനും ചികിത്സ ചുംബനവും ആലിഗനവും. തന്റെ മുന്നിലെത്തുന്ന വിശ്വാസികളെ ചുംബിച്ച് ചികിത്സിച്ച വ്യാജ സന്യാസി അറസ്റ്റില്‍. സിദ്ധന്‍ വ്യാജനായിരുന്നെന്ന് വിശ്വസിയ്ക്കാനാവാതെ സന്ദര്‍ശകര്‍. സീമാന്ധ്രയിലെ കഡപ്പയിലാണ് സംഭവം. 'കിസ്സിംഗ് ബാബ' എന്നാണ് ഇയാള്‍ അറിയപ്പെട്ടത്.

രണ്ട് മാസത്തോളമായി സിദ്ധന്റെ ചുംബന ചികിത്സയ്ക്ക് നല്ല പ്രചാരം ലഭിച്ചു. രോഗശാന്തി, സാമ്പത്തിക പ്രശ്‌നങ്ങള്‍ ,ദാമ്പത്യ പ്രശ്‌നങ്ങള്‍ എന്നിവയ്ക്ക് പരിഹാരവുമായി എത്തുന്നവരെ ചുംബിയ്ക്കുകയും ആലിംഗനം ചെയ്യുകയുമായിരുന്നു സന്യാസിയുടെ പതിവ്. കഡപ്പയിലെ അയ്യപ്പ ക്ഷേത്രത്തിന് പിന്നിലുള്ള ഒരു മുറിയിലായിരുന്നു സിദ്ധന്റെ താമസം. വിശ്വാസികളില്‍ നിന്ന് നല്ല തുകയും ഇയാള്‍ കൈപ്പറ്റിയിരുന്നു.

അടുത്തിടെയാണ് ചുംബന ചികിത്സയെപ്പറ്റി പൊലീസിന് വിവരം ലഭിയ്ക്കുന്നത്. അത്ഭുത സിദ്ധികളുണ്ടെന്നും ഇയാള്‍ വിശ്വസിപ്പിച്ചിരുന്നു. പൊലീസ് നടത്തിയെ റെയിഡിലാണ് വ്യാജ സന്യാസിയും സഹായിയും അറസ്റ്റിലായത്. ജനവരി 7 വരെ ഇരുവരെയും ജുഡീഷ്യല്‍ കസ്റ്റഡിയില്‍ വിട്ടു. പരസ്പര വിരുദ്ധമായി സംസാരിയ്ക്കുന്ന കിസ്സിംഗ് ബാബയെ മാനസികാശുപത്രിയിലാക്കാനും സാധ്യതയുണ്ട്.ചികിത്സയുടെയും അത്ഭുത സിദ്ധികളുടേയും മറവില്‍ വന്‍ സാന്പത്തിക ലാഭമാണ് സന്യാസി ഉണ്ടാക്കിയത്.

English summary

Proddatur police on Thursday arrested a fake saint who hugs and kisses devotees to "remove" their affliction and "solve" financial and domestic problems.