അഞ്ചിടത്ത് ആരൊക്കെ: നിയമസഭ തിരഞ്ഞെടുപ്പ് ഫലം അറിയാം ഡെയ്‌ലിഹണ്ടിനോടൊപ്പം

Updated: Saturday, May 1, 2021, 9:08 [IST]

കേരളത്തോടൊപ്പം നിയമസഭ തിരഞ്ഞെടുപ്പ് നടന്ന പശ്ചിമ ബംഗാള്‍, അസം, തമിഴ്നാട്, പുതുച്ചേരി എന്നീ സംസ്ഥാനങ്ങളിലെ നിയമസഭ തിരഞ്ഞെടുപ്പ് ഫലം മെയ് 2 ന് രാവിലെ എട്ട് മണി മുതല്‍ പുറത്ത് വന്ന് തുടങ്ങും. കേരളത്തില്‍ ഭരണം പിടിക്കാന്‍ എല്‍ഡിഎഫും യുഡിഎഫും തമ്മില്‍ ശക്തമായ മത്സരം നടന്നപ്പോള്‍ മികച്ച പ്രകടനം കാഴ്ചവെക്കുകയാണ് ബിജെപിയുടെ ലക്ഷ്യം. ഭരണത്തുടര്‍ച്ചയെന്ന് എല്‍ഡിഎഫ് ഉറപ്പിക്കുമ്പോള്‍ ഭരണമാറ്റമെന്നാണ് യുഡിഎഫിന്‍റെ അവകാശവാദം.

രാജ്യം തന്നെ ഏറെ ശ്രദ്ധയോടെ കാത്തിരിക്കുന്ന ജനവിധിയാണ് ബംഗാളിലേത്. ശക്തമായ പോരാട്ടത്തിനൊടുവില്‍ മമത ബാനര്‍ജിയുടെ നേതൃത്വത്തില്‍ തൃണമൂല്‍ കോണ്‍ഗ്രസ് ഹാട്രിക് അടിക്കുമോ അതോ സംസ്ഥാന ചരിത്രത്തില്‍ ആദ്യമായി ബിജെപി അധികാരം പിടിക്കുമോ എന്നറിയാനുള്ള ആകാംക്ഷയിലാണ് ഏവരും.

തമിഴ്നാടിനെ സംബന്ധിച്ച് ജയലളിത-കരുണാനിധി കാലഘട്ടത്തിന് ശേഷം നടക്കുന്ന ആദ്യ തിരഞ്ഞെടുപ്പില്‍ ആര് വിജയം നേടും എന്നത് ദ്രാവിഡ കക്ഷികളെ സംബന്ധിച്ച് ഏറെ നിര്‍ണ്ണായകമായ കാര്യമാണ്. ബിജെപി-എഐഎഡിഎംകെ സംഖ്യവും ഡിഎംകെ-കോണ്‍ഗ്രസ് സഖ്യവും തമ്മിലാണ് പ്രധാന പോരാട്ടം. ഭരണം പിടിക്കുമെന്നമാണ് ഇരു സഖ്യങ്ങളുടേയും അവകാശവാദം.

കോൺഗ്രസ് സർക്കാർ വീണതിന് ശേഷം രാഷ്ട്രപതിയുടെ ഭരണത്തിൻ കീഴിലുള്ള കേന്ദ്ര ഭരണപ്രദേശമായ പുതുച്ചേരിയിൽ ബിജെപിക്ക് ഇത്തവണ വലിയ പ്രതീക്ഷയാണ് ഉള്ളത്. പരമ്പരാഗതമായി കോണ്‍ഗ്രസിന് അനുകൂലമായി നില്‍ക്കുന്ന കേന്ദ്ര ഭരണ പ്രദേശമാണെങ്കിലും എഐഎന്‍ആര്‍ കോണ്‍ഗ്രസ് സഖ്യത്തിലൂടെ ഇത്തവണ ഭരണം പിടിക്കാമെന്നാണ് ബിജെപി കണക്ക് കൂട്ടല്‍. മറുവശത്ത് കോണ്‍ഗ്രസ്-ഡിഎംകെ സഖ്യമാണ് പുതുച്ചേരിയിലും മത്സരിച്ചത്

വടക്കുകിഴക്കൻ സംസ്ഥാനമായ അസമിൽ ബിജെപിയുടെ നേതൃത്വത്തിലുള്ള എൻ‌ഡി‌എ അധികാരം നിലനിർത്താൻ ശ്രമിക്കുമ്പോള്‍ എന്ത് വിലകൊടുത്തും ഭരണത്തില്‍ തിരിച്ചെത്തുമെന്ന വാശിയിലായിരുന്നു കോണ്‍ഗ്രസ്. തിരഞ്ഞെടുപ്പ് പ്രചാരണ ഘട്ടത്തില്‍ ഉള്‍പ്പടെ ഈ വീറും വാശിയും രണ്ട് ഭാഗത്തും പ്രകടമായിരുന്നു.

ഈ അഞ്ച് സംസ്ഥാനങ്ങളിലേയും തിരഞ്ഞെടുപ്പ് ഫലം മെയ് 2 ന് പുറത്ത് വരുമ്പോള്‍ വിപുലമായ കവറേജാണ് വായനക്കാര്‍ക്കായി ഡെയ്‌ലിഹണ്ട് ഒരുക്കിയിരിക്കുന്നത്. കേവലം സീറ്റുകളുടെ എണ്ണത്തിനപ്പുറം വിശകലനങ്ങള്‍, വോട്ടിങ് പാറ്റേണ്‍, മുന്‍ തിരഞ്ഞെടുപ്പുകളിലെ ചിത്രം എന്നിവയടങ്ങിയ വിശദമായ ഡാറ്റയും ഡെയ്‌ലിഹണ്ട് വായനക്കാരിലേക്ക് എത്തിക്കുന്നു. സീറ്റുകളുടെ എണ്ണം അറിഞ്ഞ് തുടങ്ങുമ്പോള്‍ തന്നെ കൃത്യവും വ്യക്തവുമായ തിരഞ്ഞെടുപ്പ് വിശകലനങ്ങളാണ് ഡെയ്‌ലിഹണ്ടിലൂടെ നിങ്ങളുടെ മുന്നിലേക്ക് എത്തുക.

സാധാരണ വായനക്കാര്‍ മുതല്‍ രാഷ്ട്രീയ വിദഗ്ദ്ധര്‍ക്ക് വരെ മനസ്സിലാക്കാന്‍ കഴിയുന്ന തരത്തിലുള്ള ലളിതവും വിശദവുമായ തരത്തിലുള്ള വിവരങ്ങള്‍ ഉള്‍ക്കൊള്ളിച്ചുള്ളതാവും ഒരോ തിരഞ്ഞെടുപ്പ് വിശകലനങ്ങളും. ഇതോടൊപ്പം തന്നെ അഞ്ച് സംസ്ഥാനങ്ങളില്‍ നിന്നും പുറത്ത് വരുന്ന ഫലങ്ങളുടെ വിവരങ്ങള്‍ സംസ്ഥാനം, മണ്ഡലം, പാര്‍ട്ടി എന്നിവയുടെ അടിസ്ഥാനത്തില്‍ തത്സമയം നിങ്ങളിലേക്ക് എത്തിക്കുകയും ചെയ്യുന്നു.

സോഷ്യൽ മീഡിയയിലെ പ്രതികരണങ്ങൾ, ട്വിറ്ററിലെ ട്രെൻഡുകൾ, തത്സമയ വീഡിയോകൾ, വൈറൽ ട്രോളുകള്‍, ട്രെൻഡിങ് സ്റ്റോറികളും വീഡിയോകളും എന്നിവ ഉള്‍പ്പടെ അതിവിപുലമായ ഒരു കവറേജാണ് വോട്ടിങ് ദിനത്തില്‍ ഡെയ്‌ലിഹണ്ട് നിങ്ങള്‍ക്കായി ഒരുക്കിയിരിക്കുന്നത്. എന്നിവ പേരുനൽകേണ്ട ചില കാര്യങ്ങൾ മാത്രമാണ്. അപ്പോള്‍ ഈ വോട്ടെണ്ണല്‍ ദിനം എവര്‍ക്കും ഡെയ്‌ലിഹണ്ടിനൊപ്പം ആസ്വദിക്കാം.