• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കരുണ സംഗീത നിശ: പണമിടപാടില്‍ അന്വേഷണം ആവശ്യപ്പെട്ട് സംഘാടകര്‍, മുഖ്യമന്ത്രിക്ക് കത്തയച്ചു!!

  • By Vidyasagar

കൊച്ചി: വിവാദമായ കരുണ സംഗീത നിശയില്‍ സ്വതന്ത്ര അന്വേഷണം വേണമെന്ന് സംഘാടകര്‍. കൊച്ചി മ്യൂസിക് ഫൗണ്ടേഷനെ കുറിച്ച് ആരോപണങ്ങള്‍ വിവിധ തരത്തില്‍ വരുന്നതിനെ തുടര്‍ന്നാണ് ഇവര്‍ സ്വതന്ത്ര അന്വേഷണം ആവശ്യപ്പട്ടത്. മുഖ്യമന്ത്രി പിണറായി വിജയന് ഇതേ ആവശ്യം ഉന്നയിച്ച് കത്തയച്ചിരിക്കുകയാണ് സംഘാടകര്‍. ബിജിബാല്‍, ഷഹബാസ് അമന്‍, ആഷിക്ക് അബു, റിമ കല്ലിങ്കല്‍, സിതാര കൃഷ്ണകുമാര്‍, കമല്‍ കെഎം, ശ്യാം പുഷ്‌ക്കരന്‍, മധു നാരായണന്‍ എന്നിവരാണ് കത്തയച്ചത്.

കൊച്ചിയില്‍ അന്താരാഷ്ട്ര നിലവാരത്തില്‍ ഒരു മ്യൂസിക് ഫെസ്റ്റിവല്‍ എന്ന ആശയത്തോടെ പ്രവര്‍ത്തിക്കുന്ന കലാകാരന്‍മാരുടെ അഭിമാനത്തെയും സല്‍പ്പേരിനെയും ആക്രമിക്കുന്ന അധമരാഷ്ട്രീയ ശൈലി ജനപ്രതിനിധികള്‍ കൂടി ഏറ്റെടുത്ത സ്ഥിതിക്ക് കണ്‍സര്‍ട്ടില്‍ നടന്ന പണമിടപാടുകളെപറ്റി ഔദ്യോഗികമായ അന്വേഷണം എത്രയും വേഗം പ്രഖ്യാപിക്കണമെന്നും നിജസ്ഥിതി ജനങ്ങളെയും മാധ്യമങ്ങളെയും അറിയിക്കണമെന്നും അഭ്യര്‍ത്ഥിക്കുന്നതായി മുഖ്യമന്ത്രിക്ക് അയച്ച കത്തില്‍ സംഘാടകര്‍ വ്യക്തമാക്കുന്നു.

യുവമോര്‍ച്ച നേതാവ് സന്ദീപ് വാര്യരാണ് ഇക്കാര്യം തട്ടിപ്പാണെന്ന ആരോപണവുമായി രംഗത്തെത്തിയത്. ഇതിന് പിന്നാലെ കോണ്‍ഗ്രസ് എംപി ഹൈബി ഈഡന്‍ കൂടി ആരോപണമുയര്‍ത്തിയതോടെ വലിയ കുരുക്കിലേക്കാണ് കരുണ സംഗീത നിശ എത്തിപ്പെട്ടത്. സംഗീത നിശ നടന്ന് മൂന്ന് മാസം കഴിഞ്ഞിട്ടും മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് പണം നല്‍കിയിട്ടില്ലെന്നായിരുന്നു ഇവരുടെ ആരോപണം. എന്നാല്‍ സംഗീത നിീശ നഷ്ടത്തില്‍ കലാശിച്ചെന്നും, സമാഹരിച്ച ആറ് ലക്ഷത്തിന് മുകളിലുള്ള തുക നല്‍കാന്‍ മാര്‍ച്ച് 31 വരെ സാവകാശം തേടിയിട്ടുണ്ടെന്നായിരുന്നു സംഘാടകരുടെ വിശദീകരണം.

അതേസമയം കരുണ സംഗീത പരിപാടിയില്‍ സാമ്പത്തിക തട്ടിപ്പ് നടത്തിയെന്ന പരാതിയില്‍ പ്രാഥമിക അന്വേഷണത്തിന് കൊച്ചി പോലീസ് ഉത്തരവിട്ടിട്ടുണ്ട്. സന്ദീപ് വാര്യരുടെ പരാതിയിലാണ് നടപടി. എന്നാല്‍ സാമ്പത്തിക തിരിമറി നടന്നെന്ന് കണ്ടെത്തിയാല്‍ മാത്രമേ കേസെടുത്ത് അന്വേഷണം ആരംഭിക്കൂ. മുഖ്യമന്ത്രിയുടെ പേരുള്‍പ്പെടെ കരുണ സംഗീത പരിപാടിക്കായി ദുരുപയോഗം ചെയ്‌തെന്നാണ് സന്ദീപ് വാര്യരുടെ പരാതി.

കരുണ സംഗീത നിശ: സാമ്പത്തിക തട്ടിപ്പില്‍ പ്രാഥമിക അന്വേഷണം, സന്ദീപ് വാര്യരുടെ പരാതിയില്‍ നടപടി!!

English summary
kochi music foundation letter to cm urges investigation
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X