9കോടി തട്ടി, ബോളിവുഡ് നടി ശില്പ ഷെട്ടിയ്ക്കെതിരെ കേസ്
കൊല്ക്കത്ത: ബോളിവുഡ് നടി ശില്പ ഷെട്ടിയ്ക്കും ഭര്ത്താവും ബിനസ് പ്രമുഖനുമായ രാജ് കുന്ദ്രയ്ക്കും എതിരെ കൊല്ക്കത്ത പൊലീസ് കേസ് രജിസ്റ്റര് ചെയ്തു. പണം ഇരട്ടിപ്പിച്ച് നല്കാമെന്ന് വാഗ്ദാനം നല്കി ഒന്പത് കോടി തട്ടിയെന്ന പരാതിയിലാണ് ഇരുവര്ക്കുമെതിരെ കേസ് രജിസ്റ്റര് ചെയ്തത്.
മുംബൈ ആസ്ഥാനമായി പ്രവര്ത്തിയ്ക്കുന്ന എസെന്ഷ്യല് സ്പോര്ട്സ് പ്രൈവറ്റ് ലിമിറ്റഡ് എന്ന കമ്പനിയുടെ പേരിലാണ് ശില്പ്പയും ഭര്ത്താവും പണം വാങ്ങിയത്. കൊല്ക്കത്ത ആസ്ഥാനമായി പ്രവര്ത്തിയ്ക്കുന്ന എംകെ മീഡിയ പ്രൈവറ്റ് ലിമിറ്റഡ് എന്ന കമ്പനിയില് നിന്നും ഒന്പത് കോടി രൂപ ശില്പ്പയുടെ കമ്പനി നിക്ഷേപമായി സ്വീകരിച്ചു എന്നാണ് പരാതി.
രണ്ട് വര്ഷത്തിന് ശേഷം പണം പത്തിരട്ടിയായി നല്കാമെന്ന് വാഗ്ദാനം ചെയ്തായിരുന്നു പണം വാങ്ങിയത്. മാത്രമല്ല 30ലക്ഷം ഓഹരികള് കൊല്ക്കത്ത കമ്പനിയ്ക്ക് നല്കുകയും ചെയ്തു. എന്നാല് ഈ ഓഹരികള് വ്യാജമാണെന്ന് കൊല്ക്കത്ത കമ്പനി കണ്ടെത്തി. പണവും തിരിച്ച് നല്കിയില്ല. തുടര്ന്ന് പൊലീസില് പരാതി നല്കുകയായിരുന്നു. ഐപിസി 120 ബി, 406, 418, 420, 388, 389, 506 എന്നീ വകുപ്പുകള് പ്രകാരമാണ് ഇരുവര്ക്കുമെതിരെ കേസെടുത്തത്.