ബലൂണിൽ പുരുഷബീജം നിറച്ച് പെൺകുട്ടിയുടെ ദേഹത്തെറിഞ്ഞ് ഹോളി കളി, വിദ്യാർഥിനിയുടെ പോസ്റ്റ് വൈറലാകുന്നു
സ്ത്രീകൾക്ക് നേരെയുള്ള അതിക്രമങ്ങൾ അനുദിനം വര്ധിക്കുന്ന കാഴ്ചകളാണ് ചുറ്റും നടക്കുന്നത്. വീട്ടിലെന്നോ നാട്ടിലെന്നോ വാഹനങ്ങളിലെന്നോ എന്തിന് പെണ്ണിന്റെ സാന്നിധ്യം ഉണ്ടാകുന്നിടത്തെല്ലാം അവള് ആക്രമിക്കപ്പെടുന്നു. നിറങ്ങളുടെ ഉത്സവമായ ഹോളിക്കിടയില് തനിക്ക് നേരെയുണ്ടായ വിചിത്രമായ ലൈംഗീകാതിക്രമം പങ്കുവെച്ചിരിക്കുകയാണ് ഡല്ഹി ലേഡി ശ്രീരാം കോളേജിലെ വിദ്യാര്ത്ഥിനി. ഇന്സ്റ്റഗ്രാമിലൂടെ ഫിബ്രവരി 24 നാണ് വിദ്യാര്ത്ഥിനി തനിക്കുണ്ടായ മോശം അനുഭവം കുറിച്ചത്. ഇതാദ്യമല്ല ഇത്തരത്തില് ഒരാക്രമം ഹോളിക്കിടെ നടക്കുന്നതെന്ന് വിദ്യാര്ത്ഥി പോസ്റ്റില് പറയുന്നുണ്ട്.
പുരുഷ ബീജം നിറച്ച ബലൂണ്
24 ന് ഉച്ചയോടെ സുഹൃത്തിനൊപ്പം ഭക്ഷണം കഴിക്കാന് ഇറങ്ങിയതായിരുന്നു. ഭക്ഷണം കഴിച്ച് മടങ്ങവേ തന്റേ ദേഹത്തേക്ക് ഒരു ബലൂണ് ആരോ വലിച്ചെറിഞ്ഞെു.
ഇടുപ്പിന് കൊണ്ടു
ബലൂണ് തന്റെ ഇടുപ്പില് തട്ടി പൊട്ടിയെന്നും അതില് നിന്നും എന്തോ കട്ടിയുള്ള ഒരു ദ്രാവകം തന്റെ കുര്ത്തയ്ക്ക് മുകളിലൂടെ ഒഴുകിയെന്നും പെണ്കുട്ടിയുടെ പോസ്റ്റില് പറയുന്നു.
ഹാപ്പി ഹോളി
ഉടന് എത്തി ഹാപ്പി ഹോളി എന്ന ആക്രോശം. എന്നാല് എന്താണ് സംഭവിച്ചതെന്ന് മനസിലാക്കാന് തനിക്ക് കഴിഞ്ഞില്ല. ഭയമാണോ ആശങ്കയാണോ എന്ന് മനസിലാക്കാന് പറ്റാത്ത വിധം താന് തരിച്ച് നിന്നുപോയി.
കറുത്ത ലെഗ്ഗിങ്ങ്സില്
ആ വെളുത്ത ദ്രാവകം തന്റെ കറുത്ത ലെഗ്ഗിങ്ങ്സിന് മുകളിലൂടെ ഒഴുകി വന്നു. ബീജം നിറച്ച ബലൂണ് സ്ത്രീയ്ക്ക് നേരെ എറിയുന്നത് നിങ്ങളുടെ പുരുഷത്വത്തെ തെളിയിക്കില്ലെന്ന് അവര് കുറിച്ചു.
'മോശമെന്ന് കരുതരുത് ഇന്ന് ഹോളിയാണ്'
ഹോളിയുടെ പേരില് എന്തും സ്ത്രീകളുടെ ദേഹത്ത് എറിഞ്ഞ് ഇന്ന് ഹോളിയാണ് മോശം വിചാരിക്കരുത് എന്ന് പറയുന്ന ചിന്ത മാറ്റേണ്ടതുണ്ടെന്നും അവര് കുറിച്ചു.
അറപ്പുളവാക്കുന്നു
സ്വന്തം ബീജം നിറച്ച ബലൂണുകള് സ്ത്രീകളുടെ ദേഹത്തേക്ക് എറിയുന്ന പുരുഷന്മാര് ഹോളി ദിനത്തില് തെരുവില് ഇറങ്ങരുത്. അത് അറപ്പുളവാക്കുന്നതാണെന്നും അവര് കുറിച്ചു.
പ്രതിഷേധം
വിദ്യാര്ത്ഥിനിയുടെ പോസ്റ്റ് വൈറലായതോടെ സമൂഹമാധ്യമങ്ങളിലൂടെ വന് പ്രതിഷേധമാണ് ഡല്ഹി യൂനിവേഴ്സിറ്റിയിലെ പെണ്കുട്ടികള് ഇതിനെതിരെ ഉയര്ത്തിയിരിക്കുന്നത്.
പരാതി ലഭിച്ചില്ല
അതേസമയം സംഭവത്തില് ഇരായായ പെണ്കുട്ടി ഇതുവരെ പരാതി നല്കിയിട്ടില്ലെന്ന് പോലീസ് വ്യക്തമാക്കി. ഹോളി ആഘോഷങ്ങളുടെ ഭാഗമായി യൂനിവേഴ്സിറ്റി പരിസരത്ത് കനത്ത സുരക്ഷ ഒരുക്കുമെന്നും പോലീസ് വ്യക്തമാക്കി.
കുട്ടികളുടെ ദേഹത്ത് ഇരുമ്പ് കമ്പി കുത്തിയിറക്കുന്ന ക്രൂരത... കുത്തിയോട്ടത്തിനെതിരെ ഡിജിപി ശ്രീലേഖ
പാരാസെറ്റാമോളിന് പിന്നിലെ കിംവദന്തികളുടെ സത്യാവസ്ഥ ഇതാണ്
ഷുഹൈബിന് പിന്നാലെ സഫീർ; യുഡിഎഫ് മുതലെടുപ്പിന് തിരിച്ചടി! സഫീറിന്റെ ഉപ്പയുടെ വെളിപ്പെടുത്തൽ...