ക്രിക്കറ്റ് താരം തനിക്കും മകള്ക്കുമെതിരെ വധഭീഷണി ഉയര്ത്തിയതായി ലിയാന്ഡര് പേസ്
മുംബൈ: മുന് ക്രിക്കറ്റ് താരം അതുല് ശര്മ തന്നെയും മകളെയും കൊല്ലുമെന്ന് ഭീഷണിപ്പെടുത്തിയതായി ടെന്നീസ് താരം ലിയാന്ഡര് പേസ്. ഇതുസംബന്ധിച്ച് അദ്ദേഹം ബാന്ദ്ര കുര്ള കോംപ്ലക്സ് പോലീസ് സ്റ്റേഷനില് പരാതി നല്കി. ബാന്ദ്ര കോടതി പരിസരത്തുവെച്ച് തങ്ങളെ കൊല്ലുമെന്നാണ് അതുല് ശര്മയുടെ ഭീഷണിയെന്ന് ലിയാന്ഡര് പേസ് പരാതിയില് പറയുന്നു.
ലിയാന്ഡര് പേസിന്റെ മുന് കൂട്ടുകാരിയും മകളുടെ അമ്മയുമായ റിയാ പിള്ളയും അതുല് ശര്മയും തമ്മില് ബന്ധമുണ്ടെന്ന് ലിയാഡര് ഈയിടെ ആരോപിച്ചിരുന്നു. ഇവര് തമ്മിലുള്ള ബന്ധത്തിന്റെ തെളിവുകള് കോടതിയില് ഹാജരാക്കുകയും ചെയ്തിരുന്നു. മകളുടെ വളര്ത്തവകാശം വേണമെന്ന് കാട്ടി ലിയാഡര് പേസ് നല്കിയ ഹര്ജി പരിഗണിക്കവെയായിരുന്നു തെളിവുകള് നല്കിയത്.
അവിവാഹിതരായി ഒന്നിച്ചു കഴിയുന്നവര്ക്കുണ്ടായ കുട്ടിയുടെ പരിചരണം അമ്മയ്ക്കാണ്. അമ്മയുടെ പരിചരണം കുട്ടിയുടെ ഭാവിയെ ബാധിക്കുമെന്ന് കാണിക്കാനാണ് ലിയാന്ഡര് പേസ് റിയാ പിള്ളയ്ക്ക് അതുല് ശര്മയുമായി ബന്ധമുണ്ടെന്ന് തെളിയിക്കുന്ന രേഖകള് കോടതി മുന്പാകെ ഹാജരാക്കിയത്.
നേരത്തെ നടന് സഞ്ജയ് ദത്തിന്റെ ഭാര്യയായിരുന്ന റിയാ പിള്ള നിയമപരമായി വിവാഹമോചനം നേടിയിരുന്നു. വിവാഹ മോചനത്തിനിടെയാണ് ലിയാന്ഡര് പേസുമായി റിയ അടുക്കുന്നത്. മകളെ ഭാര്യ വിദേശത്തേക്ക് കടത്തിയേക്കുമെന്ന് കാട്ടി പേസ് പോലീസില് പരാതി നല്കിയതിന്റെ പിന്നാലെ പേസിനെതിരെ റിയ ഗാര്ഹിക പീഡനക്കേസ് ഫയല് ചെയ്യുകയും ചെയ്തിരുന്നു. ഇതില് അന്വേഷണം നടന്നുവരികയാണ്.