Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ആരാണത് പറഞ്ഞത്? ടെന്നീസില്‍ നിന്നും വിരമിക്കല്‍ തീരുമാനിച്ചിട്ടില്ലെന്ന് ലിയാന്‍ഡര്‍ പേയ്‌സ്
ദില്ലി: പ്രൊഫഷണല്‍ ടെന്നീസില്‍ നിന്നും താന്‍ വിരമിക്കുകയാണെന്ന വാര്‍ത്ത ഇന്ത്യയുടെ ടെന്നീസ് ഇതിഹാസതാരം ലിയാന്‍ഡര്‍ പേയ്‌സ് നിഷേധിച്ചു. ഒരു മാധ്യമത്തോടും വിരമിക്കുന്നകാര്യം സൂചിപ്പിച്ചിട്ടില്ല. തന്റെ പരാമര്‍ശം തെറ്റായി വ്യാഖ്യാനിക്കുകയായിരുന്നെന്നും ലിയാന്‍ഡര്‍ പറഞ്ഞു. വിരമിക്കല്‍ വാര്‍ത്തയ്‌ക്കെതിരെ പ്രതികരിക്കുകയായിരുന്നു ഇന്ത്യന്‍താരം.
സോംദേവ് വര്‍മന്‍ വിരമിക്കല്‍ പ്രഖ്യാപിച്ചതുമായി ബന്ധപ്പെട്ട ഒരു പ്രതികരണമാണ് തെറ്റിദ്ധാരണയ്ക്കിടയാക്കിയതെന്ന് പേയ്‌സ് പറഞ്ഞു. വിരമിക്കല്‍ തീരിമാനമുണ്ടോ എന്നായിരുന്നു മാധ്യമപ്രവര്‍ത്തകന്റെ ചോദ്യം. ഒരു പക്ഷെ അത് ഇന്നാകാം, അല്ലെങ്കില്‍ നാളെയാകാം, അതുമല്ലെങ്കില്‍ ആറുമാസം കഴിഞ്ഞാകാം അല്ലെങ്കില്‍ പിന്നീടൊരിക്കല്‍ എന്നായിരുന്നു തന്റെ പ്രതികരണം. എന്നാല്‍, ലിയാന്‍ഡര്‍ ആറുമാസത്തനുശേഷം വിരമിക്കുകയാണെന്ന വാര്‍ത്തയാണ് പിന്നീട് വന്നതെന്ന് അദ്ദേഹം കുറ്റപ്പെടുത്തി.
അടുത്തവര്‍ഷവും ചെന്നൈ ഓപ്പണ്‍ കളിക്കാനെത്തിയേക്കുമെന്ന് ലിയാന്‍ഡര്‍ സൂചിപ്പിച്ചു. പുതിയ പങ്കാളി ബ്രസീല്‍താരം ആന്ധ്രെ സായുമായി ചെന്നൈ ഓപ്പണില്‍ ആദ്യ റൗണ്ടില്‍ പുറത്തായിരുന്നു. പുതിയ പങ്കാളിക്ക് ആദ്യത്തെ ഗ്രാന്‍സ്ലാം കിരീടം നേടിക്കൊടുക്കകയും തന്റെ ലക്ഷ്യമാണെന്ന് 18 ഗ്രാന്റ് സ്ലാമുകള്‍ സ്വന്തമാക്കിയ ഇന്ത്യന്‍ താരം പറഞ്ഞു.
ആറു ചെന്നൈ ഓപ്പണ്‍ കിരീടവും ലിയാന്‍ഡര്‍ സ്വന്തമാക്കിയിട്ടുണ്ട്. അഞ്ചുതവണയും മഹേഷ് ഭൂപതിക്കൊപ്പമായിരുന്നു അത്. ടെന്നീസിനെ ഇപ്പോഴും അഗാധമായി സ്‌നേഹിക്കുന്നു. കൂടുതല്‍ ശക്തിയോടെ എപ്പോഴും കളിച്ചുകൊണ്ടിരിക്കാനാണ് ആഗ്രഹം. അതുകൊണ്ടുതന്നെ വിരമിക്കുന്നതിനെക്കുറിച്ചു തീരുമാനിച്ചിട്ടില്ലെന്നും പേയ്‌സ് പറഞ്ഞു.
