ഇന്ത്യൻ പ്രദേശം ചൈന കയ്യേറിയെന്ന് ലഡാക് മുൻ എംപി, വാദം നിഷേധിച്ച് കേന്ദ്ര സർക്കാർ

By Rakhi

Updated: Saturday, October 31, 2020, 9:54 [IST]

Oct 31, 2020, 9:52 am IST

വാര്‍ത്ത തെറ്റാണ് എന്ന് പ്രസ് ഇന്‍ഫോര്‍മേഷന്‍ ബ്യൂറോ ഫാക്ട് ചെക്ക്

Oct 31, 2020, 9:52 am IST

പാംഗോഗ് സോ തടാകത്തിന്റെ വടക്കന്‍ കരയിലുളള ഫിംഗര്‍ 2,3 സ്ഥാനങ്ങള്‍ കൈവശപ്പെടുത്തിയതായും മുന്‍ എംപി

Oct 31, 2020, 9:52 am IST

ഇന്ത്യൻ പ്രദേശം ചൈന കയ്യേറിയെന്ന് ലഡാക് മുൻ എംപി തുപ്‌സ്താന്‍ ചീവാങ്ങ്

Oct 26, 2020, 10:25 am IST

ഭീഷണി ഉയര്‍ന്ന് വരുന്ന സാഹചര്യത്തില്‍ തങ്ങള്‍ പൊരുതുമെന്ന് അജിത് ഡോവല്‍

Oct 26, 2020, 10:25 am IST

ചൈനയ്ക്ക് മുന്നറിയിപ്പ് നല്‍കി ദേശീയ സുരക്ഷാ ഉപദേഷ്ടാവ് അജിത് ഡോവല്‍

Oct 26, 2020, 10:25 am IST

പ്രതിരോധ മന്ത്രി രാജ്‌നാഥ് സിംഗ്, സംയുക്ത സൈനിക മേധാവി ജനറല്‍ ബിപിന്‍ റാവത്ത്, നാവിക സേനാ മേധാവി അഡ്മിറല്‍ കരംഭീര്‍ സിംഗ്, വ്യോമ സേനാ മേധാവി ആര്‍കെഎസ് ഭാദുരിയ എന്നിവര്‍ ചൊവ്വാഴ്ച കമാന്‍ഡര്‍മാരെ അഭിസംബോധന ചെയ്യും

Oct 21, 2020, 7:59 am IST

അതിശൈത്യ മേഖലയായ ലഡാക്കില്‍ സൈനികനാവശ്യമായ വസ്ത്രം, ഭക്ഷണം, മെഡിക്കല്‍ ഉപകരണങ്ങള്‍ എന്നിവയടങ്ങിയ എല്ലാ സജ്ജീകരണങ്ങളും ഇന്ത്യന്‍ സൈന്യം നല്‍കിയെന്ന് അറിയിച്ചിരുന്നു.

Oct 21, 2020, 7:59 am IST

കൃത്യമായ പ്രോട്ടോക്കോള്‍ നടപടികള്‍ പാലിച്ചാണ് ഇന്ത്യ ഇപ്പോള്‍ സൈനികനെ കൈമാറിയിരിക്കുന്നത്.

Oct 21, 2020, 7:59 am IST

സൈനികനെ ചൈനീസ് ഭാഷ അറിയാവുന്ന വിദഗ്ദരെ ഉള്‍പ്പെടുത്തി ചോദ്യം ചെയ്തിരുന്നു.

Oct 21, 2020, 7:58 am IST

കോര്‍പ്പറല്‍ റാങ്കിലുള്ള വാങ് യാ എന്നയാളാണ് അതിര്‍ത്തി കടന്നെത്തിയതിനെ തുടര്‍ന്ന് ഇന്ത്യയുടെ പിടിയിലായത്. ചുമാര്‍-ദംചോക്ക് മേഖയില്‍ നിന്നുമാണ് ഇദ്ദേഹം പിടിയിലായത്.

Oct 21, 2020, 7:58 am IST

നിയന്ത്രണരേഖ കടന്ന് ഇന്ത്യയിലേക്ക് എത്തിയതിന് പിന്നാലെ സൈന്യത്തിന്റെ പിടിയിലായ ചൈനീസ് സൈനികനെ ചൈനയ്ക്ക് കൈമാറി.

Oct 19, 2020, 4:33 pm IST

ചാരവൃത്തി ശ്രമം അന്വേഷിക്കും

Oct 19, 2020, 4:29 pm IST

നടപടിക്രമങ്ങൾ പാലിച്ചതിന് ശേഷം പ്രോട്ടോക്കോൾ അനുസരിച്ച് അദ്ദേഹത്തെ ചൈനീസ് സേനയുടെ അരികിലേക്ക് തിരിച്ചയക്കും

Oct 19, 2020, 4:28 pm IST

ലഡാക്കിലെ ചുമാർ-ഡെംചോക്ക് പ്രദേശത്ത് വെച്ചാണ് അതിര്‍ത്തി കടന്ന് എത്തിയ ചൈനീസ് സൈനികന്‍ ഇന്ത്യന്‍ പട്ടാളത്തിന്‍റെ പിടിയിലായെത്

Oct 19, 2020, 4:28 pm IST

ഇന്ത്യ-ചൈന അതിർത്തിയിൽ ചൈനീസ് സൈനികൻ ഇന്ത്യന്‍ സൈന്യത്തിന്റെ പിടിയിലായി.

Oct 17, 2020, 7:44 am IST

ഏഷ്യാ സൊസൈറ്റി ആതിഥേയത്വം വഹിച്ച ഒരു വെർച്വൽ പരിപാടിയിൽ സംസാരിക്കുകയായിരുന്നു അദ്ദേഹം.

Oct 17, 2020, 7:44 am IST

അതിർത്തിയിലെ ചൈനീസ് സേനാ സാന്നിധ്യം സുരക്ഷാ ഭീഷണിയാണെന്നും രാഷ്ട്രീയ നയതന്ത്ര പ്രത്യാഘാതങ്ങൾക്കിത് ഇടയാക്കിയെന്നും വിദേശകാര്യമന്ത്രി

Oct 17, 2020, 7:44 am IST

ഗാൽവാന്‍ അതിര്‍ത്തിയിലെ സംഘർഷം ഇന്ത്യ ചൈന ബന്ധത്തെ പിടിച്ചുലച്ചെന്ന് വിദേശകാര്യമന്ത്രി എസ് ജയശങ്കര്‍

Oct 16, 2020, 9:01 am IST

രാജ്യത്തിന്റെ ആഭ്യന്തരകാര്യങ്ങളില്‍ പ്രതികരിക്കാന്‍ ചൈനയ്ക്ക് അവകാശമില്ലെന്ന് ഇന്ത്യ. ലഡാക്കിലെയും ജമ്മുകാശ്മീരിലെയും കേന്ദ്ര ഭരണപ്രദേശങ്ങള്‍ ഇന്ത്യയുടെ അഭിവാജ്യഘടകമാണ് അത് അങ്ങനെ തന്നെ നിലനില്‍ക്കുമെന്നും വിദേശകാര്യ വക്താവ് അനുരാഗ് ശ്രീവാസ്തവ അറിയിച്ചു.

Oct 14, 2020, 9:06 am IST

കിഴക്കൻ ലഡാക്കിൽ ചൈനീസ് അതിർത്തിയുടെ സുരക്ഷാ ചുമതല വഹിക്കുന്ന, ലേ ആസ്ഥാനമായുള്ള 14 കോറിന്റെ മേധാവിയായി മലയാളിയായ ലഫ്. ജനറൽ പി.ജി.കെ. മേനോൻ ചുമതലയേറ്റു.

Oct 14, 2020, 9:03 am IST

പ്രശ്ന പരിഹാരത്തിനായി ചൈനയുമായി നടത്തിയ ചർച്ച പരാജയപ്പെട്ട സാഹചര്യത്തിൽ അതിർത്തിയിൽ കൂടുതൽ സേനകളെ വിന്യസിക്കാൻ ഇന്ത്യ

Oct 13, 2020, 5:20 pm IST

പാര്‍ലമെന്റ് സമിതി ഈ മാസം ലഡാക്ക് സന്ദര്‍ശിക്കും. ഈ മാസം 28, 29 തിയ്യതികളിലാണ് സംഘം ലഡാക്കിലെത്തുക.ലോക്‌സഭയിലെ കോണ്‍ഗ്രസ് കക്ഷി നേതാവ് അധിര്‍ രഞ്ജന്‍ ചൗധരി ഇക്കാര്യം നേരത്തെ സ്പീക്കര്‍ ഓം ബിര്‍ളയോട് ആവശ്യപ്പെട്ടിരുന്നു. ചൗധരിയുടെ നേതൃത്വത്തിലുള്ള പിഎസി അംഗങ്ങളാണ് ലഡാക്കിലെത്തുക എന്നാണ് വിവരം.

Oct 13, 2020, 9:43 am IST

ചൈനയും പാകിസ്താനും ഇന്ത്യന്‍ അതിര്‍ത്തിയില്‍ തര്‍ക്കങ്ങളുണ്ടാക്കുന്നത് പ്രത്യേക ദൗത്യത്തിന്റെ ഭാഗമാണെന്ന് പ്രതിരോധ മന്ത്രി രാജ്‌നാഥ് സിങ് ആരോപിച്ചു.

Oct 13, 2020, 9:41 am IST

ലഡാക്ക് വിഷയത്തില്‍ ഇന്ത്യ-ചൈന കമാന്റര്‍ തല ചര്‍ച്ച 11 മണിക്കൂര്‍ നീണ്ടും. തിങ്കളാഴ്ച രാത്രി 11.30നാണ് ചര്‍ച്ച അവസാനിച്ചത്. ചര്‍ച്ചയുടെ വിശദാംശങ്ങള്‍ ലഭ്യമല്ല.

Oct 12, 2020, 8:41 am IST

ഇത് ഏഴാം തവണയാണ് കമാന്‍ഡര്‍തല ചര്‍ച്ച നടക്കുന്നത്‌

Oct 12, 2020, 8:41 am IST

ഇന്ത്യ-ചൈന അതിര്‍ത്തി പ്രശ്‌ന പരിഹാരത്തിന് ഇന്ന് കമാന്‍ഡര്‍ തലത്തില്‍ വീണ്ടും ചര്‍ച്ച

Oct 11, 2020, 11:27 pm IST

പാങ്കോംഗ് തടാകത്തിന്റെ തെക്കന്‍ തീരത്തുള്ള നിരവധി തന്ത്രപ്രധാനമായ മേഖലകളില്‍ നിന്ന് ഇന്ത്യന്‍ സൈനികരെ പിന്‍വലിക്കണമെന്ന ചൈനയുടെ ആവശ്യത്തെ ഇന്ത്യ ശക്തമായി എതിര്‍ക്കുമെന്നാണ് സൂചന.

Oct 11, 2020, 11:26 pm IST

അതിര്‍ത്തിയില്‍ സംഘര്‍ഷം പൊട്ടിപ്പുറപ്പെട്ടതിന് പിന്നാലെ നടക്കുന്ന ഏഴാമത്തെ സൈനികതല ചര്‍ച്ചയാണിത്. തിങ്കളാഴ്ച ഉച്ചയോടെ നിയന്ത്രണ രേഖയ്ക്ക് സമീപമുള്ള ഇന്ത്യന്‍ ഭാഗത്തെ ചൗഷാലിലാണ് കൂടിക്കാഴ്ച നടക്കുക.

Oct 11, 2020, 11:26 pm IST

അതിര്‍ത്തി സംഘര്‍ഷങ്ങളുടെ പശ്ചാത്തലത്തില്‍ ഇന്ത്യ ചൈനയുമായുള്ള ഏഴാമത്തെ കൂടിക്കാഴ്ച തിങ്കളാഴ്ച നടക്കും. കിഴക്കന്‍ ലഡാക്കിലെ എല്ലാ സംഘര്‍ഷ കേന്ദ്രങ്ങളില്‍ നിന്നും ചൈനയുടെ സൈനികരെ പൂര്‍ണ്ണമായും പിന്‍വലിക്കുന്നതിനായിരിക്കും ഇന്ത്യ ശ്രമിക്കുക.

Oct 11, 2020, 8:54 am IST

ഇന്ത്യ അതിർത്തിയിൽ ചൈന 60,000 സൈനികരെ വിന്യസിച്ചതായി യുഎസ് സ്റ്റേറ്റ് സെക്രട്ടറി മൈക്ക് പോംപെയോ.ഇന്ത്യ – പസിഫിക് മേഖലയിലെ ചതുർരാഷ്ട്ര സഖ്യത്തിലെ (ക്വാഡ്)വിദേശകാര്യമന്ത്രിമാരുടെ ടോക്കിയോയിൽ നടന്ന ഉച്ചകോടിയിൽ പങ്കെടുത്ത പിന്നാലെയാണ് അദ്ദേഹത്തിന്റെ പ്രതികരണം

3:22 PM, 16 Jun

അതിർത്തി തർക്കം സംബന്ധിച്ച് ഇരു രാജ്യങ്ങളും തമ്മിൽ സമാധാന ചർച്ചകൾ പുരോഗമിക്കുന്നതിനിടെയാണ് ഇന്നലെ രാത്രിയോടെ ഗൽവാൻ താഴ്വരയിൽ സംഘർഷം ഉണ്ടായത്. ഏറ്റുമുട്ടലിൽ ഒരു കേണൽ അടക്കം മൂന്ന് ഇന്ത്യൻ സൈനികർ കൊല്ലപ്പെട്ടു.

3:22 PM, 16 Jun

ഇൻഫൻട്രി ബറ്റാലിയൻ കമാന്റിങ്ങ് ഓഫീസറായ കേണൽ സന്തോഷാണ് കൊല്ലപ്പെട്ടത്. ഇദ്ദേഹം ആന്ധ്രാ സ്വദേശിയാണ്. അതേസമയം ഇരുഭാഗത്തും അത്യാഹിതം സംഭവിച്ചിട്ടുണ്ടെന്ന് ഇന്ത്യൻ സൈന്യം പറഞ്ഞു. രണ്ട് ചൈനീസ് സൈനികർ കൊല്ലപ്പെട്ടതായും റിപ്പോർട്ടുണ്ട്.

3:23 PM, 16 Jun

സൈന്യം നേർക്ക് നേർ ഏറ്റമുട്ടിയ പിന്നാലെ അടിയന്തര യോഗം വിളിച്ച് ചേർത്ത് പ്രതിരോധ മന്ത്രി രാജ്നാഥ് സിംഗ്. ചീഫ് ഡിഫന്‍സ് സ്റ്റാഫ് ജനറല്‍ ബിപിന്‍ റാവത്ത്, മൂന്ന് സൈനിക മേധാവിമാര്‍, വിദേശകാര്യ മന്ത്രി എസ് ജയശങ്കർ എന്നിവരുമായാണ് യോഗം ചേർന്നത്.

3:23 PM, 16 Jun

ഇന്ത്യ അതിർത്തി കടന്നെന്നും ചൈനീസ് ഉദ്യോഗസ്ഥരെ ആക്രമിച്ചുവെന്നും ബീജിംഗ്

3:24 PM, 16 Jun

രണ്ടു തവണയാണ് ഇന്ത്യ അതിർത്തി ലംഘിച്ചത്. ഏകപക്ഷീയമായി നീങ്ങി അതിർത്തിയിൽ പ്രകോപനം ഉണ്ടാക്കരുതെന്ന് ചൈനീസ് വിദേശകാരമന്ത്രി

3:24 PM, 16 Jun

സംഘർഷത്തിൽ ഇന്ത്യനൻ സൈനികർ കൊല്ലപ്പെട്ടതായി അറവില്ലെന്ന് ചൈനീസ് വിദേശകാര്യ വക്താവ് സാവോ ലിജിയാൻ

3:24 PM, 16 Jun

വെടിവെപ്പ് ഉണ്ടായിട്ടില്ലെന്നും ഇരു സൈന്യങ്ങളും തമ്മിൽ ശാരീരിക ഏറ്റുമുട്ടൽ മാത്രമാണ് നടന്നതെന്നും റിപ്പോർട്ടുകൾ

3:25 PM, 16 Jun

ഇരുരാജ്യങ്ങളും തമ്മിലുണ്ടാക്കിയ ധാരണ മറികടന്ന് തിങ്കളാഴ്ച മാത്രം രണ്ട് തവണ ഇന്ത്യ സൈനികര്‍ അതിര്‍ത്തി ലംഘിച്ച് ചൈനീസ് മേഖലയില്‍ കടന്ന് കയറി എന്ന് ചൈനയുടെ വിദേശകാര്യ മന്ത്രി

3:34 PM, 16 Jun

ചൈനയുടെ ഭാഗത്ത് നിന്നുണ്ടായ പ്രകോപനത്തിന് പിന്നില്‍ മറ്റെന്തെങ്കിലും ലക്ഷ്യങ്ങളുണ്ടോ എന്ന് സംശയിക്കേണ്ടതുണ്ടെന്ന് മുന്‍ പ്രതിരോധമന്ത്രി എകെ ആന്റണി

3:35 PM, 16 Jun

ലഡാക്കില്‍ ഇപ്പോള്‍ ഉണ്ടായ പ്രകോപനം ഇന്ത്യ നിര്‍മ്മിച്ച റോഡ് നിര്‍മ്മാണം തടസപ്പെടുത്താന്‍ മാത്രമാണെന്ന് കരുതുന്നില്ല. മറ്റ് ലക്ഷ്യങ്ങള്‍ എന്തോ ഉണ്ടെന്ന് താന്‍ സംശയിക്കുന്നു. അതിര്‍ത്തിയിലുണ്ടായ സംഘടര്‍ഷത്തിന്റെ വ്യക്തമായ വിശദാംശങ്ങള്‍ കേന്ദ്രസര്‍ക്കാര്‍ പുറത്തുവിടണമെന്നും എകെ ആന്റണി ആവശ്യപ്പെട്ടു.

3:39 PM, 16 Jun

ഇന്ത്യന്‍ കര, വ്യോമ, സേനാ താവളങ്ങള്‍ക്ക് ജാഗ്രതാ നിര്‍ദ്ദേശം നല്‍കി

3:45 PM, 16 Jun

കരസേന മേധാവിയുടെ പഠാന്‍കോട്ട് സന്ദര്‍ശനം മാറ്റിവച്ചു

3:49 PM, 16 Jun

ഇന്ത്യ-ചൈന സംഘര്‍ഷത്തെ തുടര്‍ന്ന് രൂപയുടെ മൂല്യം ഇടിഞ്ഞു. ഡോളറിനെതിരെ രൂപയുടെ മൂല്യം 76.24 നിലവാരത്തിലേക്കാണ് താഴ്ന്നത്.

4:18 PM, 16 Jun

ലഡാക്കിലെ സംഘര്‍ഷത്തെ തുടര്‍ന്ന് അതിര്‍ത്തിയിലെ സ്ഥിതി ഗതികള്‍ പ്രധാനമന്ത്രി നരേന്ദ്ര മോദിയെ അറിയിച്ച് പ്രതിരോധ മന്ത്രി രാജ്‌നാഥ് സിംഗ്. ബിപിന്‍ റാവത്തുമായി അടക്കം സംസാരിച്ച ശേഷമാണ് പ്രതിരോധ മന്ത്രി മോദി കാര്യങ്ങള്‍ ബോധിപ്പിച്ചത്.

4:18 PM, 16 Jun

ലഡാക്കില്‍ ഇന്ത്യന്‍ സൈനികര്‍ കൊല്ലപ്പെട്ടത് ചൈനീസ് സൈന്യത്തിന്റെ കല്ലേറില്ലെന്ന് റിപ്പോര്‍ട്ട്. ഇവരുടെ കല്ലേറില്‍ ഗാല്‍വാനിലുള്ള ഇന്ത്യയുടെ സൈനിക ഉദ്യോഗസ്ഥര്‍ക്ക് ഗുരുതരമായി പരിക്കേറ്റെന്നാണ് സൂചന. അതേസമയം ഔദ്യോഗികമായി ഇക്കാര്യം സ്ഥിരീകരിക്കപ്പെട്ടിട്ടില്ല.

4:19 PM, 16 Jun

ചൈനയുടെ ഗ്ലോബല്‍ ടൈംസിന്റെ ചീഫ് എഡിറ്റര്‍ നല്‍കുന്ന വിവരമനുസരിച്ച് ചൈനീസ് സൈന്യത്തിനും നാശനഷ്ടമുണ്ടായിട്ടുണ്ട്. ഗാല്‍വാന്‍ താഴ്‌വരയിലെ പോരാട്ടത്തില്‍ ചൈനീസ് സൈന്യത്തിനും ആള്‍നഷ്ടമുണ്ടായിട്ടുണ്ട്. ഇന്ത്യന്‍ സൈന്യത്തോട് പറയാനുള്ളത്, ഒരുപാട് ധാര്‍ഷ്ട്യം കാണിക്കരുതെന്നാണ്. ചൈനയുടെ ക്ഷമയെ ദൈര്‍ബല്യമായി കാണരുതെന്നും ഹു ഷിജിന്‍ പറഞ്ഞു.

4:40 PM, 16 Jun

ചൈനയ്ക്ക് ഒരിക്കലും ഇന്ത്യയുമായി ഏറ്റുമുട്ടല്‍ ആവശ്യമില്ല. എന്നാല്‍ ഞങ്ങള്‍ അതിനെ ഒരിക്കലും ഭയപ്പെടുന്നില്ലെന്നും ഷിജിന്‍ പറഞ്ഞു. അതേസമയം ചൈനയ്‌ക്കെതിരെ തിരിച്ചടിക്കണമെന്ന ആവശ്യം ഇന്ത്യന്‍ സൈന്യത്തില്‍ ശക്തമായിരിക്കുകയാണ്.

4:41 PM, 16 Jun

45 വര്‍ഷത്തിന് ശേഷമാണ് ഇന്ത്യയും ചൈനയും സൈനികരെ വധിക്കുന്ന തരത്തിലേക്ക് എത്തിയിരിക്കുന്നത്. 1975ലെ പോരാട്ടത്തില്‍ നാല് ഇന്ത്യന്‍ സൈനികര്‍ കൊല്ലപ്പെട്ടിരുന്നു. അരുണാചല്‍ പ്രദേശിലെ തുലുങ് ലായിലാണ് അന്ന് ഏറ്റുമുട്ടല്‍ നടന്നത്.

10:19 AM, 17 Jun

ഇന്ത്യ-ചൈന അതിര്‍ത്തിയിലെ ഏറ്റുമുട്ടലില്‍ ആശങ്ക അറിയിച്ച് ഐക്യരാഷ്ട്രസഭ സെക്രട്ടറി ജനറല്‍ ആന്റോണിയോ ഗുട്ടറസ്. ഇരുവിഭാഗവും സമാധാനം കാത്തുസൂക്ഷിക്കണമെന്ന് അദ്ദേഹം അഭ്യര്‍ഥിച്ചു

10:19 AM, 17 Jun

ഇന്ത്യ-ചൈന അതിര്‍ത്തി തര്‍ക്കം പിഹരിക്കുന്നതിനുള്ള കൂടുതല്‍ ചര്‍ച്ചകള്‍ ഇന്ന് നടന്നേക്കംും. വിഷയത്തില്‍ പ്രധാനമന്ത്രി നരേന്ദ്രമോദി ഇന്ന് വീണ്ടും കൂടുതല്‍ മന്ത്രിമാരിമായി ചേര്‍ന്ന് സ്ഥിതി ഗതികള്‍ വിലയിരുത്തും.

10:20 AM, 17 Jun

43ലധികം ചൈനീസ് സൈനികരും കൊല്ലപ്പെട്ടുവെന്ന സൂചനകളുണ്ടെന്ന് എഎന്‍ഐ വാര്‍ത്താ ഏജന്‍സി റിപ്പോര്‍ട്ട് ചെയ്തു.

10:21 AM, 17 Jun

കേന്ദ്രസർക്കാരിനെതിരെ രാഹുൽ ഗാന്ധി എന്തുകൊണ്ടാണ് പ്രധാനമന്ത്രി ഒളിച്ചിരിക്കുന്നത്. ഇതുവരെ നടന്നത് മതി. എന്താണ് സംഭവിച്ചത് എന്ന് നമുക്ക് അറിയേണ്ടത്. നമ്മുടെ സൈനികരെ കൊലപ്പെടുത്താന്‍ ചൈനയ്ക്ക് എങ്ങനെ ധൈര്യം വന്നു. നമ്മുടെ ഭൂമി കയ്യേറാന്‍ അവര്‍ക്ക് എങ്ങനെ ധൈര്യം വന്നു, രാഹുൽ ട്വീറ്റ് ചെയ്തു

10:22 AM, 17 Jun

പ്രധാനമന്ത്രി മോദിക്കെതിരെ ചിദംബരം. മെയ് 5 മുതല്‍ പ്രധാനമന്ത്രി മൗനത്തിലാണ്. വിദേശ സൈന്യം രാജ്യത്തെ ആക്രമിക്കുമ്പോള്‍ 7 ആഴ്ചകളായി ഒരു ഭരണത്തലവന്‍ ഒരു വാക്ക് പോലും പറയാതിരിക്കുക എന്നത് സങ്കല്‍പ്പിക്കാനാവുമോ എന്നും ചിദംബരം

10:23 AM, 17 Jun

ഇന്ത്യ-ചൈന സംഘര്‍ഷം: സൈനികരുടെ ജീവന്‍ നഷ്ടപ്പെട്ടതില്‍ അനുശോചനം അറിയിച്ച് അമേരിക്ക. സ്ഥിതി രൂക്ഷമായി നിരീക്ഷിച്ച് വരികയാണ്.സമാധാനപരമായ പരിഹാരം വേണമെന്ന് യുഎസ് വിദേശകാര്യവക്താവ്

10:35 AM, 17 Jun

കശ്മീരിലെ നൗഗാം സെക്ടറില്‍ പാക് മോർട്ടാർ ആക്രമണം.ഇന്നലെ വൈകിട്ടാണ് വെടിനിര്‍ത്തല്‍ കരാര്‍ ലംഘിച്ചുളള ആക്രമണം നടന്നത്‌.പാക് പ്രകോപനത്തിന് തിരിച്ചടി നൽകിയെന്ന് ഇന്ത്യ

11:29 AM, 17 Jun

അതിർത്തിയിലെ ആക്രമണത്തിൽ നാല് ഇന്ത്യൻ സൈനികരുടെ സ്ഥിതി അതീവഗുരുതരമെന്ന് റിപ്പോർട്ട്. സൈനിക വൃത്തങ്ങളെ ഉദ്ധരിച്ച് വാർത്താ ഏജൻസിയായ എഎൻഐയാണ് വാർത്ത റിപ്പോർട്ട് ചെയ്തത്

11:59 AM, 17 Jun

അതിർത്തിയിലെ ഏറ്റുമുട്ടലിന് പിന്നാലെ ചില ഇന്ത്യൻ സൈനികരെ കാണാനില്ലെന്ന് റിപ്പോർട്ട്. ഇവർ ചൈനീസ് കസ്റ്റഡിയിൽ ആണെന്നാണ് സൂചന.സ്റ്റഡിയിൽ ഉള്ളവരെ തിരികെ കൊണ്ടുവരാൻ സൈനിക-നയതന്ത്ര തലത്തിലുള്ള ഇടപെടലുകൾ തുടങ്ങിയതായും റിപ്പോർട്ടുണ്ട്.

12:39 PM, 17 Jun

ഇന്ത്യൻ സൈനികരുടെ ധീരതയിൽ രാജ്യം അഭിമാനിക്കുന്നുവെന്ന് പ്രതിരോധ മന്ത്രി.സൈനികരുടെ ധീരതയും ജീവത്യാഗവും രാഷ്ട്രം മറക്കില്ലെന്നും രാജ്നാഥ് സിംഗ് പറഞ്ഞു.

1:19 PM, 17 Jun

അതിർത്തിയിലെ സംഘർഷത്തിന്റെ പശ്ചാത്തലത്തിൽ യുദ്ധ കരുതൽ ശേഖരം വർധിപ്പിക്കാൻ സൈന്യത്തിന് കേന്ദ്രസർക്കാർ നിർദ്ദേശം നൽകി

ഒരിടവേളക്ക് ശേഷം ചൈനീസ് സൈന്യം വീണ്ടും അക്രമത്തിന്റെ വഴി സ്വീകരിച്ചിരിക്കുന്നു. ചര്‍ച്ചയിലൂടെ ലഡാക്കില്‍ കൈവന്ന സമാധാന അന്തരീക്ഷം അവര്‍ ലംഘിച്ചു. ആഗസ്റ്റ് 29, 30 രാത്രികളില്‍ അതിര്‍ത്തിയിലേക്ക് ചൈന സൈനിക നീക്കം നടത്തി. പാന്‍ഗോങ് സോ നദിക്കരികിലേക്ക് എത്തിയ ചൈനീസ് സൈന്യത്തെ ഇന്ത്യന്‍ സൈനികര്‍ തടഞ്ഞുവെന്ന് കേന്ദ്ര പ്രതിരോധ മന്ത്രാലയം അറിയിച്ചു. വിവരങ്ങള്‍ അറിയാം...