Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
മോദിയേക്കാള്‍ ഭൂരിപക്ഷം അമിത് ഷാക്ക്; അഞ്ചു ലക്ഷം പിന്നിട്ടു, അദ്വാനിയെ മാറ്റി നേട്ടം കൊയ്ത് ബിജെപി
ദില്ലി: മുതിര്‍ന്ന ബിജെപി നേതാവ് എല്‍കെ അദ്വാനിയുടെ മണ്ഡലമായിരുന്നു ഗുജറാത്ത് തലസ്ഥമായ ഗാന്ധിനഗര്‍. ഇത്തവണ ബിജെപി മല്‍സരിപ്പിച്ചത് പാര്‍ട്ടി ദേശീയ അധ്യക്ഷന്‍ അമിത് ഷായെ. അമിത് ഷായുടെ ഭൂരിപക്ഷം അഞ്ചു ലക്ഷം കവിഞ്ഞുവെന്നാണ് 2.30ന് വന്ന വിവരം. മോദിയുടെ വാരണാസിയിലെ ഭൂരിപക്ഷം മൂന്ന് ലക്ഷം പിന്നിട്ടു.
വോട്ടെണ്ണല്‍ തുടങ്ങിയ വേളയില്‍ തന്നെ അമിത് ഷാ ലീഡ് നിലനിര്‍ത്തിയിരുന്നു. അത് താഴോട്ട് പോയതുമില്ല. തുടര്‍ച്ചയായി മുന്നേറി രണ്ടു ലക്ഷം കഴിഞ്ഞു. വോട്ടെണ്ണല്‍ തുടരുകയും ചെയ്യുന്നു. ഇനിയും കൂടുമെന്നര്‍ഥം.
ഗാന്ധി നഗറിലെ കോണ്‍ഗ്രസ് സ്ഥാനാര്‍ഥി ഡോ. സിജെ ചൗദയാണ്. ഇദ്ദേഹത്തിന് വേണ്ടത്ര തിളങ്ങാന്‍ പോലും സാധിച്ചില്ല. ഗുജറാത്തില്‍ എല്ലാവരും ശ്രദ്ധിച്ചിരുന്നത് അമിത് ഷാക്ക് എത്ര ഭൂരിപക്ഷം ലഭിക്കും എന്നതാണ്. കാരണം അദ്ദേഹം ആദ്യമായിട്ടാണ് ലോക്‌സഭാ തിരഞ്ഞെടുപ്പില്‍ മല്‍സരിക്കുന്നത്.
എല്‍കെ അദ്വാനിയുടെ മണ്ഡലമായിരുന്നു ഗാന്ധി നഗര്‍. കഴിഞ്ഞ ആറ് തവണ അദ്ദേഹം ലോക്‌സഭയിലെത്തിയത് ഇവിടെ നിന്നാണ്. 1991 മുതല്‍ എല്ലാ തിരഞ്ഞെടുപ്പിലും ഗാന്ധി നഗറില്‍ നിന്ന് അദ്വാനിയാണ് ജയിച്ചത്. ഇത്തവണയും അദ്ദേഹം ഇവിടെ മല്‍സരിക്കുമെന്നാണ് കരുതിയത്.
എന്നാല്‍ പാര്‍ട്ടി തീരുമാനം മാറ്റി. അമിത് ഷായെ മല്‍സരിപ്പിക്കാന്‍ തീരുമാനിച്ചു. ഇതില്‍ അദ്വാനിക്ക് അതൃപ്തിയുണ്ടായിരുന്നു. പാര്‍ട്ടി നേതൃത്വങ്ങള്‍ ചര്‍ച്ച ചെയ്ത് പ്രശ്‌നം പരിഹരിക്കുകയായിരുന്നു. അദ്വാനിയെ ഒതുക്കി എന്നാണ് മാധ്യമങ്ങള്‍ ഇക്കാര്യത്തില്‍ നേരത്തെ വാര്‍ത്ത നല്‍കിയത്. എന്നാല്‍ അമിത് ഷായെ സ്ഥാനാര്‍ഥിയാക്കിയത് ബിജെപിക്ക് നേട്ടമായി എന്നാണ് ഫലം കാണുമ്പോള്‍ വ്യക്തമാകുന്നത്. അദ്വാനിക്ക് പോലും കിട്ടാത്ത ഭൂരിപക്ഷമാണ് അമിത് ഷായ്ക്ക് ലഭിച്ചിരിക്കുന്നത്.
