Click it and Unblock the Notifications
Just In
Don't Miss
-
ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ് -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
ബിഗ് ബോസ് മെറ്റീരിയലാവാന് മുഴുവന് സമയവും വായിട്ടടിക്കണം എന്നില്ല! സായി മൈന്ഡ് ഗെയിമറെന്ന് പ്രേക്ഷകര് -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
കോൺഗ്രസ് നീക്കങ്ങൾക്ക് ചുക്കാൻ പിടിക്കുന്നത് കമൽനാഥ്, പ്രതിപക്ഷ കക്ഷികളെ ഒരുമിപ്പിക്കുക ലക്ഷ്യം
ദില്ലി: തിരഞ്ഞെടുപ്പ് ഫലമറിഞ്ഞ ശേഷം സര്‍ക്കാരുണ്ടാക്കാനുളള നീക്കങ്ങള്‍ക്ക് ചുക്കാന്‍ പിടിക്കാന്‍ മധ്യപ്രദേശ് മുഖ്യമന്ത്രി കമല്‍നാഥിനെ നിയോഗിച്ച് സോണിയാ ഗാന്ധി. പ്രതിപക്ഷത്തെ ബിജെപി വിരുദ്ധരായ പാര്‍ട്ടികളെ കോണ്‍ഗ്രസിനൊപ്പം നിര്‍ത്തി സര്‍ക്കാരിനുളള പിന്തുണ ഉറപ്പിക്കാനാണ് സോണിയ കമല്‍നാഥിനെ നിയോഗിച്ചിരിക്കുന്നത്.
പ്രദേശിക പാര്‍ട്ടികളിലേക്ക് എത്തുന്നതിനുളള പാലമായാണ് സോണിയ കമല്‍നാഥിനെ ഉത്തരവാദിത്തമേല്‍പ്പിച്ചിരിക്കുന്നത്. തിരഞ്ഞെടുപ്പിന് ശേഷം സര്‍ക്കാരുണ്ടാക്കാനുളള ഭൂരിപക്ഷം ഒരു കക്ഷിയും നേടാത്ത സാഹചര്യമുണ്ടായാലാണ് പ്രാദേശിക കക്ഷികളുടെ സഹായം തേടുക. മധ്യപ്രദേശില്‍ ബിജെപി സര്‍ക്കാരിനെ താഴെയിറക്കി കോണ്‍ഗ്രസ് അധികാരത്തില്‍ എത്തിയപ്പോള്‍ മുഖ്യമന്ത്രി പദവി ഏല്‍പ്പിച്ചത് വിശ്വസ്തനായ കമല്‍നാഥിനെയാണ്.
മധ്യപ്രദേശില്‍ കോണ്‍ഗ്രസ് വിജയത്തിന് ചുക്കാന്‍ പിടിച്ചതും ഈ മുതിര്‍ന്ന നേതാവ് ആയിരുന്നു. മധ്യപ്രദേശില്‍ ലോക്‌സഭാ തിരഞ്ഞെടുപ്പില്‍ കോണ്‍ഗ്രസ് പ്രചാരണത്തിന് നേതൃത്വം കൊടുത്തതും കമല്‍നാഥ് ആണ്. ആന്ധ്ര പ്രദേശിലെ വൈഎസ്ആര്‍ കോണ്‍ഗ്രസ്, തെലങ്കാനയിലെ ടിആര്‍എസ്, ഒഡിഷയിലെ ബിജെഡി, അടക്കമുളള പാര്‍ട്ടികളെയാണ് കമല്‍നാഥിന് കോണ്‍ഗ്രസിനൊപ്പം ചേര്‍ക്കേണ്ടത്. കോണ്‍ഗ്രസ് അധ്യക്ഷ സോണിയ ഗാന്ധി 23ന് പ്രതിപക്ഷ കക്ഷികളുടെ യോഗം വിളിച്ചിട്ടുണ്ട്.
ഫലമറിഞ്ഞ ശേഷം സര്‍ക്കാര്‍ രൂപീകരണം അടക്കമുളള കാര്യങ്ങള്‍ ചര്‍ച്ച ചെയ്യുന്നതിന് വേണ്ടിയാണിത്. ഈ യോഗത്തില്‍ പങ്കെടുക്കുന്നതിന് ഒഡിഷ മുഖ്യമന്ത്രി കൂടിയായ ബിജെഡി നേതാവ് നവീന്‍ പട്‌നായിക്കിനെ കമല്‍നാഥ് നേരിട്ട് ബന്ധപ്പെട്ടാണ് ക്ഷണിച്ചത്. യുപിഎ കക്ഷികളേയും ബിജെപി വിരുദ്ധരേയും ഫലമറിഞ്ഞ ശേഷം എന്‍ഡിഎയിലേക്ക് പോകുന്നതിന് ഇപ്പോഴേ തടയിടുക എന്നതാണ് കമല്‍ നാഥ് വഴി കോണ്‍ഗ്രസ് ലക്ഷ്യം വെയ്ക്കുന്നത് എന്നാണ് റിപ്പോര്‍ട്ടുകള്‍.
