Click it and Unblock the Notifications
Just In
Don't Miss
-
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പ്രിയങ്കയുടെ പടയോട്ടത്തില്‍ പ്രതീക്ഷയോടെ കോണ്‍ഗ്രസ്; വരവ് ബോട്ടില്‍, ലക്ഷ്യം മോദിയുടെ തട്ടകം
ദില്ലി: ബിജെപിക്ക് സ്വാധീനമുള്ള പ്രദേശങ്ങളില്‍ നിന്ന് പ്രചാരണത്തിന് തുടക്കം കുറിക്കാന്‍ പ്രിയങ്കാ ഗാന്ധിയുടെ തീരുമാനം. ഉത്തര്‍പ്രദേശിലെ പ്രയാഗ് രാജ് മുതല്‍ മോദിയുടെ മണ്ഡലമായ വാരണാസി വരെയാണ് പ്രചാരണം. ബോട്ടിലാണ് പ്രിയങ്ക പ്രചാരണം നടത്തുക എന്ന പ്രത്യേകതയുമുണ്ട്. തിരഞ്ഞെടുപ്പ് കമ്മീഷന്റെ അനുമതി കോണ്‍ഗ്രസ് തേടി.
ആദ്യം വെള്ളിയാഴ്ച പ്രചാരണം തുടങ്ങാനാണ് തീരുമാനിച്ചത്. എന്നാല്‍ പിന്നീട് തിങ്കളാഴ്ചത്തേക്ക് മാറ്റുകയായിരുന്നു. ഇതുമായി ബന്ധപ്പെട്ട വിവരങ്ങള്‍ യുപിയിലെ കോണ്‍ഗ്രസ് നേതൃത്വങ്ങള്‍ പരസ്യപ്പെടുത്തി. ബിജെപിയുടെ പ്രധാന മണ്ഡലങ്ങള്‍ ഉള്‍പ്പെടുന്ന കിഴക്കന്‍ യുപിയുടെ ചുമതലയാണ് പ്രിയങ്കയ്ക്ക് നല്‍കിയിട്ടുള്ളത്. കിഴക്കന്‍ യുപിയില്‍ ബിജെപി കോട്ടകള്‍ ഇളക്കാന്‍ സാധിച്ചാല്‍ കോണ്‍ഗ്രസിന് നേട്ടം കൊയ്യാനാകുമെന്നാണ് പ്രതീക്ഷ....
ബിജെപി ശക്തികേന്ദ്രം
ഉത്തര്‍ പ്രദേശിലെ മോദിയുടെ മണ്ഡലമായ വാരണാസി, ബിജെപിയുടെ ശക്തി കേന്ദ്രങ്ങളായിരുന്നു ഗൊരഖ്പൂര്‍ തുടങ്ങി പ്രധാന മണ്ഡലങ്ങള്‍ ഉള്‍പ്പെടുന്നത് കിഴക്കന്‍ യുപിയിലാണ്. ഈ പ്രദേശത്തെ 41 മണ്ഡലങ്ങളുടെ ചുമതലയാണ് പ്രിയങ്കയ്ക്ക് രാഹുല്‍ ഗാന്ധി നല്‍കിയിട്ടുള്ളത്.
ബിജെപിയുടെ മുന്നേറ്റം തടയാന്‍
കിഴക്കന്‍ യുപിയില്‍ ബിജെപിയുടെ മുന്നേറ്റം തടയാന്‍ കോണ്‍ഗ്രസിനും പ്രിയങ്കാ ഗാന്ധിക്കും സാധിച്ചാല്‍ ഫലം മാറും. പ്രയാഗ് രാജില്‍ നിന്ന് വാരണാസി വരെയാണ് പ്രിയങ്ക പ്രചാരണം നടത്തുക. തിങ്കള്‍ മുതല്‍ ബുധന്‍ വരെ പ്രിയങ്കയുടെ ആദ്യ പ്രചാരണം തുടരും.
നദീമാര്‍ഗമാണ് പ്രിയങ്കയുടെ വരവ്
നദീമാര്‍ഗമാണ് പ്രിയങ്കയുടെ പ്രചാരണം. മേഖലയില്‍ ജനങ്ങളുമായി സംവദിക്കാന്‍ എളുപ്പം നദീജല പാതയാണ്. നേരത്തെ വെള്ളിയാഴ്ച പ്രചാരണം തുടങ്ങുമെന്നാണ് കോണ്‍ഗ്രസ് അറിയിച്ചത്. എന്നാല്‍ പിന്നീട് തിങ്കളാഴ്ചത്തേക്ക് മാറ്റുകയായിരുന്നു.
നൂറ് കിലോമീറ്റര്‍ ബോട്ടില്‍
തിരഞ്ഞെടുപ്പ് പ്രചാരണത്തിന് അനുമതി തേടി തിരഞ്ഞെടുപ്പ് കമ്മീഷനെ കോണ്‍ഗ്രസ് സമീപിച്ചു. മോട്ടോര്‍ബോട്ട് പ്രചാരണത്തിന് ഉപയോഗിക്കുമെന്ന് കമ്മീഷന് നല്‍കിയ കുറിപ്പില്‍ കോണ്‍ഗ്രസ് പറയുന്നു. നൂറ് കിലോമീറ്റര്‍ ദൂരത്തിലാണ് ബോട്ടില്‍ പ്രചാരണം നടത്തുകയെന്ന് കോണ്‍ഗ്രസ് അറിയിച്ചു.
നെഹ്രുവിന്റെ ജന്മനാട്
മേഖലയില്‍ റോഡിലൂടെയുള്ള പ്രചാരണത്തേക്കാള്‍ ഗുണം ചെയ്യുക നദീജല പാതയാണെന്ന് കോണ്‍ഗ്രസ് പറയുന്നു. ഞായറാഴ്ച പ്രിയങ്ക കിഴക്കന്‍ യുപിയില്‍ എത്തും. പ്രയാഗ് രാജില്‍ നിന്ന് പ്രചാരണം തുടങ്ങും. നെഹ്രുവിന്റെ ജന്മനാടാണ് പ്രയാഗ് രാജ്.
