Click it and Unblock the Notifications
Just In
Don't Miss
-
'കാലിലെ നഖം വരെ വെട്ടികൊടുത്തിരുന്നത് ആശയാണ്, ആ വിടവ് വിഷമിപ്പിക്കും'; മനോജിന്റെ ഭാര്യയെ കുറിച്ച് സോഷ്യൽമീഡിയ -
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ബോധമുള്ള പാര്‍ട്ടി കോണ്‍ഗ്രസ്; ലാലു പറഞ്ഞു കോണ്‍ഗ്രസില്‍ ചേരാന്‍- മനസ് തുറന്ന് സിന്‍ഹ
ദില്ലി: ബിജെപിക്കൊപ്പമായിരുന്ന നടന്‍ ശത്രുഘ്‌നന്‍ സിന്‍ഹ കോണ്‍ഗ്രസില്‍ ചേരാന്‍ തീരുമാനിച്ചതിന് പിന്നിലെ കാരണം വെളിപ്പെടുത്തിയിരിക്കുകയാണിപ്പോള്‍. യാഥാര്‍ഥ്യബോധമുള്ള ദേശീയ പാര്‍ട്ടി കോണ്‍ഗ്രസ് ആണെന്ന് സിന്‍ഹ പറഞ്ഞു. കുടുംബ സുഹൃത്തും ആര്‍ജെഡി നേതാവുമായ ലാലു പ്രസാദ് യാദവ് തന്നെ കോണ്‍ഗ്രസില്‍ ചേരാന്‍ ഉപദേശിച്ചെന്നും സിന്‍ഹ പറഞ്ഞു.
തൃണമൂല്‍ അധ്യക്ഷ മമതാ ബാനര്‍ജി, സമാജ് വാദി പാര്‍ട്ടി അധ്യക്ഷന്‍ അഖിലേഷ് യാദവ്, എഎപി നേതാവ് കെജ്രിവാള്‍ എന്നിവരെല്ലാം അവരുടെ പാര്‍ട്ടിയിലേക്ക് തന്നെ ക്ഷണിച്ചിരുന്നു. എന്നാല്‍ ദേശീയ സാഹചര്യവും താന്‍ പ്രതിനിധാനം ചെയ്യുന്ന പട്‌ന സാഹിബ് മണ്ഡലത്തിലെ സാഹചര്യവും വിലയിരുത്തിയാണ് കോണ്‍ഗ്രസില്‍ ചേരാന്‍ തീരുമാനിച്ചതെന്നും ശത്രുഘ്‌നന്‍ സിന്‍ഹ പറഞ്ഞു.
ബിജെപിയുമായി ഏറെ കാലമായി സഹകരിച്ചു പ്രവര്‍ത്തിക്കുകയായിരുന്നു. പാര്‍ട്ടി വിട്ടതില്‍ ദുഖമുണ്ട്. എല്‍കെ അദ്വാനി, എംഎം ജോഷി, അരുണ്‍ ഷൂരി, യശ്വന്ത് സിന്‍ഹ എന്നിവരെ പോലെ തന്നെയും ബിജെപി അവഗണിച്ചു. അതാണ് തന്നെ വേദനിപ്പിച്ചതെന്നും ശത്രുഘ്‌നന്‍ സിന്‍ഹ പറഞ്ഞു.
വാര്‍ത്താ ഏജന്‍സിയായ പിടിഐക്ക് അനുവദിച്ച അഭിമുഖത്തിലാണ് ശത്രുഘ്‌നന്‍ സിന്‍ഹ മനസ് തുറന്നത്. 2014ല്‍ പട്‌ന സാഹിബ് മണ്ഡലത്തില്‍ ജയിച്ചത് തന്റെ മികവ് കൊണ്ടാണ്. ബിജെപിയുടെ പിന്തുണ ലഭിച്ചതുമാത്രമല്ല കാരണം. ഇത്തവണ തന്നെ ബിജെപി അവഗണിച്ചുവെന്നും സിന്‍ഹ പറഞ്ഞു.
ബിജെപിയിലെ ഉള്‍പ്പാര്‍ട്ടി ജനാധിപത്യ വിഷയത്തില്‍ നേരത്തെ മോദിക്കെതിരെയും അമിത് ഷാക്കെതിരെയും സിന്‍ഹ സംസാരിച്ചിരുന്നു. ബിജെപിയിലെ ഏകാധിപത്യത്തെ കുറിച്ചും തുറന്നടിച്ചു സംസാരിച്ചു. ഇതാണ് അദ്ദേഹം അനഭിമതനാകാന്‍ കാരമം. രാജ്യത്തിന് ഒട്ടേറെ നേതാക്കളെ സംഭാവന ചെയ്ത പാര്‍ട്ടിയാണ് കോണ്‍ഗ്രസ്. അവര്‍ക്ക് യാഥാര്‍ഥ ബോധമുണ്ടെന്നും സിന്‍ഹ പറഞ്ഞു.
