Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
രാഹുൽ ഗാന്ധിയെ അകമഴിഞ്ഞ് പുകഴ്ത്തി സോണിയാ ഗാന്ധി, കോൺഗ്രസിന് വേണ്ടി രാപ്പകലില്ലാതെ അധ്വാനിച്ചു!
ദില്ലി: കോണ്‍ഗ്രസ് പാര്‍ലമെന്ററി പാര്‍ട്ടി യോഗത്തില്‍ മകനും പാര്‍ട്ടി അധ്യക്ഷനുമായ രാഹുല്‍ ഗാന്ധിയെ പുകഴ്ത്തി സോണിയാ ഗാന്ധി. ലോക്‌സഭാ തിരഞ്ഞെടുപ്പില്‍ വിശ്രമം ഇല്ലാതെ തിരഞ്ഞെടുപ്പ് പ്രചാരണത്തിനായി രാഹുല്‍ ഗാന്ധി ഓടി നടന്നുവെന്നും മോദിക്കെതിരെ ഭയമില്ലാതെ പാര്‍ട്ടിയെ നയിച്ചുവെന്നും സോണിയാ ഗാന്ധി പുകഴ്ത്തി. കോണ്‍ഗ്രസ് പാര്‍ലമെന്ററി പാര്‍ട്ടി നേതാവായി തിരഞ്ഞെടുക്കപ്പെട്ട ശേഷം സംസാരിക്കുകയായിരുന്നു സോണിയാ ഗാന്ധി.
കോണ്‍ഗ്രസ് പ്രസിഡണ്ട് എന്ന നിലയ്ക്ക് രാപ്പകലില്ലാതെ രാഹുല്‍ ഗാന്ധി പാര്‍ട്ടിക്ക് വേണ്ടി പ്രവര്‍ത്തിച്ചു. പല സംസ്ഥാനങ്ങളിലും കോണ്‍ഗ്രസിനെ രാഹുല്‍ ഗാന്ധി ഉയര്‍ത്തെഴുന്നേല്‍പ്പിച്ചു.. രാജസ്ഥാനും മധ്യപ്രദേശും ഛത്തീസ്ഗഡും അടക്കമുളള സംസ്ഥാനങ്ങളില്‍ കോണ്‍ഗ്രസിനെ വിജയത്തിലേക്ക് എത്തിച്ചുവെന്നും സോണിയാ ഗാന്ധി പറഞ്ഞു.
കോണ്‍ഗ്രസ് പ്രസിഡണ്ട് എന്ന നിലയ്ക്ക് രാജ്യത്തുളള കോടിക്കണക്കിന് വോട്ടര്‍മാരുടേയും പാര്‍ട്ടി പ്രവര്‍ത്തകരുടേയും സ്‌നേഹവും ആദരവും പിടിച്ച് പറ്റാന്‍ രാഹുല്‍ ഗാന്ധിക്ക് സാധിച്ചു. കര്‍ഷകര്‍ അടക്കമുളള രാജ്യത്തെ സാധാരണക്കാര്‍ നേരിടുന്ന പ്രശ്‌നങ്ങള്‍ ഉയര്‍ത്തിക്കാണിക്കാന്‍ രാഹുലിന്റെ നേതൃത്വത്തിലൂടെ കോണ്‍ഗ്രസിന് സാധിച്ചുവെന്നും സോണിയാ ഗാന്ധി കൂട്ടിച്ചേര്‍ത്തു.
രാഹുല്‍ ഗാന്ധിയുടെ രാജിക്കാര്യത്തില്‍ വിവിധ സ്ഥലങ്ങളില്‍ നിന്ന് തനിക്ക് വികാരഭരിതമായ സന്ദേശങ്ങള്‍ ലഭിച്ച് കൊണ്ടിരിക്കുകയാണ്. അദ്ദേഹത്തിന്റെ നേതൃത്വത്തിനും കഠിനാധ്വാനത്തിനും ആത്മാര്‍ത്ഥതയ്ക്കും നന്ദി പറയുന്നു. രാഹുല്‍ ഗാന്ധിയുടെ നേതൃത്വത്തില്‍ സര്‍ക്കാരിനെ തുറന്ന് കാണിക്കാനായി. അതിനായി പണിയെടുത്ത എല്ലാവരേയും അഭിനന്ദിക്കുന്നുവെന്നും സോണിയാ ഗാന്ധി പറഞ്ഞു.
