മാതൃകാ പെരുമാറ്റച്ചട്ടം ലംഘിച്ചു, ആള്ക്കൂട്ടമുണ്ടാക്കി; അല്ലു അര്ജുനെതിരെ കേസ്
ഹൈദരാബാദ്: നടന് അല്ലു അര്ജുനെതിരെ മാതൃകാ പെരുമാറ്റച്ചട്ടം ലംഘിച്ചതിന് കേസ്. ആന്ധ്രാപ്രദേശിലെ നന്ദ്യാലയില് മാതൃകാ പെരുമാറ്റച്ചട്ടം ലംഘിച്ചുവെന്നാരോപിച്ചാണ് അല്ലു അര്ജുനും വൈ എസ് ആര് സി പി എം എല് എ രവി ചന്ദ്ര കിഷോര് റെഡ്ഡിക്കുമെതിരെ കേസെടുത്തത്. ആന്ധ്രാപ്രദേശ് തിരഞ്ഞെടുപ്പിന് മുന്നോടിയായി എം എല് എയുടെ വസതിയില് വന് പൊതുയോഗം സംഘടിപ്പിച്ചത് മാതൃകാ പെരുമാറ്റച്ചട്ടത്തിന്റെ ലംഘനമാണ് എന്നാണ് ഇവര്ക്കെതിരെയുള്ള ആരോപണം.
ആന്ധ്രാപ്രദേശില് വരാനിരിക്കുന്ന ലോക്സഭാ, നിയമസഭാ തിരഞ്ഞെടുപ്പുകള് കണക്കിലെടുത്ത് മാതൃകാ പെരുമാറ്റനടപ്പാക്കിയിരിക്കുകയാണ്. ശനിയാഴ്ചത്തെ യോഗത്തിന് മുന്കൂര് അനുമതിയില്ലാതെ രവി ചന്ദ്ര കിഷോര് റെഡ്ഡി അല്ലു അര്ജുനെ ക്ഷണിച്ചുവെന്നാരോപിച്ചാണ് നടപടി. തിങ്കളാഴ്ച വോട്ടെടുപ്പിന് ഒരുങ്ങുകയാണ് ആന്ധ്രാപ്രദേശ്. സംസ്ഥാനത്ത് നിലവിലുള്ള 144-ാം വകുപ്പ് ലംഘിച്ചതിനാണ് എഫ് ഐ ആര് രജിസ്റ്റര് ചെയ്തത്.
Image Credit: Facebook@Allu Arjun
നന്ദ്യാല മണ്ഡലത്തിലെ തിരഞ്ഞെടുപ്പ് മേല്നോട്ടം വഹിക്കാന് നിയോഗിക്കപ്പെട്ട നന്ദ്യാല റൂറലില് നിന്നുള്ള ഡെപ്യൂട്ടി തഹസില്ദാര് പി രാമചന്ദ്ര റാവുവിന്റെ പരാതിയിലാണ് നടപടി. അതേസമയം ഏതെങ്കിലും രാഷ്ട്രീയ പാര്ട്ടിയെ പിന്തുണക്കാനല്ല താന് എത്തിയത് എന്നും സുഹൃത്തിന് വേണ്ടി വന്നതാണെന്നും അല്ലു അര്ജുന് പറഞ്ഞു. 'ഞാന് തനിച്ചാണ് ഇവിടെ വന്നത്.
എന്റെ സുഹൃത്തുക്കള്ക്കിടയില്, അവര് ഏത് മേഖലയിലാണെങ്കിലും, അവര്ക്ക് എന്റെ സഹായം ആവശ്യമെങ്കില് ഞാന് അവരെ സഹായിക്കുകയും ചെയ്യും,' താരം കൂട്ടിച്ചേര്ത്തു. താന് ഏതെങ്കിലും രാഷ്ട്രീയ പാര്ട്ടിയെ പിന്തുണയ്ക്കുന്നു എന്നല്ല ഇതിനര്ത്ഥം എന്നും അല്ലു അര്ജുന് പറഞ്ഞു. വൈഎസ്ആര്സിപി എംഎല്എയുടെ വീടിനു പുറത്ത് ബാല്ക്കണിയില് നിന്ന് അല്ലു അര്ജുന് വീടിന് പുറത്തെ ജനങ്ങളെ അഭിവാദ്യം ചെയ്തിരുന്നു.
ഇതിന്റെ വീഡിയോ സോഷ്യല് മീഡിയയില് വൈറലായിരുന്നു. 2019 ലെ തിരഞ്ഞെടുപ്പില് തന്റെ അടുത്ത സുഹൃത്തായ രവിചന്ദ്ര കിഷോര് റെഡ്ഡിയെ ആശംസിക്കാന് എത്താന് സാധിച്ചില്ല എന്നും അതിനാലാണ് ഇത്തവണ വന്നതെന്നും അദ്ദേഹം കൂട്ടിച്ചേര്ത്തു. നേരത്തെ അല്ലു അര്ജുന് ജന സേനയ്ക്കും അതിന്റെ സഖ്യകക്ഷികളായ ടിഡിക്കും ബി ജെ പിക്കും വേണ്ടി പ്രചാരണം നടത്തുന്ന പവന് കല്യാണിനും ആശംസകള് നേര്ന്നിരുന്നു.
'പൊതുസേവനത്തോടുള്ള നിങ്ങളുടെ പ്രതിബദ്ധതയില് ഞാന് എന്നും അഭിമാനിക്കുന്നു. ഒരു കുടുംബാംഗം എന്ന നിലയില് നിങ്ങളുടെ എല്ലാ ആഗ്രഹങ്ങളും സാക്ഷാത്കരിക്കുന്നതിന് നിങ്ങള്ക്കൊപ്പം എന്റെ സ്നേഹവും പിന്തുണയും എപ്പോഴും ഉണ്ടായിരിക്കും,' എന്നായിരുന്നു പവന് കല്യാണിനെ ആശംസിച്ച് കൊണ്ട് അല്ലു പറഞ്ഞത്.
തിങ്കളാഴ്ച ലോക്സഭാ തിരഞ്ഞെടുപ്പിന്റെ നാലാം ഘട്ടത്തില് ആന്ധ്രാപ്രദേശിലെ 25 ലോക്സഭാ മണ്ഡലങ്ങളിലേക്കും വോട്ടെടുപ്പ് നടക്കും. 175 മണ്ഡലങ്ങളിലേക്കുള്ള നിയമസഭാ തിരഞ്ഞെടുപ്പും അതേ ദിവസം തന്നെ നടക്കും. ഭരണകക്ഷിയായ വൈഎസ്ആര് കോണ്ഗ്രസ് പാര്ട്ടിയും എന്ഡിഎയും ഇന്ത്യ ബ്ലോക്കും തമ്മിലുള്ള ത്രികോണ മത്സരത്തിനാണ് സംസ്ഥാനം സാക്ഷ്യം വഹിക്കുന്നത്.
-
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
"യുദ്ധം പെട്ടെന്ന് അവസാനിക്കുമെന്ന് തോന്നുന്നില്ല, പെട്രോളും ഗ്യാസും ഡീസലും പഴയത് പോലെ കൊടുക്കില്ല" -
ബെംഗളൂരുവിലെ ഹെബ്ബാൾ മുതൽ സിൽക്ക് ബോർഡ് വരെ തുരങ്കപാത; 16.74 കി.മീ ദൈർഘ്യം, ചിലവ് 17,698 കോടി, വൈകുമോ? -
ബിജെപിയുടെ മൂന്നാംഘട്ട സ്ഥാനാർത്ഥി പട്ടിക പ്രഖ്യാപിച്ചു; കൃഷ്ണകുമാറിനെ ഒഴിവാക്കി, വിവേക് ഗോപൻ അരുവിക്കരയിൽ -
'ഞാൻ എഴുതിയ മോഹൻലാലിന്റെ പേരിലെ പുസ്തക പ്രകാശത്തിന് ക്ഷണിച്ചില്ല, പരിപാടി അലങ്കോലമായി'; ശാന്തിവിള ദിനേശ്
Click it and Unblock the Notifications
Sign in with Google