ലോക്സഭാ തിരഞ്ഞെടുപ്പ് 2024: 'തിരഞ്ഞെടുപ്പെത്തി... നിങ്ങള് പണി തുടങ്ങിക്കോളൂ'; ബിജെപി ഐടി സെല്ലുകാരോട് യോഗി
ലഖ്നൗ: വരാനിരിക്കുന്ന ലോക്സഭാ തിരഞ്ഞെടുപ്പിന് ബി ജെ പി ഐ ടി സെല്ലിനോട് തയ്യാറാകാന് ഉത്തര് പ്രദേശ് മുഖ്യമന്ത്രി യോഗി ആദിത്യനാഥ്. സോഷ്യല് മീഡിയയിലെ പ്രതിപക്ഷത്തിന്റെ നിഷേധാത്മകമായ വിവരങ്ങള്ക്ക് തക്കസമയത്ത് മറുപടി നല്കണമെന്ന് യോഗി ആദിത്യനാഥ് പറഞ്ഞു. ലോക്സഭാ തിരഞ്ഞെടുപ്പിന് മാസങ്ങള് മാത്രം അവശേഷിക്കെയാണ് യോഗി ആദിത്യനാഥിന്റെ ആഹ്വാനം.
ഇന്ദിരാഗാന്ധി പ്രതിഷ്ഠാനില് യു പി ബി ജെ പിയുടെ ഐ ടി ആന്ഡ് സോഷ്യല് മീഡിയ വിഭാഗം സംഘടിപ്പിച്ച 'ശംഖനാദ് അഭിയാന്' ശില്പശാലയെ അഭിസംബോധന ചെയ്തുകൊണ്ട് സംസാരിക്കുകയായിരുന്നു യോഗി ആദിത്യനാഥ്. കേന്ദ്രത്തിന്റെയും സംസ്ഥാന സര്ക്കാരിന്റെയും നേട്ടങ്ങളെക്കുറിച്ചുള്ള വിവരങ്ങള് പ്രചരിപ്പിക്കാന് പാര്ട്ടിയുടെ സോഷ്യല് മീഡിയ ടീം ശ്രദ്ധിക്കണം എന്ന് അദ്ദേഹം പറഞ്ഞു.
വരാനിരിക്കുന്ന ലോക്സഭാ തിരഞ്ഞെടുപ്പിന് സജ്ജരായിരിക്കണം എന്ന് പറഞ്ഞ യോഗി ആദിത്യനാഥ് ഓണ്ലൈന് മീഡിയ എങ്ങനെ ഉപയോഗിക്കാമെന്നതിനെക്കുറിച്ചുള്ള നുറുങ്ങുകള് പങ്കുവെക്കുകയും ചെയ്തു. പ്രതിപക്ഷ പാര്ട്ടികളുടെ ഏത് നുണക്കും സര്ക്കാര് നടത്തുന്ന പദ്ധതികളുടെ ഗുണഭോക്താക്കളിലൂടെ ഉത്തരം നല്കണം. ഇത് എതിരാളികളുടെ കള്ളത്തരങ്ങള് തുറന്നുകാട്ടുക മാത്രമല്ല, അവര്ക്ക് തക്കതായ മറുപടി നല്കുകയും ചെയ്യും.
സോഷ്യല് മീഡിയയിലെ മോശം പ്രചരണങ്ങള്ക്ക് സമയബന്ധിതമായി മറുപടി നല്കേണ്ടത് അത്യാവശ്യമാണ് എന്നും ശരിയായതും യുക്തിസഹവുമായ ഉത്തരങ്ങള് നല്കണം എന്നും അദ്ദേഹം ആവശ്യപ്പെട്ടു. ഉപയോഗിക്കുന്ന ഭാഷ പ്രത്യേകം ശ്രദ്ധിക്കണം. കേന്ദ്ര സംസ്ഥാന സര്ക്കാരുകളുടെ വിവിധ പദ്ധതികള്ക്ക് പരാമവധി പ്രചരണം കൊടുക്കാന് ഐ ടി സെല്ലിന് സാധിക്കണം എന്നും അദ്ദേഹം പറഞ്ഞു.
'ഇന്ന് മിക്കവാറും എല്ലാ ആളുകളും സ്മാര്ട്ട്ഫോണ് ഉപയോഗിക്കുന്നവരാണ്. രാജ്യത്തും സംസ്ഥാനത്തും സംഭവിക്കുന്ന നല്ല പരിവര്ത്തനത്തിന്റെ യഥാര്ത്ഥ ചിത്രം അവരിലേക്ക് എത്തിച്ചേരണം. ഇതിനായി സോഷ്യല് മീഡിയയേക്കാള് ശക്തമായ ഒരു പ്ലാറ്റ്ഫോം ഉണ്ടാകില്ല,' യോഗി ആദിത്യനാഥ് ചൂണ്ടിക്കാട്ടി.
80 ലോക്സഭാ സീറ്റുകളാണ് ഉത്തര്പ്രദേശിലുള്ളത്. ഇതില് 62 എണ്ണത്തിലും ബി ജെ പിയാണ് കഴിഞ്ഞ തവണ വിജയിച്ചത്. 2022 ലെ നിയമസഭാ തിരഞ്ഞെടുപ്പില് മികച്ച വിജയം നേടിയാണ് ബി ജെ പി വിജയം സ്വന്തമാക്കിയത്. ഇതിന്റെ പ്രതിഫലനം ലോക്സഭാ തിരഞ്ഞെടുപ്പിലുമുണ്ടാകും എന്ന പ്രതീക്ഷയിലാണ് ബി ജെ പി. സര്വേകളിലെല്ലാം ബി ജെ പിക്ക് സംസ്ഥാനത്ത് മികച്ച വിജയമാണ് പ്രവചിച്ചിരിക്കുന്നത്.
-
കോട്ടയത്ത് ഒമ്പതിടത്തും പാകത്തിന് പോരാട്ട വേവ് -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
‘കേരള ഇലക്ഷൻ ലീഗി’ൽ എൻഡിഎയുടെ ട്വന്റി 20 മാച്ച് -
'ഗോൾവാൾക്കറുടെ ഫോട്ടോയ്ക്കു മുന്നിൽ താണുവണങ്ങിയത് ഏത് ഡീൽ ആയിരുന്നു?' വിഡി സതീശനോട് മുഖ്യമന്ത്രി -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ
Click it and Unblock the Notifications
Sign in with Google