സണ്ണി ഡിയോളിനെ സണ്ണി ലിയോണാക്കി അർണാബ് ഗോസ്വാമി! ട്രോളന്മാർക്ക് ആഘോഷം! മരണമാസ് ട്രോളുമായി നടി
ലോക്സഭ തിരഞ്ഞെടുപ്പ് 2019ന്റെ വോട്ടെണ്ണല് പുരോഗമിച്ചുകൊണ്ടിരിക്കുകയാണ്. എന്ഡിഎ തന്നെ വീണ്ടും അധികാരത്തില് വരുമെന്ന റിപ്പോര്ട്ടുകളാണ് വന്നുകൊണ്ടിരിക്കുന്നത്. ഇത്തവണയും ഉത്തരേന്ത്യയില് നിന്നുമാണ് ബിജെപിക്ക് വലിയ പിന്തുണ ലഭിച്ചുകൊണ്ടിരിക്കുന്നത്. ഉത്തരേന്ത്യന് സംസ്ഥാനങ്ങളിലെല്ലാം എന്ഡിഎ വന് മുന്നേറ്റമാണ് നടത്തിക്കൊണ്ടിരിക്കുന്നത്.
വയനാട്ടിൽ വൻ മുന്നേറ്റവുമായി കോൺഗ്രസ്!! രണ്ട് ലക്ഷം താണ്ടി രാഹുൽ... കേരളത്തിൽ യുഡിഎഫ് തരംഗം
ബിജെപിക്കായി ഇത്തവണ നിരവധി താരങ്ങള് മല്സരരംഗത്തിറങ്ങിയിരുന്നു. ഇതില് ബോളിവുഡ് താരം സണ്ണി ഡിയോളിന്റെ സ്ഥാനാത്തിത്വവും വാര്ത്തകളില് ഇടംനേടുകയുണ്ടായി. സണ്ണി ഡിയോള് മല്സരിക്കുന്ന മണ്ഡലത്തിലെ ഫലപ്രഖ്യാപനത്തിനായി ആകാംക്ഷകളോടെയാണ് എല്ലാവരും കാത്തിരിക്കുന്നത്. ഇതിനിടെ സണ്ണി ഡിയോളിനു പകരം സണ്ണി ലിയോണെന്ന് പറഞ്ഞ അര്ണാബ് ഗോസാമിയുടെ വീഡിയോ വൈറലായി മാറിയിരുന്നു. ഗോസാമിയുടെ വീഡിയോ ട്രോളന്മാര് ആഘോഷമാക്കി മാറ്റിയിരിക്കുകയാണ്.
സണ്ണി ഡിയോളിനു പകരം സണ്ണി ലിയോണ്
സണ്ണി ഡിയോളിന് പകരം പേരുമാറി അബദ്ധത്തില് സണ്ണി ലിയോണെന്ന് പറയുകയായിരുന്നു റിപബ്ലിക്ക് ടിവി സ്ഥാപകനും അവതാരകനുമായ അര്ണബ് ഗോസാമി. ലോക്സഭ തിരഞ്ഞെടുപ്പ് 2019ന്റെ ലൈവ് ടെലികാസ്റ്റിംഗ് നടന്നുകൊണ്ടിരിക്കെയാണ് സംഭവം. ഇത്തവണ പഞ്ചാബിലെ ഗുരുദ്വാസ് പൂരില് നിന്നും മല്സരിച്ച സണ്ണി ഡിയോളിന്റെ മുന്നേറ്റത്തെക്കുറിച്ച് പറയുമ്പോഴായിരുന്നു അര്ണബ് ഗോസ്വാമിക്ക് പേര് മാറിപോയത്.
സണ്ണിയുടെ ട്വീറ്റ്
തുടര്ന്ന് അര്ണബ് ഗോസാമിയുടെ വീഡിയോ കണ്ട് സാക്ഷാല് സണ്ണി ലിയോണ് ട്വിറ്ററില് രസകരമായ ഒരു ട്വീറ്റുമായി എത്തിയിരുന്നു. എത്ര വോട്ടുകള്ക്കാണ് മുന്നിലെന്നായിരുന്നു സണ്ണി തമാശരൂപേണ ട്വീറ്റ് ചെയ്തത്. നടിയുടെ ട്വീറ്റ് സോഷ്യല് മീഡിയയില് ഒന്നടങ്കം വൈറലാകുകയും ചെയ്തിരുന്നു. സണ്ണിക്ക് പിന്നാലെ ട്രോളന്മാരും അര്ണബിനെ കളിയാക്കി പോസ്റ്റ് ചെയ്തു. അര്ണബിന്റെ ട്വീറ്റ് സമൂഹ മാധ്യമങ്ങളില് ഒന്നടങ്കം ആഘോഷമാക്കി മാറ്റിയിരിക്കുകയാണ് ട്രോളന്മാര്.
സണ്ണി ഡിയോളിന്റെ മുന്നേറ്റം
അതേസമയം ലോക്സഭ തിരഞ്ഞെടുപ്പില് ഗുരുദ്വാസ് പൂരില് വന് മുന്നേറ്റമാണ് സണ്ണി ഡിയോള് നടത്തുന്നത്. എതിര് സ്ഥാനാര്ത്ഥി കോണ്ഗ്രസിന്റെ സുനില് കുമാര് ജാഖറിനെക്കാള് ഏറെ മുന്നിലാണ് ബോളിവുഡ് താരമുളളത്. കഴിഞ്ഞ എപ്രില് 23നായിരുന്നു സണ്ണി ഡിയോള് ഭാരതീയ ജനതാ പാര്ട്ടിയില് അംഗത്വമെടുത്തിരുന്നത്. തുടര്ന്ന് ഗുരുദ്വാസ് പൂര് ലോക്സഭ മണ്ഡലത്തില് നിന്നും മല്സരിക്കാനുളള അവസരം ബിജെപി നല്കുകയായിരുന്നു.
@greatbong Arnab says Sunny Leone in stead of Sunny Deol #ElectionResults2019 #LokSabhaElections2019 pic.twitter.com/0od0sfXBiY
— Swadhin | স্বাধীন (@swadhin_pradhan) May 23, 2019
Leading by How many votes ???? ;) 😜
— Sunny Leone (@SunnyLeone) May 23, 2019