Click it and Unblock the Notifications
Just In
Don't Miss
-
വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം -
ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ബിജെപിയുടെ പഴയ കരുത്തന്‍: 5 തവണ എംഎല്‍എ, ആരാണ് മോദിക്കെതിരെ മത്സരിക്കുന്ന കോണ്‍ഗ്രസിന്‍റെ അജയ് റായ്
Recommended Video
ദില്ലി: വാരണാസിയില്‍ പ്രധാനമന്ത്രി നരേന്ദ്ര മോദിക്കെതിരെ എഐസിസി ജനറല്‍ സെക്രട്ടറി പ്രിയങ്ക ഗാന്ധി മത്സരിച്ചേക്കുമെന്ന അഭ്യൂഹങ്ങള്‍ക്ക് വിരമാമിട്ടാണ് അജയ് റായിയെ കോണ്‍ഗ്രസ് മണ്ഡലത്തില്‍ സ്ഥാനാര്‍ത്ഥിയായി പ്രഖ്യാപിച്ചത്. മോദിക്കെതിരെ മത്സരിക്കാന്‍ പ്രിയങ്കഗാന്ധി നേരത്തെ താല്‍പര്യം പ്രകടിപ്പിച്ചിരുന്നെങ്കിലും പാര്‍ട്ടി തീരുമാനം അനുകൂലമായില്ല.
പ്രിയങ്ക വന്നാല്‍ പ്രതിപക്ഷ പാര്‍ട്ടികളുടെ പിന്തുണ ലഭിക്കുമെന്നായിരുന്നു ഏവരുടേയും ധാരണ. എന്നാല്‍ കോണ്‍ഗ്രസ് തീരുമാനം നീണ്ടുപോയതോടോ വാരാണാസിയിലെ തങ്ങളുടെ സ്ഥാനാര്‍ത്ഥിയെ എസ്പി കഴിഞ്ഞ ദിവസം പ്രഖ്യാപിച്ചു. ഇതോടെയാണ് പ്രിയങ്കയ രംഗത്തിറക്കേണ്ടതില്ലെന്ന് കോണ്‍ഗ്രസ് തീരുമാനിച്ചത്. പ്രിയങ്ക ഗാന്ധി വന്നില്ലെങ്കിലും മോദി വെല്ലുവിളിയുയര്‍ത്താന്‍ കഴിയുന്ന നേതാവാണ് അജയ് റായി എന്നാണ് കോണ്‍ഗ്രസിന്‍റ കണക്ക് കൂട്ടല്‍.. വിശദാംശങ്ങള്‍ ഇങ്ങനെ..
2014 ലും
2014 ലും വരാണാസിയില്‍ നരേന്ദ്ര മോദിക്കെതിരെ അജയ് റായിയെ ആയിരുന്നു കോണ്‍ഗ്രസ് സ്ഥാനാര്‍ത്ഥിയാക്കിയിരുന്നു. എഎപി നേതാവ് അരവിന്ദ് കെജ്രിവാള്‍ കൂടി സ്ഥാനാര്‍ത്ഥിയായി എത്തിയതോടെ കഴിഞ്ഞതവണ മൂന്നാം സ്ഥാനം നേടന്‍ മാത്രമായിരുന്നു അജയ് റായിക്ക് കഴിഞ്ഞിരുന്നത്.
75614 വോട്ടുകള്‍
581022 വോട്ടുകള്‍ നരേന്ദ്ര മോദി നേടിയപ്പോള്‍ അജയ് റായിക്ക് നേടാന്‍ കഴിഞ്ഞത് 75614 വോട്ടുകള്‍ മാത്രമായിരുന്നു. 209238 വോട്ടുകള്‍ കരസ്ഥമാക്കിയ അരവിന്ദ് കെജ്രിവാളായിരുന്നു രണ്ടാം സ്ഥാനത്ത്. പാര്‍ട്ടി വോട്ടുകളില്‍ വലിയൊരു ശതമാനം കെജ്രിവാളിന് പോയതാണ് അജയ് റായിക്ക് വോട്ട് കുറയാന്‍ ഇടയാക്കിയതെന്നാണ് കോണ്‍ഗ്രസ് വിലയിരുത്തല്‍.
എബിവിപിയിലൂടെ
2009 ല്‍ ബിജെപി വിട്ട് കോണ്‍ഗ്രസില്‍ ചേര്‍ന്ന അജയ് റായി മണ്ഡലത്തില്‍ ശക്തമായ സ്വാധിനമുള്ള വ്യക്തികളില്‍ ഒരാളാണ്. എബിവിപിയിലൂടെ അജയ് റായി രാഷ്ട്രീയത്തിലേക്ക് കടന്നു വരുന്നത്. സംഘടനയുടെ സംസ്ഥാന ഭാരവാഹിത്വവും അദ്ദേഹം വഹിച്ചിട്ടുണ്ട്.
1996 മുതല്‍ 2007 വരെ
1996 മുതല്‍ 2007 വരേയുള്ള കാലഘട്ടത്തില്‍ മൂന്ന് തവണ കൊലാസല നിയോജമണ്ഡലത്തില്‍ നിന്ന് ബിജെപി ടിക്കറ്റില്‍ വിജയിച്ച അജയ് റായി വരാണാസിയില്‍ പാര്‍ട്ടിയുടെ അടിത്തറ വിപുലപ്പെടത്തുന്നതില്‍ ശ്രദ്ധേയമായ പങ്കുവഹിച്ച നേതാവാണ്.
പാര്‍ട്ടി വിടുന്നു
2009 ലാണ് അജയ് റായി ബിജെപിയുമായുള്ള ബന്ധം അവസാനിപ്പിക്കുന്നത്. ലോക്സഭ തിരഞ്ഞെടുപ്പില്‍ ബിജെപി സീറ്റ് നിഷേധിച്ചതായിരുന്നു അദ്ദേഹത്തിന്‍റെ പാര്‍ട്ടി വിടലില്‍ കലാശിച്ചത്. മുരളീ മനോഹര്‍ ജോഷിക്കായിരുന്നു ബിജെപി അത്തവണ വാരാണായില്‍ സീറ്റ് നല്‍കിയത്.
സമാജ് വാദി പാര്‍ട്ടിയില്‍
ബിജെപി ബന്ധം അവസാനിപ്പിച്ച അജയ് റായി അതേവര്‍ഷം തന്നെ സമാജ് വാദി പാര്‍ട്ടിയില്‍ ചേര്‍ന്നു. എസ്പി അദ്ദേഹത്തിന് ലോക്സഭയിലേക്ക് മത്സരിക്കാന്‍ ടിക്കറ്റ് നല്‍കിയെങ്കിലും വാരണാസിയില്‍ മുരളീ മനോഹര്‍ ജോഷിയോട് പരാജയപ്പട്ടു.
സ്വതന്ത്രനായി
ലോക്സഭ തിരഞ്ഞെടുപ്പ് പരാജയത്തിന് പിന്നാലെ എസ്പി വിട്ട അജയ് റായി 2009 ല്‍ തന്‍റെ തട്ടകമായ കൊലാസലയില്‍ നിന്ന് നിയമസഭയിലേക്ക് വീണ്ടും വിജയിച്ചു കയറി. സ്വതന്ത്രനായിട്ടായിരുന്നു നാലാം തവണ അജയ് റായി മണ്ഡലത്തില്‍ നിന്നും വിജയിച്ചു കയറിയത്.
കോണ്‍ഗ്രസ് ടിക്കറ്റില്‍
2009 ല്‍ കോണ്‍ഗ്രസില്‍ ചേര്‍ന്ന അദ്ദേഹം 2012 ല്‍ പിന്ദ്രയില്‍ നിന്നും കോണ്‍ഗ്രസ് ടിക്കറ്റില്‍ ഉത്തര്‍പ്രദേശ് നിയമസഭയിലേക്ക് വീണ്ടും വിജയിച്ചു കയറി. ഇതിനിടെ നിരവധി ക്രിമിനല്‍ കേസുകളിലും അദ്ദേഹം പ്രതിയായിരുന്നു.
മോദിക്കെതിരെ
പിന്ദ്രയില്‍ നിന്നുള്ള നിയമസഭാംഗമായിരിക്കെ തന്നെയായിരുന്നു 2014 ല്‍ മോദിക്കെതിരെ വാരണാസിയില്‍ കോണ്‍ഗ്രസ് അജയ് റായിയെ സ്ഥാനാര്‍ത്ഥിയാക്കുന്നത്. മണ്ഡലത്തില്‍ അദ്ദേഹത്തിന് സ്വാധീനം വോട്ടായി മാറുമെന്നായിരുന്നു കോണ്‍ഗ്രസ് പ്രതീക്ഷ.
പ്രതീക്ഷ
എന്നാല്‍ മോദി തരംഗവും കെജ്രിവാളും കോണ്‍ഗ്രസിന്‍റെ വോട്ടുകളില്‍ വലിയ വിള്ളല്‍ വീഴ്ത്തി. 2017 ല്‍ സിറ്റിങ് സീറ്റായ പിന്ദ്രയില്‍ നിന്ന് കോണ്‍ഗ്രസ് ടിക്കറ്റില്‍ വീണ്ടും ജനവിധി തേടിയെങ്കിലും പരാജയപ്പെടാനായിരുന്നു അദ്ദേഹത്തിന്‍റ വിധി.. അജയ് റായിയെ സ്ഥാനാര്‍ത്ഥിയാക്കുന്നതിലൂടെ ഇത്തവണ മണ്ഡലത്തില്‍ ശക്തമായ മത്സരം കാഴ്ച്ചവെക്കാന്‍ കഴിയുമെന്നാണ് കോണ്‍ഗ്രസ് പ്രതീക്ഷ.
