മുത്തലാഖ് ബില്ല് ലോക്സഭയില് പാസായി; എതിര്ത്തത് 74 അംഗങ്ങള്, കടുത്ത വിമര്ശനവുമായി ശശി തരൂര്
ദില്ലി: പ്രതിപക്ഷത്തിന്റെ പ്രതിഷേധത്തിനിടെ കേന്ദ്രസര്ക്കാര് കൊണ്ടുവന്ന മുത്തലാഖ് ബില്ല് ലോക്സഭയില് പാസായി. ബിജെപിക്ക് മൃഗീയ ഭൂരിപക്ഷമുള്ള സഭയില് 186 അംഗങ്ങള് അനുകൂലിച്ചപ്പോള് 74 അങ്ങള് എതിര്ത്തു. മുസ്ലിംകള്ക്കിടയിലെ പെട്ടെന്നുള്ള വിവാഹമോചനം മൂന്ന് വര്ഷം തടവ് ശിക്ഷ ലഭിക്കുന്ന കുറ്റമാക്കുന്ന ബില്ലാണിത്.
മുത്തലാഖ് ഭരണഘടനാ വിരുദ്ധമായി കഴിഞ്ഞവര്ഷം സുപ്രീംകോടതി വിധി പ്രഖ്യാപിച്ചിരുന്നു. പുതിയ നിയമം കൊണ്ടുവരാന് കേന്ദ്രത്തോട് ആവശ്യപ്പെടുകയും ചെയ്തു. തുടര്ന്ന് കേന്ദ്ര സര്ക്കാര് കൊണ്ടുവന്ന പുതിയ ബില്ലിലെ വ്യവസ്ഥകളാണ് വിവാദമായത്. മുസ്ലിം പുരുഷന്മാരെ ജയിലിലടയ്ക്കുക എന്ന ലക്ഷ്യത്തോടെയാണ് ബില്ല് കൊണ്ടുവന്നതെന്ന് പ്രതിപക്ഷം ആരോപിക്കുന്നു. എന്നാല് ഇത് മതത്തിന്റെ വിഷയമല്ലെന്നും നീതിയുടെയും അവകാശത്തിന്റെയും വിഷയമാണെന്നും നിയമ മന്ത്രി രവിശങ്കര് പ്രസാദ് ചര്ച്ചക്കിടെ പറഞ്ഞു.
മുസ്ലിം സ്ത്രീ (വിവാഹ അവകാശ സംരക്ഷണം) ബില്ല് 2019 എന്നാണ് പുതിയ ബില്ലിന്റെ പേര്. ബില്ല് വിവേചനപരമാണെന്ന് കോണ്ഗ്രസ് ആരോപിച്ചു. ബില്ലിന്മേല് വോട്ടെടുപ്പ് വേണമെന്ന് എംഐഎം നേതാവ് അസദുദ്ദീന് ഉവൈസി ആവശ്യപ്പെട്ടു. തുടര്ന്നാണ് കേന്ദ്രം വോട്ടെടുപ്പ് നടത്തിയതും ബില്ല് പാസായതും. സുപ്രീംകോടതി വിധിക്ക് ശേഷം 229 മുത്തലാഖ് കേസുകള് റിപ്പോര്ട്ട് ചെയ്തിട്ടുണ്ടെന്ന് മന്ത്രി രവി ശങ്കര് പ്രസാദ് വിശദീകരിച്ചു.
മുത്തലാഖിനോട് യോജിപ്പില്ലെന്ന് പറഞ്ഞ കോണ്ഗ്രസ് നേതാവ് ശശി തരൂര്, ബില്ലിലെ വ്യവസ്ഥകളോടുള്ള വിയോജിപ്പ് രേഖപ്പെടുത്തി. സിവില് വിഷയം ക്രിമിനല് കുറ്റമാക്കുന്ന ബില്ലിലെ വ്യവസ്ഥയോട് യോജിക്കാന് സാധിക്കില്ല. മുസ്ലിംകള്ക്കെതിരായ വിവേചനമാണിത്. വിവാഹമോചനം മുസ്ലിംകള്ക്കിടയിലെ മാത്രം പ്രശ്നമല്ല. എല്ലാ മതവിഭാഗത്തിലുമുണ്ട്. എല്ലാ വിഭാഗത്തെയും ബാധിക്കുന്ന നിയമമാണ് വേണ്ടത്. മുഴുവന് സ്ത്രീകള്ക്കും സംരക്ഷണം ഉറപ്പാക്കണം. മുസ്ലിം സ്ത്രീകള്ക്ക് ഗുണം ചെയ്യുന്ന വ്യവസ്ഥകളൊന്നും പുതിയ ബില്ലിലില്ല. പിന്നെ എങ്ങനെയാണ് അവകാശ സംരക്ഷണം ആകുക. മുസ്ലിം പുരുഷന്മാരെ ശിക്ഷിക്കുന്ന കാര്യമാണ് ബില്ലില് പറയുന്നതെന്നും ശശി തരൂര് പറഞ്ഞു.
ഇനി രാജ്യസഭയില് ബില്ല് പാസാകണം. ശേഷം രാഷ്ട്രപതി ഒപ്പുവയ്ക്കുന്നതോടെയാണ് ബില്ല് നിയമമാകുക. ഇത്തവണ ബില്ല് നിയമമാകുമെന്ന പ്രതീക്ഷയിലാണ് ബിജെപി.
-
വളരെ സ്പെഷ്യലായ 2 രാജയോഗങ്ങൾ ഒരുമിച്ച്; ഈ രാശിക്കാരുടെ പ്രണയ ജീവിതം കളറാവും, സമ്പത്ത് നിറയും! -
ട്രാക്ക് മാറ്റാൻ ബെംഗളൂരു നഗരം; എൽപിജി ഇല്ലെങ്കിലും നോ ടെൻഷൻ, കൂടുതൽ ബയോഗ്യാസ് പ്ലാന്റുകൾ സ്ഥാപിക്കും -
വിജയ്-തൃഷ ബന്ധത്തിന് പിന്നാലെ മകൻ സഞ്ജയുടെ നിർണായക തീരുമാനം, അത് പൊളിച്ചടുക്കി സംഗീതയും';ആലപ്പി അഷ്റഫ് -
ബെംഗളൂരുകാർക്ക് ആശ്വാസം; സിൽക്ക് ബോർഡിലെ ഡെബിൾ ഡെക്കർ മേൽപ്പാലം ഉടൻ പൂർണമായി തുറക്കും -
'അയാൾ ലവ് ബോംബിംഗ് നടത്തി, 19-ാം വയസിൽ കല്യാണം കഴിച്ചത് ജോത്സ്യന് പറഞ്ഞതുകൊണ്ട് മാത്രം'; അമൃത സുരേഷ് -
സ്വര്ണവില വീണ്ടും താഴ്ന്നു; സ്വര്ണത്തിന് എന്തുപറ്റി? വില കുറഞ്ഞ് 75000 എത്തുമോ, പവന് വില -
ആപ്പിൾ പ്രേമികൾക്ക് ലോട്ടറി! ഐഫോൺ 16 വില 20,000 രൂപ കുറഞ്ഞു; സുവർണ്ണാവസരം നഷ്ടപ്പെടുത്തരുത് -
ആലിയ ഭട്ടിന്റെ ഗ്ലാമർ രഹസ്യം ഇതാണ്! ആ 8 കാര്യങ്ങളിലൂടെ നിങ്ങളുടെ ചർമ്മവും തിളങ്ങും -
കേരളത്തിൽ സ്വർണ വില ഒരാഴ്ചക്കിടെ ഇടിഞ്ഞത് 3000ത്തിന് അടുത്ത്; വരും ആഴ്ചയിലും വില കുത്തനെ താഴേക്ക്? -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
"സീറ്റ് പോയോ സരിൻ?" സ്ഥാനാർത്ഥി പട്ടിക വന്നതിന് പിന്നാലെ പി സരിന് ട്രോൾ മഴ -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന്
Click it and Unblock the Notifications
Sign in with Google