വര്‍ഷങ്ങള്‍ക്ക് മുമ്പ് കാണാതായ ഇന്ത്യയുടെ ചന്ദ്രയാന്‍ ഒന്ന് പേടകം നാസ കണ്ടെത്തി

ഇന്ത്യയുടെ ആദ്യത്തെ ചന്ദ്രയാന്‍ ദൗത്യത്തിനായി വിക്ഷേപിച്ച ചന്ദ്രയാന്‍ ഒന്ന് പേടകം കണ്ടെത്തി.ഏഴ് വര്‍ഷം മുമ്പ് കാണാതായ പേടകം അമേരിക്കയുടെ ബഹിരാകാശ ഏജന്‍സി നാസയാണ് കണ്ടെത്തിയത്.

വാഷിങ്ടണ്‍; ഇന്ത്യയുടെ ആദ്യത്തെ ചന്ദ്രയാന്‍ ദൗത്യത്തിനായി വിക്ഷേപിച്ച ചന്ദ്രയാന്‍ ഒന്ന് പേടകം കണ്ടെത്തി. ഏഴ് വര്‍ഷം മുമ്പ് കാണാതായ പേടകം അമേരിക്കയുടെ ബഹിരാകാശ ഏജന്‍സി നാസയാണ് കണ്ടെത്തിയത്.

2009 ഒഗസ്റ്റ് 29നാണ് ഇന്ത്യന്‍ സ്‌പേസ് റിസേര്‍ച്ച് ഓര്‍ഗനൈസേഷന് ചന്ദ്രയാനുമായുള്ള കമ്മ്യൂണിക്കേഷന്‍ നഷ്ടമായത്. 2008 ഒക്ടോബര്‍ 29നാണ് ചന്ദ്രയാന്‍ പേടകം വിക്ഷേപിക്കുന്നത്. ചന്ദ്രന് മുകളില്‍ 200 കിലോമീറ്റര്‍ പരിധിയിലാണ് ചന്ദ്രയാന്‍ ഒന്ന് ചുറ്റുന്നത്.

എന്നാല്‍ പേടകത്തിന്റെ സാങ്കേതിക സംവിധാനങ്ങളെല്ലാം നഷ്ടപ്പെട്ടുവെന്ന് ഗവേഷകര്‍ പറയുന്നു. രണ്ട് വര്‍ഷത്തെ ആയുസാണ് ചന്ദ്രയാന്‍ പേടകം ഒന്നിന് പ്രതീക്ഷിച്ചിരുന്നത്. എന്നാല്‍ പത്ത് മാസത്തെ പ്രവര്‍ത്തനത്തിന് ശേഷം പൂര്‍ണമായി വിച്ഛേദിക്കപ്പെടുകെയായിരുന്നു.

ആദ്യ ചന്ദ്രപരിവേക്ഷണ വാഹനം

ഇന്ത്യയുടെ ആദ്യത്തെ ചന്ദ്രപരിവേഷണ വാഹനമാണ് ചന്ദ്രയാന്‍ പേടകം 1. ഇപ്പോഴും ചന്ദ്രനെ വലം വയ്ക്കുന്നുണ്ടെന്ന് നാസ കണ്ടെത്തി. 2008 ഒക്ടോബര്‍ 22നാണ് ഇസ്രോ ചന്ദ്രയാന്‍ വിക്ഷേപിച്ചത്.

റഡാറിന്റെ സഹായത്തോടെ

നാസയുടെ ഏറ്റവും പുതിയ റഡാറിന്റെ സഹായത്തോടെയാണ് ചന്ദ്രയാന്‍ 1 പേടകത്തെ കണ്ടെത്തിയത്. ടെലിസ്‌കോപ്പുകള്‍ പോലും ഉപയോഗിച്ച് കണ്ടെത്താന്‍ സാധ്യമല്ലാത്ത ഇത്തരം വസ്തുക്കളെ റഡാറിന്റെ സഹായത്തോടെയാണ് കണ്ടെത്തുന്നത്.

ഏറെ ബുദ്ധിമുട്ടോടെ

ഇന്ത്യയുടെ ചന്ദ്രയാന്‍ കണ്ടെത്തുക ഏറെ ബുദ്ധിമുട്ടായിരുന്നുവെന്ന് നാസ അറിയിച്ചു. നാസയുടെ ലൂണാര്‍ റിക്കനൈസണ്‍സ് കണ്ടെത്തുക വളരെ എളുപ്പമായിരുന്നു. പക്ഷേ ലൂണാര്‍ റിക്കനൈസണ്‍സ് പേടകത്തേക്കാളും ഏറെ ചെറുതാണ് ഇന്ത്യയുടെ ചന്ദ്രയാന്‍ ഒന്ന്. അതുക്കൊണ്ട് തന്നെ ഏറ്റവും മികച്ച റാഡറാണ് ഇത് കണ്ടെത്താനായി ഉപോയഗിച്ചത്.

സാങ്കേതിക സംവിധാനങ്ങള്‍ നഷ്ടപ്പെട്ടു

എന്നാല്‍ ചന്ദ്രയാന്റെ സാങ്കേതിക സംവിധാനങ്ങളൊക്കെ നഷ്ടപ്പെട്ടുവെന്ന് ഗവേഷകര്‍ പറയുന്നു.

English summary

'Lost' Chandrayaan-1 found orbiting Moon.