ബാബറി മസ്ജിദ് ആക്രമണക്കേസില് വിധി ഈ മാസം 30ന്! എൽകെ അദ്വാനി അടക്കമുളളവർ ഹാജരാകണം
ദില്ലി: ബാബറി മസ്ജിദ് ആക്രമണക്കേസില് ഈ മാസം 30തിന് വിധി പറയും. ലഖ്നൗ പ്രത്യേക സിബിഐ കോടതിയാണ് കേസില് വിധി പറയുക. മുന് ഉപപ്രധാനമന്ത്രി എല്കെ അദ്വാനി, ബിജെപിയുടെ ഉന്നത നേതാക്കളായ മുരളി മനോഹര് ജോഷി, ഉമ ഭാരതി അടക്കമുളളവര് കോടതിയില് ഹാജരാകണം. ഇവരടക്കം 32 പ്രതികളാണ് ബാബറി മസ്ജിദ് ആക്രമണക്കേസിലുളളത്.
1992ലാണ് അയോധ്യയിലെ ബാബറി മസ്ജിദ് തകര്ക്കപ്പെട്ടത്. 28 വര്ഷങ്ങള്ക്കിപ്പുറമാണ് രാജ്യത്ത് വലിയ രാഷ്ട്രീയ കോളിളക്കങ്ങള് സൃഷ്ടിച്ച കേസില് കോടതി വിധി പറയാനൊരുങ്ങുന്നത്. ഈ മാസം 30ന് കേസില് വിധി പറയുമെന്ന് പ്രത്യേക സിബിഐ കോടതി ജഡ്ജിയായ സുരേന്ദ്ര കുമാര് യാദവ് ആണ് വ്യക്തമാക്കിയത്.
കേസില് പ്രതി ചേര്ക്കപ്പെട്ട 32 പേരുടേയും മൊഴി കോടതി രേഖപ്പെടുത്തിയിട്ടുണ്ട്. ഈ മാസം ആദ്യം കേസിലെ എല്ലാ നടപടികളും കോടതി പൂര്ത്തിയാക്കി. ആഗസ്റ്റ് 31ന് കേസില് വിധി പറയണമെന്ന് നേരത്തെ സുപ്രീം കോടതി നിര്ദേശിച്ചിരുന്നു. പിന്നീടിത് ഒരു മാസത്തേക്ക് കൂടി നീട്ടുകയായിരുന്നു. സെപ്റ്റംബര് 30നുളളില് കേസില് വിധി പറയണമെന്ന് സുപ്രീം കോടതി ഉത്തരവിട്ടു.
നേരത്തെ പലതവണയായി സുപ്രീം കോടതി കേസില് നടപടികള് പൂര്ത്തിയാക്കാന് സമയ പരിധി നിശ്ചയിച്ചിരുന്നു. കഴിഞ്ഞ വര്ഷം ജൂലൈയില് ബാബറി കേസിലെ ക്രിമിനല് വിചാരണ ആറ് മാസത്തിനുളളില് പൂര്ത്തിയാക്കാനും ശേഷം മൂന്ന് മാസത്തിനുളളില് വിധി പറയാനുമായി ആകെ 9 മാസത്തെ സമയം കോടതി അനുവദിച്ചിരുന്നു. ഈ വര്ഷം ഏപ്രില് 19ന് ഈ സമയപരിധി അവസാനിച്ചു. തുടര്ന്നാണ് ആഗസ്റ്റ് 31 വരെ സമയം സുപ്രീം കോടതി നീട്ടി നല്കിയത്.
കേസില് ദിവസവും വിചാരണ നടത്തി രണ്ട് വര്ഷത്തിലുളളില് വിചാരണ പൂര്ത്തിയാക്കാന് 2017 ഏപ്രില് 19ന് സുപ്രീം കോടതി നിര്ദേശിച്ചിരുന്നു. ഇന്ത്യന് ഭരണഘടനയുടെ മതേതരത്വ സ്വഭാവത്തെ പിടിച്ച് കുലുക്കിയ കുറ്റകൃത്യമാണ് ബാബറി മസ്ജിദ് തകര്ത്ത സംഭവം എന്ന് സുപ്രീം കോടതി നിരീക്ഷിച്ചു. മാത്രമല്ല കേസിലെ വിഐപികള്ക്കെതിരെയുളള ഗുഢാലോചനക്കുറ്റം പുനസ്ഥാപിക്കാനും സുപ്രീം കോടതി സിബിഐക്ക് അനുമതി നല്കി. 2001 ഫെബ്രുവരിയില് അദ്വാനി അടക്കമുളളവരെ ഗൂഢാലോചനക്കേസില് നിന്നും ഒഴിവാക്കിയ അലഹാബാദ് ഹൈക്കോടതി വിധി തെറ്റാണെന്നും സുപ്രീം കോടതി വ്യക്തമാക്കിയിരുന്നു.
Recommended Video
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google